ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର)- ସତ୍ୟନଗର ଲେଡିଜ୍ ଫୋରମ୍ ଓ ସ୍ପର୍ଶ ହସ୍ପିଟାଲ୍ ମିଳିତ ସହଯୋଗ ରେ ଆନ୍ତର୍ଜାତିକ ମହିଳା ଦିବସ ପାଳନ ହୋଇଯାଇଛି। ଏହି ଉପଲକ୍ଷେ ଏକ କ୍ୟାନ୍ସର ସଚତେନତା ପଦଯାତ୍ରା ଆୟୋଜନ କରାଯାଇଥିଲା । ପଦଯାତ୍ରା ସ୍ପର୍ଶ ହସ୍ପିଟାଲ୍ ଠାରୁ ବାହାରି ରୂପାଲି ଛକ ଦେଇ ସ୍ପର୍ଶ ହସ୍ପିଟାଲ୍ ଠାରେ ପହଞ୍ଚି ଥିଲା । ପଦଯାତ୍ରାକୁ ସ୍ପର୍ଶ ହସ୍ପିଟାଲର ଚେୟାରମେନ ଶ୍ରୀ ପ୍ରିୟବ୍ରତ ଧୀର ସବୁଜ ପତାକା ଦେଖାଇ ଶୁଭ ଉଦଘାଟନ କରିଥିଲେ।
ଏହି ପଦଯାତ୍ରାରେ ଅନୁନ୍ୟ ଶହେ ଜଣ ମହିଳା ତଥା ଫୋରମ୍ ର ସଦସ୍ୟ,ସ୍ପର୍ଶ ହସ୍ପିଟାଲର କର୍ମଚାରୀ, ଡ଼ାକ୍ତର, ନିମନ୍ତ୍ରିତ ଅତିଥି ମାନେ ଯୋଗଦେଇଥିଲେ। ସ୍ପର୍ଶ ହସ୍ପିଟାଲର ବରିଷ୍ଠ ଡ଼ାକ୍ତର ଶ୍ୱେତପା ବିଶ୍ୱାସ ଓ ଫୋରମର ସମ୍ପାଦିକା ଅନୁରାଧା ଦାଶ ପଦଯାତ୍ରାର ନେତୃତ୍ୱ ନେଇଥିଲେ। ସର୍ବଶେଷରେ ହସ୍ପିଟାଲର ସମ୍ମିଳନୀ କକ୍ଷରେ କ୍ୟାନ୍ସର ରୋଗର ନିରାକରଣ ଓ ସଚତେନତା ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା ।
