ଏଥର ସମ୍ଭାଳ ବ୍ୟୁରୋ (ପାରଳାଖେମୁଣ୍ଡି /ଗଜପତି)- ଗଜପତି ରକ୍ତ ଦାତା ସ୍ୱେଚ୍ଚାସେବୀ ସଂଗଠନ ତରଫରୁ ବିଶ୍ୱ ରକ୍ତ ଦାନ ଦିବସ ଓ ଗଜପତି ରକ୍ତଦାତା ସଂଗଠନର ପ୍ରତିଷ୍ଠାଦିବସ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କ କାର୍ଯ୍ୟାଳୟର ସଭାଗୃହ ଠାରେ ପାଳିତ ହୋଇଯାଇଛି । ଗଜପତି ରକ୍ତଦାତା ସ୍ୱେଚ୍ଛାସେବୀ ସଂଗଠନର ସଭାପତି ନବୀନ କୁମାର ଓ ସଂଗଠନର ସମସ୍ତ ସକ୍ରିୟ ସଦସ୍ୟ ମାନଙ୍କ ପ୍ରଚେଷ୍ଟାରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିି ଭାବେ ଜିଲ୍ଲାପାଳ ଅନୁପମ ଶାହା, ମୁଖ୍ୟ ଜିଲ୍ଲା ଚିକିତ୍ସା ଅଧିକାରୀ ଡଃ. ଗୁନରାଣୀ ପଟ୍ଟନାୟକ, ଜିଲ୍ଲା ବନବିଭାଗ ଅଧିକାରୀ ବିବେକ କୁମାର, ଏଡିପିଏଚ ଓ ଡଃ. ପ୍ରଦୀପ କୁମାର ପାତ୍ର, ମୁଖ୍ୟବକ୍ତା ବ୍ଲଡବ୍ୟାଙ୍କ ଇନ ଚାର୍ଜ ଡ. ରାମଲକ୍ଷ୍ମୀ, ଗଜପତି ହେଲ୍ପ ୟୁଥ ଆସୋସିଏସନ, ଏଚଡିଏଫସି ବ୍ୟାଙ୍କ, ଜୟ ଅଫ ଗିଭିଙ୍ଗ ଏବଂ ଗଜପତି ଜିଲ୍ଲା ମେଡିସିନି ରିପ୍ରେଡେଣ୍ଟିଭ ଆଦି ସ୍ୱେଚ୍ଛାସେବୀ ସଂଗଠନର ମାନଙ୍କ ସହଯୋଗର କାର୍ଯ୍ୟକ୍ରମ ସମ୍ପାଦନ ହୋଇଥିଲା ।
ଜିଲ୍ଲାପାଳ ଅନୁପମ ସାହା ପ୍ରଦ୍ୱୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମ ଆରମ୍ଭ କରିଥିଲେ । ରକ୍ତଦାନ କ୍ଷେତ୍ରରେ ଏହି ସଂଗଠନର ଅବଦାନକୁ ପ୍ରଶଂସା କରିବା ସହିତ ଆଗାମୀ ଦିନରେ ଜିଲ୍ଲା ପ୍ରଶାସନ ତରଫରୁ ସମସ୍ତ ପ୍ରକାର ସହଯୋଗ କରିବେ ବୋଲି ଶ୍ରୀ ସାହା କହିଥିଲେ । ତା ସଙ୍ଗେ ସଙ୍ଗେସଙ୍ଗେ ଜିଲ୍ଲାର ବିଭିନ୍ନ ସଂଗଠନ ମାନଙ୍କୁ ଆଗକୁ ଆସି ରକ୍ତଦାନ କାର୍ଯ୍ୟକ୍ରମ ଅନୁଷ୍ଠିତ କରିବା ପାଇଁ ଆହ୍ୱାନ ଦେଇଥିଲେ । ସେହିପରି ଅନ୍ୟ ଅତିଥି ମାନେ ରକ୍ତଦାନ ଦିବସରେ ରକ୍ତଦାନର ମହତ୍ୱ ବିଷୟରେ ଆଲୋଚନା କରିଥିଲେ । ଶେଷରେ ବ୍ଲଡ ବ୍ୟାଙ୍କ ଇନଚାର୍ଜ ଡ. ରାମ ଲକ୍ଷ୍ମୀ ଜିଲ୍ଲାରେ ଆବଶ୍ୟକ ହେଉଥିବା ରକ୍ତ ଓ ରକ୍ତ ଅଭାବକୁ ଦୁର କରିବା ଦିଗରେ ଏହି ସଂଗଠନର ଅନବରତ ଚେଷ୍ଟା ଓ ଅବଦାନକୁ ପ୍ରଶଂସା କରିବା ସହିତ ଆଗାମୀ ଦିନରେ ଅଧିକରୁ ଅଧିକ ଯୁବକ ମାନଙ୍କୁ ରକ୍ତ ଦାନ କ୍ଷେତ୍ରରେ ଯୋଗଦାନ ପାଇଁ ଉତ୍ସାହିତ କରିଥିଲେ । ଶେଷରେ ଯେଉଁ ବ୍ୟକ୍ତି ମାନେ ୧୫ଥର ବା ତଦୁର୍ଦ୍ଧ ସ୍ୱେଚ୍ଛାସେବୀ ରକ୍ତ ଦାନ କରିଛନ୍ତି ସେମାନଙ୍କୁ ମାନପତ୍ର ଦେଇ ସମ୍ମାନିତ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ଶିଶିର କୁମାର ଭଞ୍ଜ ସାମନ୍ତ, କୈଳାସ ଚନ୍ଦ୍ର ବିଶ୍ୱାଳ, ମାଲା ଶ୍ରୀନୁ, ବିଜୟକୁମାର ମହାପାତ୍ର, ମୋହିନୀ ପ୍ରଧାନ, ମମତା ପାଢୀ, ଏସ ଋଷି, ଚନ୍ଦ୍ର ଶେଖର ନବୀନ, ଲକି, ବୁଢି ଅମ୍ଭିକା, ପ୍ରସାଦ ମହାପାତ୍ର, ସନ୍ତୋଷ ମହାନ୍ତି, ମାଧବ ରାଓ, ନିହାର ପଣ୍ଡା,ଏମ କିରଣ କୁମାର ପ୍ରମୁଖ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ କୈଳାସ ଚନ୍ଦ୍ର ବିଶ୍ୱାଳ ଓ ମମତା ପାଢୀ ପରିଚାଳନା କରିଥିଲେ ।
