ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ଟାଟା ଅଧୀନରେ ଥିବା ବିଦ୍ୟୁତ ବିଭାଗ ସେସୁରେ ୧୨ ହଜାରରୁ ଅଧିକ ଆଉଟସୋସିଂ କର୍ମଚାରୀ କାମ କରୁଛନ୍ତି । କାମ ଅନୁଯାୟୀ ଦରମା ପାଉନଥିବା ଅଭିଯୋଗ ଆଣିଛି ନିଶୂଳ ଓଡ଼ିଶା ବିଦ୍ୟୁତ ମଜ୍ଦୁର ମହାସଂଘ । ଏନେଇ ଆସନ୍ତା ୯ରେ ଟାଟା ପାୱାର ମୁଖ୍ୟ କାର୍ଯ୍ୟାଳୟ ସମ୍ମୁଖରେ ଆଉସିଂ କର୍ମଚାରୀମାନେ ଧାରଣାଦେବେ ବୋଲି ସଂଘର ସାଧାରଣ ସମ୍ପାଦକ ସତ୍ୟବ୍ରତ ପଣ୍ଡା ସୂଚନା ଦେଇଛନ୍ତି । ତାଙ୍କ କହିବା ଆଉସିଂ ଅନୁଯାୟୀ ବିଦ୍ୟୁତ୍ ବିଭାଗର କର୍ମଚାରୀମାନେ ନିଜ କର୍ମକ୍ଷେତ୍ରରେ ବିଭିନ୍ନ ବିପଦଜନକ ପରିସ୍ଥିତିର ସମ୍ମୁଖୀନ ହୁଅନ୍ତି । ହେଲେ ସେମାନଙ୍କ କାମ ଅନୁଯାୟୀ ସେମାନଙ୍କୁ ପର୍ଯ୍ୟାପ୍ତ ପରିମାଣର ଦରମା ଦିଆଯାଉ ନାହିଁ । ଫଳରେ ସେମାନେ ବିଭିନ୍ନ ଆର୍ଥିକ ସମସ୍ୟାର ସମ୍ମୁଖୀନ ହେଉଛନ୍ତି । ଏନେଇ ସଂଘ ପକ୍ଷରୁ ଟାଟା ପାୱାରର ପରିଚାଳନା ସଦସ୍ୟଙ୍କୁ ଏକ ଦାବିପତ୍ର ଦିଆଯାଇଥିଲା । ଆଲୋଚନା ପାଇଁ ଟାଟା ପାୱାର ରାଜି ନହେବାରୁ ୯ ତାରିଖରେ ଧାରଣା ଦେବା ପାଇଁ ସଂଘ ନୋଟିସ୍ ମଧ୍ୟ ଦେଇଥିଲା । ହେଲେ ଟାଟା ପାୱାର ବିଭାଗ ପକ୍ଷରୁ କୌଣସି ପ୍ରତିକ୍ରିୟା ଆସିଲା ନାହିଁ । ତେଣୁ ଆସନ୍ତା ୯ରେ ୫ ହଜାରରୁ ଅଧିକ କର୍ମଚାରୀ ରାଜଧାନୀସ୍ଥିତ ପାୱାର ହାଉସ କଲୋନୀଠାରେ ଥିବା ଟାଟା ପାୱାର ମୁଖ୍ୟ କାର୍ଯ୍ୟାଳୟ ସମ୍ମାନା ରେ
ଧାରଣା ଦେବେ ।
