ଦୀପା ଏସୀୟ ଶ୍ରେଷ୍ଠ

ନୂଆଦିଲ୍ଲୀ: ଭାରତୀୟ ଦିବ୍ୟାଙ୍ଗ କ୍ରୀଡ଼ାବିତ୍‌ ଦୀପା ମଲ୍ଲିକ ୫୩ ବର୍ଗରେ ଏସିଆର ଶ୍ରେଷ୍ଠ ମାନ୍ୟତା ପାଇଥିଲା ବେଳେ ଏସୀୟ କ୍ରୀଡ଼ା ମିଶ୍ରିତ (୫୧/୫୨/୫୩) ବର୍ଗରେ ଦ୍ୱିତୀୟ ସ୍ଥାନରେ ରହିଛନ୍ତି। ଦୁବାଇରେ ଚାଲିଥିବା ବିଶ୍ୱ ଦିବ୍ୟାଙ୍ଗ ଦୌଡକୁଦ ଗ୍ରାଁ ପ୍ରିର ଦ୍ୱିତୀୟ ଦିନରେ ଦୀପା ୮.୦୧ ମିଟର ଡିସ୍‌କସ୍‌ ଫିଙ୍ଗି ନିଜ ଜୀବନର ଶ୍ରେଷ୍ଠ ପ୍ରଦର୍ଶନ ହାସଲ କରିବା ସାଙ୍ଗକୁ ଏସୀୟ ଦୌଡ଼କୁଦ ପ୍ର୍ରତିଯୋଗିତାକୁ ମଧ୍ୟ ଯୋଗ୍ୟତା ଅର୍ଜନ କରି ନେଇଥିଲେ। ଏସୀୟ ଦୌଡ଼କୁଦ ପ୍ରତିଯୋଗିତା ଚଳିତ ବର୍ଷ ଅକ୍ଟୋବର ୮ରୁ ୧୬ ତାରିଖ ପର୍ଯ୍ୟନ୍ତ ଇଣ୍ଡୋନେସିଆର ଜାକର୍ତାରେ ଅନୁଷ୍ଠିତ ହେବ। ୨୦୧୬ ରିଓ ପାରାଲିମ୍ପିକ୍‌ସରେ ପ୍ରଥମ ଭାରତୀୟ ମହିଳା ଖେଳାଳି ଭାବେ ଦୀପା ପଦକ ଜିତିବାର କୀର୍ତ୍ତିମାନ କରିଥିଲେ। ସେ ସଟ୍‌ପୁଟ୍‌ ଏଫ୍‌-୫୩ ବର୍ଗରେ ୪.୬୧ ମିଟର ଫିଙ୍ଗି ରୌପ୍ୟ ଜିତିଥିଲେ।