ଫାଙ୍କୁଛନ୍ତି ବୀମା କମ୍ପାନୀ, ତାତିଲେଣି ଚାଷୀ ;ପାଂଚ ଦଫା ଦାବୀ ନେଇ ଉପଜିଲ୍ଲାପାଳ ଅଫିସ ଘେରାଉ !
ପଶ୍ଚିମ ଓଡିଶା ମୁଖ୍ୟ ଏମ୍. ଶ୍ରୀକାନ୍ତ ଙ୍କ ରିପୋର୍ଟ୍
ଏଥର ସମ୍ଭାଳ (ବରଗଡ଼/ପଦ୍ମପୁର) – ବିଗତ ପାଂଚ ବର୍ଷଧରି ପଦ୍ମପୁର ଉପଖଣ୍ଡର ଚାଷୀ ମରୁଡିର ଶିକାର ହେଉଛନ୍ତି । ସେମାନେ ଚାଷକୁ ବିମାଭୁକ୍ତ କଲେ ମଧ୍ୟ ବୀମା କମ୍ପାନୀ ଗୁଡିକ ବିଭିନ୍ନ ଆଳ ଦେଖାଇ ବୀମା ପ୍ରଦାନ କରିବାରେ ବିଳମ୍ବ କରୁଛନ୍ତି ଯାହାର କୁ ପ୍ରଭାବ ସିଧାସଳଖ ଭାବରେ ଚାଷୀଙ୍କ ଉପରେ ପଡୁଛି ।ଚଳିତ ବର୍ଷ ନିୟମ ପ୍ରଧାନମନ୍ତ୍ରୀ ସଳବିଲା ଯୋଜନା ଅନୁସାରେ ବିମା କମ୍ପାନୀ ଗୁଡିକ ମାର୍ଚ ମାସ ଶେଷ ସୁଦ୍ଧା ଚାଷୀଙ୍କ ବୀମା ରାଶି ପ୍ରଦାନ କରିବା କଥା କିନ୍ତୁ ଜୁନ ମାସ ଶେଷ ହୋଇଥିଲେ ମଧ୍ୟ ଚାଷୀ ବିମାରାଶି ପାଇବାରୁ ବଂଚିତ ଅଛନ୍ତି । ଅନ୍ୟପଟେ ଇନପୁଟ ସବସିଡି,କାଳିଆ ଟଙ୍କା,ପ୍ରଧାନ ମନ୍ତ୍ରୀସଳ ବୀମା, ରବି ଋତୁରେ ଅମଳ ହୋଇଥିବା ଧାନ ଠିକ ଭାବରେ ବିକ୍ରି କରିବା ଆଦି ରୁ ବଂଚିତ ହୋଇଛନ୍ତି । ତେଶୁ ବୋରାସମ୍ବର କୃଷକ ସଂଗଠନ ତରଫରୁ ଆଜି ଶହ ଶହ ଚାଷୀ ପଦ୍ମପୁର ଉପଜିଲ୍ଲପାଳଙ୍କ ଅଫିସ ଘେରିବା ସହିତ ପାଂଚ ଦଫା ଦାବୀପତ୍ର ପ୍ରଦାନ କରିଥିଲେ । ଦାବୀପତ୍ର ଗ୍ରହଣ କରିବା ପରେ ଏହି ସମସ୍ୟାକୁ ଜିଲ୍ଲାପାଳଙ୍କୁ ଅବଗତ କରିବେ ବୋଲି ଉପଜିଲ୍ଲାପାଳ ଶୀ ତନ୍ମୟ କୁମାର ଦରୱାନ ପ୍ରକାଶ କରିଛନ୍ତି ।