ସରକାରୀ ଉଚ୍ଚ ବିଦ୍ୟାଳୟ ପରିସରରେ ‘ଏକ ପେଡ ମା କେ ନାମ ‘ କାର୍ଯ୍ୟକ୍ରମ ଅନୁଷ୍ଠିତ…!

!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!!

ଏଥର ସମ୍ଭାଳ(ଭବାନୀପାଟଣା)- ପ୍ରଧାନ ଶିକ୍ଷକ ଶ୍ରୀ ସମୀର କୁମାର ବେହେରାଙ୍କ ସଭାପତିତ୍ବରେ ସ୍ଥାନୀୟ ସରକାରୀ ଉଚ୍ଚ ବିଦ୍ୟାଳୟ,କେସିଂଗାରେ ଦ୍ୱିତୀୟ ଅଭିଭାବକ, ଶିକ୍ଷକ/ଶିକ୍ଷୟିତ୍ରୀ ତଥା ବିଦ୍ୟାଳୟ ପରିଚାଳନା କମିଟିର ବୈଠକ ଓ ‘ଏକ ପେଡ ମା କେ ନାମ ‘ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ନିଜ ଅଭିଭାଷଣରେ ସଭାପତି ଶ୍ରୀ ବେହେରା ଗୁଣାତ୍ମକ , ସମନ୍ବିତ ଓ ସାମଗ୍ରିକ ବିକାଶରେ ଶିକ୍ଷା, ଖାଦ୍ୟ , ସ୍ବାସ୍ଥ୍ୟ ଓ ପରିମଳ ବ୍ୟବସ୍ଥା ତଥା ସମାଜର ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ଉପସ୍ଥିତ ପିତାମାତା, ଅଭିଭାବକ ତଥା ଶିକ୍ଷକ-ଶିକ୍ଷୟିତ୍ରୀମାନଙ୍କୁ ଅବଗତ କରାଇଥିଲେ। ଉକ୍ତ ବୈଠକରେ ଓଡ଼ିଶା ସରକାରଙ୍କ ଦ୍ବାରା ନିର୍ଦ୍ଧାରିତ ସମସ୍ତ ବିଷୟ ବସ୍ତୁ ଉପରେ ପୁଙ୍ଖାନୁପୁଙ୍ଖ ଆଲୋଚନା କରାଯାଇଥିଲା। ବିଦ୍ୟାଳୟ ଶିକ୍ଷାର ସର୍ବାଙ୍ଗୀନ ଉନ୍ନତି ନିମନ୍ତେ ଅଭିଭାବକମାନେ ଗଠନମୂଳକ ମତାମତ ଓ ପ୍ରସ୍ତାବ ଉପସ୍ଥାପନ କରିଥିଲେ ।ପରବର୍ତୀ ସମୟରେ ମୁଖ୍ୟ ଅତିଥି ଶ୍ରୀଯୁକ୍ତ ରାଧାକାନ୍ତ ଛତ୍ରି ସମସ୍ତ ଅଭିଭାବକ /ଅଭିଭାବକ। ମାନଙ୍କୁ ଅଭିଭାଷଣ ପ୍ରଦାନ କରିଥିଲେ। ଆଜି ସକାଳ ୧୦:୩୦ ରେ ସ୍ଥାନୀୟ ସରକାରୀ ଉଚ୍ଚ ବିଦ୍ୟାଳୟରୁ ଏକ ସଚେତନତା ରାଲି ସହର ପରିକ୍ରମା କରିଥିଲେ।ଏହି କାର୍ଯ୍ୟକ୍ରମ ରେ ଏନ.ସି.ସି ଆର୍ମୀ ,ଏୟର ଏବଂ ନାଭାଲ ବିଭାଗର କ୍ୟାଡେଟ ତଥା ଇକୋ କ୍ଲବ ଏବଂ ଶକ୍ତି କ୍ଲବ ର ଛାତ୍ର ଛାତ୍ରୀ ଭାଗନେଇଥିଲେ।କେସିଂଗା ବନାଞ୍ଚଳ ବିଭାଗର କର୍ମଚାରୀ ସକ୍ରୀୟ ଯୋଗଦାନ କରିଥିଲେ।ଏହାପରେ ୪୦ରୁ ଉର୍ଦ୍ଧ୍ଵ ମାଆମାନଙ୍କ ଦ୍ଵାରା ବିଦ୍ୟାଳୟ ପରିସରରେ ବୃକ୍ଷ ରୋପଣ କରାଯାଇଥିଲା। ଏବଂ ଅପରାହ୍ନରେ ଗୋଷ୍ଠୀ ଶିକ୍ଷା ଅଧିକାରୀ କାର୍ଯ୍ୟାଳୟ, କେସିଙ୍ଗା ଆନୁକୁଲ୍ୟରେ ଆୟୋଜିତ ସଭାରେ ମୁଖ୍ୟ ଅତିଥି ରୂପେ କଳାହାଣ୍ଡି ଜିଲ୍ଲା ଶିକ୍ଷା ଅଧିକାରୀ ଶ୍ରୀ ରାଧାକାନ୍ତ ଛେତ୍ରୀ, ସ୍ବତନ୍ତ୍ର ଅତିଥି ଶ୍ରୀ ଶିବପ୍ରସାଦ ବେହେରା, ଅବସରପ୍ରାପ୍ତ ଅଧ୍ୟକ୍ଷ , ଡି.ଏ.ଭି. ସ୍ବୟଂଶାସିତ କଲେଜ, ଟିଟିଲାଗଡ଼ , ଏବଂ ସମ୍ମାନିତ ଅତିଥି ଭାବରେ କେସିଙ୍ଗା ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଆନନ୍ଦ କୁମାର ବେହେରା, ପ୍ରକୃତି ବନ୍ଧୁ ଶ୍ରୀ ଅଭୟ କୁମାର ଦେବତା, କେସିଙ୍ଗା ବନାଞ୍ଚଳ ସୁରକ୍ଷା କର୍ମୀ ଶ୍ରୀ ଧନଞ୍ଜୟ ନିଆଲ୍, ସି.ଆର୍,ସି.ସି. ଶ୍ରୀ ଚନ୍ଦ୍ର ଧ୍ବଜ ନାଗ ଯୋଗଦାନ କରିଥିଲେ ଏବଂ ‘ଏକ ପେଡ ମା କେ ନାମ’ ଆହ୍ବାନର ଉପାଦେୟତା ଓ ପ୍ରାସଙ୍ଗିକତା ବିଷୟରେ ଉପସ୍ଥିତ ଛାତ୍ରଛାତ୍ରୀମାନଙ୍କୁ ଅବତାରଣା କରିଥିଲେ । ପ୍ରଧାନ ଶିକ୍ଷକ ଶ୍ରୀ ସମୀର କୁମାର ବେହେରା ଏହି ଅଧିବେଶନର ସଭାପତିତ୍ବ କରିଥିଲେ ଓ ଶିକ୍ଷକ ଶ୍ରୀ ଜି.କ୍ରିଷ୍ଣା ରେଡି କାର୍ଯ୍ୟକ୍ରମ ପରିଚାଳନା କରିଥିଲେ। ଉକ୍ତ କାର୍ଯ୍ୟକ୍ରମରେ କେସିଙ୍ଗା ବ୍ଲକର ସି.ଆର୍. ସି.ସି.ମାନେ ତଥା ସରକାରୀ ଉଚ୍ଚ ବିଦ୍ୟାଳୟ,କେସିଙ୍ଗାର ସମସ୍ତ ଶିକ୍ଷା ଓ ଅଣ ଶିକ୍ଷା କର୍ମଚାରୀମାନେ ସକ୍ରିୟ ସାହାଯ୍ୟ ଓ ସହଯୋଗ କରିଥିଲେ । ବରିଷ୍ଠ ଶିକ୍ଷକ ଶ୍ରୀ ହେମନ୍ତ କୁମାର ବାଗ ଧନ୍ୟବାଦ ଅର୍ପଣ କରିଥିଲେ ।