ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗୁଣପୁର ସହର ମଧ୍ୟରେ ଥିବା ସର୍ଵ ପୁରାତନ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ସହରିକରଣ ର ସୁଅ ଦୃଷ୍ଟି ଆଢୁଆଳରେ ରହିଯାଇଛି । ୧୯୮୦ ମସିହା ପୂର୍ବରୁ ଗୁଣପୁର ରେ ଅବସ୍ଥାପିତ ହୋଇଥିଲା ହାତ ରେ ଲାଠି ଓ ଭାଗବତ ଗୀତା ଧରି ଦଣ୍ଡାୟମାନ ହୋଇଥିବା ମହାତ୍ମା ଗାନ୍ଧୀ ଙ୍କ ପ୍ରତିମୂର୍ତ୍ତି । କୁହାଯାଏ ସେହି ସମୟରେ ପ୍ରତିମୂର୍ତ୍ତି ସ୍ଥାପନ କଷ୍ଠବ୍ୟାପାର ହେଉଥିବା ବେଳେ ବହୁ କଷ୍ଟରେ କିଛି ଭଦ୍ରବ୍ୟକ୍ତି ପୁରୁଣା ତହସିଲ କାର୍ଯ୍ୟଳୟ ନିକଟରେ ତତ୍କାଳୀନ ବଂଶଧାରା ସାହିତ୍ୟ ସମାଜ ନିକଟରେ ସ୍ଥ।ପିତ ହୋଇଥିଲା ଏହି ପ୍ରତିମୂର୍ତ୍ତି । କିନ୍ତୁ ୧୯୮୦ ର ପ୍ରଳୟଙ୍କରୀ ବନ୍ୟା ପରେ ସବୁ ଧୋଇ ହୋଇ ଯାଇଥିଲେ ମଧ୍ୟ ପ୍ରତିମୂର୍ତ୍ତି ଟି ରହିଯାଇଥିଲା । ପରବର୍ତ୍ତୀ ମୁହୂର୍ତ୍ତରେ ପ୍ରତିମୂର୍ତ୍ତି କୁ ସେତେବେଳେ ର ବସ ଷ୍ଟାଣ୍ଡ ବର୍ତ୍ତମାନ ର ପୁରୁଣା ବସ ଷ୍ଟାଣ୍ଡ ରେ ଅବସ୍ଥାପିତ କରାଗଲା । ସମୟ କ୍ରମେ ସହରିକରଣ ବୃଦ୍ଧି ଫଳରେ ବସ ଷ୍ଟାଣ୍ଡ ରେ ବ୍ୟବସାୟ ର ବୃଦ୍ଧି ଓ ମହାତ୍ମା ଗାନ୍ଧୀ ଙ୍କ ପ୍ରତିମୂର୍ତ୍ତି ନିକଟରେ ଗୋଟିଏ ଦେବୀ ମା ଙ୍କ ଆକସ୍ମିକ ମନ୍ଦିର ଯୋଗୁଁ ପ୍ରତିମୂର୍ତ୍ତି ଟି ଜନସାଧାରଣ ଙ୍କ ଦୃଷ୍ଟି ଆଢୁଆଳରେ ରହୁଛି । ପୌରପରିଷଦ ତରଫରୁ କୌଣସି ବିଶେଷ ମୁହୂର୍ତ୍ତରେ ଗାନ୍ଧୀ ଜୟନ୍ତୀ, ଅଗଷ୍ଟ ପନ୍ଦର, ଜାନୁଆରୀ ଛବିଶି କିମ୍ବା ଵିଶେଷ ସଭା ସମିତି ରେ ମନେ ପଡୁଛି ଏହି ପ୍ରତିମୂର୍ତ୍ତି ଚାରିପାଖରେ ସଫା ସୁତରା କରିବା ଦେଖାଯାଉଛି । ଆବଶ୍ୟକୀୟ ଆଲୋକ ଓ ସୌନ୍ଦର୍ଯ୍ୟ କରଣ ର ଅଭାବ ତଥା ଚାରିପାଖରେ ବ୍ୟବସାୟି ମାନଙ୍କ ଭିଡ଼, ଧାର୍ମିକ ସ୍ଥଳୀ ଯୋଗୁଁ ମହାତ୍ମା ଗାନ୍ଧୀ ଙ୍କ ପ୍ରତିମୂର୍ତ୍ତି କୁ ଉଚିତ ସମ୍ମାନ ର ଅଭାବ ହେଉଥିବା ଅଭିଯୋଗ ଆଣିଛି ଗୁଣପୁର ଉନ୍ନୟନ ଯୁବ ସଂଗଠନ । ତେଣୁ ଏହି ମହାତ୍ମା ଗାନ୍ଧୀ ଙ୍କ ପ୍ରତିମୂର୍ତ୍ତି ର ଚତୁର୍ପାଶ୍ୱ ରେ ଜବରଦଖଲ ହଟାଇ ସୌନ୍ଦର୍ଯ୍ୟ କରଣ କରିବାକୁ ଦାବୀ କରାଯାଇଛି ।
