ରାଜସ୍ୱ ବିଭାଗ ପକ୍ଷରୁ ୩ଟି ମୋରମ ବୋଝେଇ ଟ୍ରାକ୍ଟର ଜବତ; ୬୦ ହଜାର ଟଙ୍କା ଜରିମାନା ଆଦାୟ…!

ଏଥର ସମ୍ଭାଳ ବ୍ୟୁରୋ (ଗୁଣପୁର)- ରାୟଗଡା ଜିଲ୍ଲା ଗୁଣପୁର ରାଜସ୍ୱ ବିଭାଗ ପକ୍ଷରୁ ଚଢ଼ାଉ କରାଯାଇ ୩ ଗୋଟି ମୋରମ ବୋଝେଇ ଟ୍ରାକ୍ଟର ରୁ ଜରିମାନା ଆଦାୟ କରାଯାଇଛି। ଖବର ନେବାରୁ ଜଣାପଡିଛି ଯେ ଓଡ଼ି ୧୮ଇ ୬୬୫୩,ଓଡ଼ି ୧୮ଏ-୨୬୬୩,ଏବଂ ଓଡ଼ି ୧୮ସି-୩୬୧୫ ନଂ ଥିବା ଟ୍ରକ୍ଟର ଯୋଗେ ବେଆଇନ ଭାବେ ମୋରମ ପରିବହନ କରାଯାଉଥିବା ବେଳେ ରାଜସ୍ୱ ବିଭାଗର ଏକ ଟିମ ଚଢ଼ାଉ କରି ଉକ୍ତ ଗାଡି ଗାଡି ଗୁଡିକୁ ଜବତ କରିଥିଲେ।

ଗାଡି ମାଲିକ ସୁନିଲ ପାଣିଗ୍ରାହୀଙ୍କ ଠାରୁ ଗାଡି ପ୍ରତି ୨୦ ହଜାର ଲେଖାଏଁ ମୋଟ ୬୦ ହଜାର ଟଙ୍କା ଜରିମାନା ଆଦାୟ ହୋଇଛି ବୋଲି ରାଜସ୍ୱ ବିଭାଗର ସୁପର ଭାଇଜର ପି. ମଣିକଣ୍ଠା ଏବଂ ରାଜସ୍ୱ ନିରୀକ୍ଷକ ମନୋଜ କୁମାର ଶବର ସୂଚନା ଦେଇଛନ୍ତି। ଅନ୍ୟ ପକ୍ଷରେ ନିୟମିତ ବେଆଇନ ଭାବେ ଚୋରା ରେ ବାଲି , ମୋରମ ଏବଂ ପଥର ଚାଲାଣ କରୁଥିବା ମାଫିଆ ମାନଙ୍କୁ ସାବାଡ଼ କରିବା ନିମନ୍ତେ ନିୟମିତ ଭାବେ ଚଢ଼ାଉ କରାଯିବ ବୋଲି ତହସିଲଦାର ଶ୍ରୀ ଶରତ ଚନ୍ଦ୍ର ନାୟକ ସୂଚନା ଦେଇଛନ୍ତି।