!!! ରାୟଗଡ଼ା ରୁ ପି.ଦିଲ୍ଲୀପ କୁମାରଙ୍କ ସହ ନାମଦେବ ମାଣ୍ଡଙ୍ଗୀଙ୍କ ରିପୋର୍ଟ !!!
ଏଥର ସମ୍ଭାଳ (ରାୟଗଡା) – ରାୟଗଡା ସଦର ମହକୁମା ତୁମ୍ବିଗୁଡ଼ାର ସ୍ୱର୍ଗୀୟ.ଭାଗୀରଥି ମାଣ୍ଡାଙ୍ଗି ବିଜେଡି ଦଳର ତୃଙ୍ଗ ନେତା ତଥା ବିଜେଡ଼ି ଦଳର ୧୯ ନମ୍ବର ୱାର୍ଡର କାଉନସିଲର ହତ୍ୟାକାଣ୍ଡ ଘଟଣାକୁ ୧୩ ବର୍ଷ ବିତି ଲାଣି।ହତ୍ୟାକାଣ୍ଡର ରହସ୍ୟ ଉନ୍ମୋଚନ କରିବାରେ ଫେଲ୍ ମାରିଛି ପୁଲିସ ଓ କ୍ରାଇମବ୍ରାଞ୍ଚ।ଆଜି ନ୍ୟାୟ ପାଇଁ ଆଦିବାସୀ ମହାସଂଘ ଗର୍ଜି ଉଠିଥିଲା। କୋଣ ଅନୁକୋଣ ରୁ ହଜାର ହଜାର ସଂଖ୍ୟାରେ ଆଦିବାସୀ ନେତା,ଭାଇ ଓ ଭଉଣୀ ମାନେ ଏକତ୍ରିତ ହୋଇ ଏକ ବିଶାଳ ପଦଯାତ୍ରା କରି ରାୟଗଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ପହଞ୍ଚିଥିଲେ।ଆଦିବାସୀ ମହାସଂଘର ସଭାପତି ଆପଲ ସ୍ଵାମୀ କାଡ୍ରାକା,ଆବାହକ ବସନ୍ତ କୁମାର ଉଲ୍କାକା ଓ ସାଧାରଣ ସମ୍ପାଦକ ଜଗନ୍ନାଥ ମାଣ୍ଡାଙ୍ଗି ଆଦିବାସୀ ନେତ୍ରି ଶ୍ରୀମତୀ ମଞ୍ଜୁଳା ମିନିଆକା କହିଛନ୍ତି କି ଯେ,୨୦୧୦ ଡିସେମ୍ବର ୧୫ରେ ଭାଗୀରଥି ନିଖୋଜ ଥିଲେ।କିଛିଦିନ ପରେ ଆନ୍ଧ୍ରପ୍ରଦେଶର ଝଞ୍ଜାବତି ନଦୀ କୂଳରେ ତାଙ୍କ ଶବ ଉଦ୍ଧାର ହୋଇଥିଲା। ଏହି ହତ୍ୟାକାଣ୍ଡ ରେ ଶାସକ ବିଜେଡି ଦଳର ପୁର୍ବତନ ରାଜ୍ୟସଭା ସାଂସଦ ଏନ.ଭାସ୍କର ରାଓଙ୍କ ହାତ ରହିଥିବା ଅଭିଯୋଗ ହୋଇଛି ।ଏହି ଘଟଣାର ତଦନ୍ତ ପାଇଁ ପ୍ରଥମେ ରାୟଗଡା ଥାନା ପୁଲିସ ଓ ପରେ କ୍ରାଇମବ୍ରାଞ୍ଚ ଏହାର୍ ତଦନ୍ତ କରିଥିଲା ।କିନ୍ତୁ ରାଜ୍ୟ ସରକାର ଓ ଏନ.ଭାସ୍କର ରାଓଙ୍କ ଚାପରେ ତଦନ୍ତକୁ ଚାପି ଦିଆଯାଇଛି ବୋଲି ଅଭିଯୋଗ କରିଛନ୍ତି।ଯଥାଶୀଘ୍ର ଭାଗୀରଥି ଙ୍କ ହତ୍ୟାକାଣ୍ଡର ରହସ୍ୟ ଉନ୍ମୋଚନ ହେବ ବୋଲି ପୋଲିସ ଡିଜି ଆମକୁ ପ୍ରତିଶ୍ରୁତି ଦେଇଥିଲେ କିନ୍ତୁ ଆଜିଯାଏଁ ଏହାର କିଛି କାର୍ଯ୍ୟାନୁଷ୍ଠାନ ହୋଇନାହିଁ ବୋଲି କହିଥିଲେ।ଭାଗୀରଥିଙ୍କ ମୃତ୍ୟୁ ସହ ଜଡ଼ିତ ବ୍ୟକ୍ତିଙ୍କୁ ଯଥାଶୀଘ୍ର ଗିରଫ କରିବା ନିମନ୍ତେ ଏକ ଦାବୀ ପତ୍ର ରାୟଗଡ଼ା ଜିଲ୍ଲାପାଳଙ୍କ ଜରିଆରେ ରାଜ୍ୟ ସରକାରଙ୍କୁ ଦିଆଯାଇଛି।ପୂର୍ବତନ ରାଜ୍ୟ ସଭା ସାଂସଦ ଏନ.ଭାସ୍କର ରାଓ ଏହି ଘଟଣାରେ ସଂପୃକ୍ତ ଥିବାରୁ ଭାସ୍କର ରାଓଙ୍କୁ ଯଥା ଶୀଘ୍ର ଗିରଫ କରିବା ନିମନ୍ତେ ଆଦିବାସୀ ମହା ସଂଘ ଦାବୀ କରିଛି।ଏକ ମାସ ମଧ୍ୟରେ ଯଦି ଭାଗିରଥୀଙ୍କ ହତ୍ୟା କାରିଙ୍କୁ ଗିରଫ ନ କରିଲେ ଓ ତାଙ୍କର ପରିବାର ଲୋକଙ୍କୁ ଉଚିତ ନ୍ୟାୟ ନ ମିଳିଲେ ପୁଣୀ ଆଦିବାସୀ ମହସଂଘ ଏକ ବଡ ଧରଣର ଆନ୍ଦୋଳନ ପାଇଁ ସଜବାଜ ହେବ ବୋଲି ମହାସଂଘ ପକ୍ଷରୁ ଡାକରା ଦିଆଯାଇଛି ।ଏହି ଘଟଣା ବଡ଼ ରୂପ ନେବା ଆଗରୁ ପୋଲିସ ବିଭାଗ ତତ୍ପର ହେବାକୁ ବିଭିନ୍ନ ମହଲରେ ଦାବୀ ହେଉଛି।
