ଭୁବନେଶ୍ଵର ର ବନ୍ଦେ ମାତରମ୍ ଗ୍ରୁପ ପକ୍ଷରୁ ତ୍ରିରଙ୍ଗା ପତାକା ଧରି ସଚେତନତା କାର୍ଯ୍ୟକ୍ରମ…!
ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ଙ୍କ ଦ୍ଵିତୀୟ ଶାସନ ବର୍ଷ କାଳର ପ୍ରଥମ ପର୍ଯ୍ୟାୟରେ ନିଆ ଯାଇଥିବା ଐତିହାସିକ ପଦକ୍ଷେପ ସମସ୍ତ ସ୍ୱଦେଶୀ ପ୍ରେମୀଙ୍କ ମନରେ ଭରି ଦେଇଛି ଉତ୍ସାହ ଓ ଉନ୍ମାଦନା । ଧାରା ୩୭୦ କୁ ଉଚ୍ଛେଦ କରାଯାଇ ଜମ୍ମୁ ଓ କାଶ୍ମୀର ପୁନର୍ଗଠନ କରି ଜାମ୍ମୁ – କାଶ୍ମୀର ଓ ଲଦାଖ ରେ ବିଭକ୍ତ କରିବାପରେ ଏଠାରେ ଲାଗି ରହିଥିବା ଅଶାନ୍ତ ପରିସ୍ଥିତି ସୁଧାର ଆସି ଭାରତରୁ ଆତଙ୍କ ବାଦ ଦୁରେଇ ଯିବା ଆଶା ପ୍ରକଟ ହୋଇଛି ।
ଗୁରୁ ପ୍ରହଲ୍ଲାଦ ନାୟକଙ୍କ ଆଶୀର୍ବାଦ ରେ ପୂର୍ଣ୍ଣ ଚନ୍ଦ୍ର ସାହୁ ଭୁବବେଶ୍ୱରସ୍ଥ ବନ୍ଦେ ମାତରମ୍ ଗ୍ରୁପ ପକ୍ଷରୁ ପୂର୍ବ ବର୍ଷ ଭଳି ଏବର୍ଷ ମଧ୍ୟ ଏକ ପଥ ପ୍ରାନ୍ତ ନାଟକର ଆୟୋଜନ କରିଛନ୍ତି । ସମସ୍ତେ ନିଜକୁ ତ୍ରିରଙ୍ଗା ବେଶରେ ସଜାଇ ହୋଇ ଜନସଚେତନ କରାଉଛନ୍ତି । ପୂର୍ବରୁ ଏମାନଙ୍କ ଦ୍ୱାରା କରାଯାଉଥିବା ନାଟକ କୁ” ମେରୀ ଜାନ ହିନ୍ଦୁସ୍ଥାନ” ବୋଲି ସୂଚିତ କରୁଥିବା ବେଳେ ଚଳିତ ଥର ଏହାକୁ “One Nation One Flag” ନାମରେ ନାମିତ କରାଯାଇଛି।
ଶ୍ରୀ ସାହୁ କହିଛନ୍ତି ଆମେ ଦୀର୍ଘ ବର୍ଷ ହେଲା ସ୍ୱାଧୀନ ହୋଇଥିଲେବି ଏହାକୁ ଅନୁଭବ ଜରିପାରୁ ନଥିଲୁ । ଧାରା ଉଚ୍ଛେଦ ଓ ପୁନର୍ଗଠନ ପରେ ଲାଗୁଛି ସତେ ଯେମିତି ଆମେ ଏବେ ପୂର୍ଣ୍ଣ ସ୍ୱାଧୀନ ପାଇଛୁ । ଆମେ ଆମ ମୁଣ୍ଡରେ ଆମ ପୋଗୋଡ଼ି ବାନ୍ଧି ପାରିଛୁ । ସେଠାରେ ଉଡା ଯାଉଥିବା ଅନ୍ୟ ରଙ୍ଗର ପତାକା ହଟାଇ ଆମେ ସେଠାରେ ତ୍ରିରଙ୍ଗା ଉଡାଇପାରିବୁ । ଗର୍ବରେ କହୁବୁ ଆମେ ଭାରତୀୟ । ଶ୍ରୀ ସାହୁ ଏବଂ ବନ୍ଦେ ମାତରଂ ଗ୍ରୁପର ଏଭଳି ସଚେତନତା କୁ ସଧାରଣରେ ଭୁୟସୀ ପ୍ରଶଂସା କରାଯାଇଛି ।