!!! ଗୁଣପୁର ରୁ ବାସନ୍ତୀ କୁମାରୀ ପାଟ୍ଟଜୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ ବ୍ୟୁରୋ (ଗୁଣପୁର) – ରାୟଗଡା ଜିଲ୍ଲା ଗୁଣପୁର ବ୍ଲକ ଅଧିନସ୍ଥ ପୁଟାସିଂ ଗ୍ରାମ ପଞ୍ଚାୟତ ବଡମସିଂ ବାସୀଙ୍କ ଦୁଃଖ ପାଲଟିଛି ଏହି ଗ୍ରାମଦେଇ ପ୍ରବାହିତ ହେଉଥିବା ବଳସେବା ନଦୀ । ବର୍ଷାଦିନ ହେଲେ ଏହି ନଦୀ ଚାରି ଗୋଟି ପଞ୍ଚାୟତ କୁ ବିଚ୍ଛିନ୍ନ କରୁଛି । ନଦୀ ଉପରେ ସ୍ଥାୟୀ ପୋଲ ଟିଏ ନଥିବାରୁ ଲୋକେ ଭରା ନଦୀରେ ପସି ଯିବା ଆସିବା କରିବାକୁ ପଡୁଛି । ରାଜ୍ୟ ସରକାରଙ୍କ ପକ୍ଷରୁ ଲାଞ୍ଜିଆ ସଉରା ଙ୍କ ଉନ୍ନତି ନିମନ୍ତେ ଯୋଜନା ପ୍ରସ୍ତୁତ କରାଯାଇ ଏହି ପଞ୍ଚାୟତ ରେ ଲାଞ୍ଜିଆ ସଉରା ଉନ୍ନୟନ ସଂସ୍ଥା ଗଠନ ଜରାଯାଇଥିବା ସତ୍ୱେ ଏହି ଅଞ୍ଚଳ ଏବେବି ଅବହେଳିତ । ବାଇଶି ବର୍ଷ ସ୍ଥିର ସରକାର ଙ୍କ ଉନ୍ନତି କରଣ ଯୋଜନା ର ଏହା ଏକ ନଗ୍ନଦୃଶ୍ୟ କହିଲେ ଅତ୍ୟୁକ୍ତି ହେବନି । ନଦୀ ଉପରର ପୋଲ ଟିଏ ନିର୍ମାଣ ପାଇଁ ଅଞ୍ଚଳବାସୀ ବହୁବାର ସରକାର କଳ ର ଦ୍ୱାରସ୍ଥ ହୋଇଥିଲେ ବି ବର୍ତ୍ତମାନ ଯାଏଁ ଏମାନଙ୍କ ଦୁଃଖ କେହି ବୁଝି ନାହାନ୍ତି ବୋଲି ଅଭିଯୋଗ କରିଛନ୍ତି । ଦୁର୍ଗମ ଅଞ୍ଚଳ ଗସ୍ତ କରି ଗୁହାରି ବୁଝୁଥିବା ମାନ୍ୟବରା ଜିଲ୍ଲାପାଳ ଏହି ଅଞ୍ଚଳ ପ୍ରତି ଦୃଷ୍ଟି ଦେବାକୁ ସମାଜିଜ କର୍ମୀ ପରମ ଶବର ଅନୁରୋଧ କରିଛନ୍ତି ।
