୪ ନକଲି ସାମ୍ୱାଦିକ ଙ୍କୁ ଗିରଫ କଲା ପୋଲିସ !
!!! ବରଗଡ ରୁ ଏମ ଶ୍ରୀକାନ୍ତ ଙ୍କ ରିପୋର୍ଟ !!!
ଏଥର ସମ୍ଭାଳ ବ୍ୟୁରୋ (ବରଗଡ) – ବ୍ଲାକମେଲିଂ ଏବଂ ବଟି ଆଦାୟବେଳେ ନକଲି ସାମ୍ବାଦିକ ଧରା ପଡ଼ିଛନ୍ତି। ସେମାନଙ୍କ ମଧ୍ୟରେ ଜଣେ ଓଡ଼ିଆ ସମେତ ୪ ନକଲି ସାମ୍ବାଦିକ ରହିଛନ୍ତି। ବରଗଡ଼ ପୋଲିସ ଏମାନଙ୍କୁ ଗିରଫ କରିଛି।
ଗିରଫ ନକଲି ସାମ୍ବାଦିକମାନେ ହେଲେ ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ଅନ୍ତର୍ଗତ ଭାକରସାହିର ତପନ କୁମାର ସାହୁ, ଉତ୍ତରପ୍ରଦେଶ ନୋଏଡାର ଅନୁଜ ଅଗ୍ରଓ୍ୱାଲ, ବୁଲନ୍ଦସହରର ବିଶାଲ ଗାମ୍ଭୀର ଏବଂ ଦିଲ୍ଲୀଗେଟ୍ ଗାଜିଆବାଦର ଇମ୍ରାନ୍ ଖାନ।
ସେମାନଙ୍କଠାରୁ ବିଭିନ୍ନ ଘରୋଇ ଚ୍ୟାନେଲର ବୁମ୍ ସହ କ୍ୟାମେରା, ପରିଚୟପତ୍ର, ମୋବାଇଲ ଫୋନ, ଆଇ ପ୍ୟାଡ୍ ଏବଂ ୧୯ହଜାର ୬୮୦ ଟଙ୍କା ଜବତ ହୋଇଛି।
ବରଗଡ଼ ଜିଲ୍ଲା ଶିଳ୍ପ ତାଲିମ କେନ୍ଦ୍ରର ମ୍ୟାନେଜର ମନୋଜ କୁମାର ଶଥପଥୀଙ୍କ ଅଭିଯୋଗ ଅନୁସାରେ ୪ ଅଭିଯୁକ୍ତ ଙ୍କୁ ପୋଲୋସ୍ ଗିରଫ କରିଛି।