ମେ କ୍ ଇନ୍ ଓଡ଼ିଶା କନ୍ କ୍ଲେଭାର ରେ ଯୋଗ ଦେଲେ ୧୧ଟି ଦେଶ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ରାଜ୍ଯ ସରକାରଙ୍କ ପକ୍ଷରୁ ଶିଳ୍ପ ବିକାଶ ଓ ପୁଞ୍ଜି ନିବେଶ କୁ ବ୍ୟାପକ କରିବା ଲକ୍ଷ୍ୟ ରେ ଆୟୋଜିତ ମେକ୍ ଇନ୍ ଓଡିଶା କନକ୍ଳେଭର୍ ର ତୃତୀୟ ସଂସ୍କରଣ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ଦ୍ଵାରା ଉଦଘାଟିତ ହୋଇଯାଇଛି l ଆୟୋଜିତ ବୈଠକରେ ୫୪ ଜଣ ବିଶିଷ୍ଠ ଶିଳ୍ପପତି ମେକ୍ ଇନ୍ ଓଡିଶା ମଞ୍ଚ ରେ ବସିଥିଲେ l ଏହି ସମ୍ମିଳନୀ କୁ ୧୧ ଗୋଟି ଦେଶରୁ ପ୍ରଦର୍ଶନୀ ପାଇଁ ଶିଳ୍ପ ଉଦ୍ୟୋଗି ମାନେ ଆସି ଇଣ୍ଡ ଷ୍ଟ୍ରିଆଲ ଏକ୍ସପୋ ରେ ଅଂଶଗ୍ରହଣ କରିଛନ୍ତି l କନକ୍ଳେଭର୍ ରେ ୨ ହଜାର ପ୍ରତିନିଧି ଯୋଗ ଦେଇଥିବା ବେଳେ ସମୁଦାୟ ୧୩ ଟି ପର୍ଯ୍ୟାୟ ଆଲୋଚନା ଅନୁଷ୍ଠିତ ହୋଇଥିବା ଜଣା ପଡିଛି l ପୁଞ୍ଜିନିବେଶ କ୍ଷେତ୍ରରେ ରାଜ୍ଯ ସରକାରଙ୍କୁ ସଫଳତା ମିଳିଛି l ଓଡ଼ିଶାରେ ପୁଞ୍ଜି ନିବେଶ ପାଇଁ ଆସିଥିବା ପ୍ରସ୍ତାବ ଜରିଆରେ ରାଜ୍ୟ କୁ ୭ ଲକ୍ଷ ୨୬ ହଜାର ୧୨୮ କୋଟି ୪୫ ଲକ୍ଷ ଟଙ୍କା ର ପୁଞ୍ଜି ନିବେଶ ଆଗ୍ରହ ସାମିଲ ଥିବା ସୂଚନା ମିଳିଛି l ଏହା ଦ୍ଵାରା ୩ ଲକ୍ଷ ୨୦ ହଜାର ୭୪୧ ଟି ନିଯୁକ୍ତି ସୁଯୋଗ ସୃଷ୍ଟି ହେବାର ସମ୍ଭାବନା ରହିଛି l କେବଳ ପ୍ଲେନାରୀ ସେସନ୍ ରେ ୬୭ ଟି ପୁଞ୍ଜି ନିବେଶ ଆଗ୍ରହ ଜରିଆରେ ୫ ଲକ୍ଷ ୫୦ ହଜାର ୭୪୨ କୋଟି ୨୬ ଲକ୍ଷ ଟଙ୍କା ର ନିବେଶ ପ୍ରସ୍ତାବ ଆସିଛି l ଏହା ଜରିଆରେ ୨ ଲକ୍ଷ ୪୭ ହଜାର ୮୯୨ ଟି ନିଯୁକ୍ତି ସୁଯୋଗ ସୃଷ୍ଟି ହେବ l ସେହି ଭଳି ପୂର୍ବରୁ ରୋଡ୍ ଶୋ ଜରିଆରେ ମେକ୍ ଇନ୍ ଓଡିଶା ପାଇଁ ଆସିଥିବା ୭୮ ଟି ଆଗ୍ରହ ନିବେଶ କୁ ଆନୁଷ୍ଠାନିକ ଭାବେ ଗ୍ରହଣ କରାଯାଇଛି l ଏହା ମାଧ୍ୟମରେ ରାଜ୍ଯ କୁ ୧ ଲକ୍ଷ ୪୦ ହଜାର ୩୮୬ କୋଟି ୧୯ ଲକ୍ଷ ଟଙ୍କା ର ପୁଞ୍ଜି ନିବେଶ ସମ୍ଭାବନା ଓ ୭୨ ହଜାର ୮୪୯ ନିଯୁକ୍ତି ସୁଯୋଗ ସୃଷ୍ଟି ସମ୍ଭାବନା ଆସିଛି ବୋଲି ଶିଳ୍ପ ବିଭାଗ ପକ୍ଷରୁ ସୂଚନା ଦିଆଯାଇଛି l ଓଡିଶା ର ରୂପାନ୍ତରଣ କ୍ଷେତ୍ର ରେ ମେକ୍ ଇନ୍ ଓଡିଶା ର ଭୂମିକା ଗୁରୁତ୍ୱପୂର୍ଣ୍ଣ, ରାଜ୍ଯ ସରକାର ଶିଳ୍ପ ର ବିକାଶ ଲାଗି ପ୍ରତିଶ୍ରୁତି ବଦ୍ଧ ଏବଂ ରାଜ୍ଯ ରେ ନୂଆ ସୁଯୋଗ ସୃଷ୍ଟି ହେଉଛି ବୋଲି ମୁଖ୍ୟ ମନ୍ତ୍ରୀ କହିଛନ୍ତି l