ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ଭୂମି ସମ୍ମାନ ରେ ସମ୍ମାନିତ ହେବେ ରାୟଗଡା ଜିଲ୍ଲା ଗୁଣପୁର ତହସିଲଦାର ଶ୍ରୀ ଶରତ ଚନ୍ଦ୍ର ନାୟକ । ଆସନ୍ତା କାଲି ଅର୍ଥାତ୍ ଗୁରୁବାର ଦିନ ସନ୍ଧ୍ୟା ରେ ଲୋକ ସେବା ଭବନ ଠାରେ ଏହି ସମ୍ମାନ ପ୍ରଦାନ କରାଯିବ । ଖତିୟାନ କମ୍ପ୍ୟୁଟରିକରଣ , ମ୍ୟାପ୍ ଆଧୁନିକୀକରଣ , ଖତିୟାନ ସହ ମ୍ୟାପ୍ ସଂଯୋଗୀକରଣ , ରେକର୍ଡ ରୁମ୍ ଆଧୁନିକୀକରଣ , ଅନଲାଇନ୍ ଜମି ପଞ୍ଜୀକରଣ ଭଳି କାର୍ଯ୍ୟ କରିବା ରେ ଶ୍ରୀ ନାୟକ ଙ୍କୁ ଏହି ସମ୍ମାନ ପ୍ରଦାନ କରାଯିବ ବୋଲି ସୂଚନା ମିଳିଛି । ଜିଲ୍ଲାପାଳ ଙ୍କ ସୁପାରିଶ କ୍ରମେ ତହସିଲଦାର ଶ୍ରୀ ଶରତ ଚନ୍ଦ୍ର ନାୟକ ଙ୍କୁ ଏହି ସମ୍ମାନ ରେ ସମ୍ମାନିତ କରାଯିବ ବୋଲି ରାଜ୍ୟ ସରକାର ପତ୍ର ମାଧ୍ୟମରେ ଅବଗତ କରିଛନ୍ତି ।
