ଏଥର ସମ୍ଭାଳ ବ୍ୟୁରୋ (ଗୁଣପୁର) – (ଗୁଣପୁର): ରାୟଗଡା ଜିଲ୍ଲା ଗୁଣପୁର ସ୍ଥାନୀୟ ବିଦ୍ୟା ନିକେତନ ପବ୍ଲିକ୍ ସ୍କୁଲ୍ ଖେଳ ପଡିଆ ଠାରେ ସ୍ଵାୟତ ଶାସନ ଦିବସ ଉପଲକ୍ଷେ ପୌର ପରିଷଦ ପକ୍ଷରୁ ବନ୍ଧୁତ୍ୱ ପୂର୍ଣ୍ଣ କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମ ରେ ଅତିଥି ଭାବେ ପୌର ପରିଷଦ ର ଉପାଧ୍ୟକ୍ଷ ଶ୍ରୀ ଶିବ ପ୍ରସାଦ ଗୌଡ , କାର୍ଯ୍ୟନିର୍ବାହୀ ଅଧିକାରୀ ଶ୍ରୀମତୀ ଡଃ ସତ୍ୟ ସମ୍ପୂର୍ଣା ରାଉତ , M.E ଶ୍ରୀ ବିଶ୍ଵନାଥ ସାର୍କା ଯୋଗ ଦେଇ ଏହାକୁ ଉଦ୍ଘାଟନ କରିଥିଲେ. ଏହି କାର୍ଯ୍ୟକ୍ରମରେ ଜେ.ଇ ସୁକାନ୍ତ ବେହେରା, ଜେ.ଇ ଆଦିତ୍ୟ ମିଶ୍ର, ଆଇ.ଇ ରବିନ୍ଦ୍ର ଦାଶ, ଆକାଉଣ୍ଟେଣ୍ଟ ନିରଞ୍ଜନ ସାହୁ ଓ ମୁକ୍ତା ଯୋଜନା ଆକାଉଣ୍ଟାଣ୍ଟ ଶିବ କୃଷ୍ଣ ପ୍ରମୂଖ ଉପସ୍ଥିତ ରହିଥିଲେ.
ଉକ୍ତ ବନ୍ଧୁତ୍ୱ ପୂର୍ଣ୍ଣ ମ୍ୟାଚ୍ ଟି ଇ.ଓ ଏକାଦଶ ଏବଂ ସି.ପି ଏକାଦଶ ମଧ୍ୟରେ ଅନୁଷ୍ଠିତ ହୋଇଥିଲା। ଇ.ଓ ଏକାଦଶ ପକ୍ଷରୁ ଅଧିନାୟକ ଶିବ କୃଷ୍ଣ ଓ ସି.ପି ଏକାଦଶ ପକ୍ଷରୁ ଅଧିନାୟକ ସୁକାନ୍ତ ବେହେରା ଙ୍କ ମଧ୍ୟରେ ଟସ୍ ପରେ ଅଧିନାୟକ ଶିବ କୃଷ୍ଣ ବ୍ୟାଟିଂ ନିଷ୍ପତ୍ତି ନେଇଥିଲେ. ଇ.ଓ ଏକାଦଶ ଦଳ ୧୫ ଓଭର୍ ରେ 8 ୱିକେଟ ହରାଇ ୭୩ ରନ୍ କରି ସି.ପି ଏକାଦଶ ଦଳକୁ ୭୪ ରନ୍ ର ବିଜୟ ଲକ୍ଷ୍ୟ ଦେଇଥିଲେ। ଉକ୍ତ ଲକ୍ଷ୍ୟକୁ ସି.ପି ଏକାଦଶ ମାତ୍ର ୩ ୱିକେଟ ହରାଇ ବିଜୟୀ ହୋଇଥିଲେ। ସି.ପି ଏକାଦଶ ପକ୍ଷ୍ୟରୁ ଆଇ.ଇ ରବୀନ୍ଦ୍ର ନାଥ ଦାଶ ୩୩ ଗୋଟି ବଲରେ ସର୍ବାଧିକ ୪୫ ରନ୍ କରି ନାବାଦ ରହିଥିଲେ ଏବଂ ୩ ଗୋଟି ଗୁରୁତ୍ଵ ପୂର୍ଣ୍ଣ ୱିକେଟ ନେଇଥିଲେ। ସନ୍ଧ୍ୟାରେ କପିଳପୁର ଠାରେ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟର ଅୟୋଜନ କରାଯାଇଥିଲା। ଉକ୍ତ ବ୍ୟାଡମିଣ୍ଟନ ଟୁର୍ନାମେଣ୍ଟ ରେ ସୁକାନ୍ତ ବେହେରା ଏବଂ ବଣ୍ଟି ଙ୍କ ଗ୍ରୁପ ବିଜୟ ହୋଇଥିବା ବେଳେ ଶିବ କୃଷ୍ଣ ଏବଂ ସୁନୀଲ ଜେନା ଙ୍କ ଗ୍ରୁପ ରନର୍ ହୋଇଥିଲେ.
