ବଂଶଧାରା ନଦୀ ରେ ଜଳ ବୃଦ୍ଧି ଓ ବନ୍ୟା ଆଶଙ୍କା ର ସମୀକ୍ଷା କରୁଛନ୍ତି ରାୟଗଡ ଜିଲ୍ଲାପାଳ ।
!!! ଦକ୍ଷୀଣ ଓଡ଼ିଶା ମୁଖ୍ୟ ଡ଼ି. କିରଣ କୁମାର ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୁଣପୁର/ଗୁଡ଼ାରୀ) – ବଂଶଧାରା ନଦୀ ର ଜଳ ସ୍ଥର ବିପଦ ସଙ୍କେତ ଉପରେ ପ୍ରବାହିତ ହେଉଥିବା ରୁ ବନ୍ୟା ର ମୁକାବିଲା ନିମନ୍ତେ ଗୁଡାରୀ ଠାରେ ସମୀକ୍ଷାରତ ଗୁଣପୁର ଉପ ଜିଲ୍ଲାପାଳ ଶ୍ରୀ ସିଦ୍ଧେଶ୍ବର ବଳିରାମ ବନ୍ଧୋର ।
ଗୁଡାରୀ ଗ୍ରାମ ରେ ବର୍ଷା ଯୋଗୁଁ ଭରି ରହିଥିବା ପାଣି ନିଷ୍କାସନ ନିମନ୍ତେ କୁଶଳୀ ପାଣି ନିଷ୍କାସନ ପ୍ରକ୍ରିୟା ଅବଲମ୍ବନ କରିଛନ୍ତି ଶ୍ରୀ ବଳିରାମ।
ଗତ ୨୪ ଘଣ୍ଟା ମଧ୍ୟରେ ଗୁଣପୁର ଠାରେ ୧୦୭.୦ ଏମ୍ ଏମ୍ , ଗୁଡାରୀ ଠାରେ ୧୮୮.୮ ଏମ୍ ଏମ୍ , ଚନ୍ଦ୍ରପୁର ଠାରେ ୧୪୧.୦ ଏମ୍ ଏମ୍ ଏବଂ ମୁନିଗୁଡା ଠାରେ ସର୍ବାଧିକ ୨୨୯.୮ ଏମ୍ ଏମ୍ ବର୍ଷା ର ପରିମାଣ ରହିଥିବା ସୁଚନା ମିଳିଛି ।
ଆଗକୁ ବର୍ଷା ଲାଗି ରହିଲେ ନଦୀ ଜଳ ବଢ଼ିବା ସହ ବନ୍ୟା ଆସିବା ଆଶଙ୍କା କରିଛି ସ୍ଥାନୀୟ ପ୍ରଶାସନ ।
ବର୍ଷା ଯୋଗୁଁ ସମସ୍ତ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ ଗୁଡିକୁ ମଧ୍ୟାହ୍ନ ପର ଠାରୁ ଛୁଟି ଘୋଷଣା କରିବା ସହ ପିଲା ମାନଙ୍କୁ ସୁରକ୍ଷିତ ନିଜ ନିଜ ଘର କୁ ପଠାଇବା ନିମନ୍ତେ ଜିଲ୍ଲାପାଳ ଶ୍ରୀ ପ୍ରମୋଦ କୁମାର ବେହେରା ନିର୍ଦ୍ଧେଶ ଦେଇଛନ୍ତି ।
ସ୍ଥାନୀୟ ପ୍ରଶାସନ ର ଏତାଦୃଶ ପଦକ୍ଷେପ କୁ ସାଧାରଣ ରେ ଭୁୟସି ପ୍ରଶଂସା କରିବା ସହ ଗୁଣପୁର ବିଧାୟକ ଙ୍କ ଅନୁପସ୍ଥିତି ଚକିତ ଏବଂ ଚର୍ଚ୍ଚା ର ପରିସର କୁ ଟାଣିଛି ।
ଜିଲ୍ଲାପାଳ ଙ୍କ ବନ୍ୟା ସମୀକ୍ଷା ରେ ଜିଲ୍ଲା ପ୍ରକଳ୍ପ ନିର୍ଦ୍ଧେଶକ ଶ୍ରୀ ଅମ୍ରିତ୍ ଋତୁରାଜ , ଗୁଣପୁର ଉପ ଜିଲ୍ଲାପାଳ ଶ୍ରୀ ସିଦ୍ଧେଶ୍ବର ବଳିରାମ ବନ୍ଧୋର , ଗୁଣପୁର ପ୍ରକଳ୍ପ ପ୍ରଶାସକ ଶ୍ରୀ ଗୋରାଚାନ୍ଦ ଗମାଙ୍ଗ ଏବଂ ତହସିଲଦାର ସୁଶ୍ରୀ ନମ୍ରତା ମୋଦୀ ପ୍ରମୁଖ ଉପସ୍ଥିତ ରହିଥିଲେ ।