ଏଥର ସମ୍ଭାଳ ବ୍ୟୁରୋ(ଗୁଣୁପୁର)- ପୂର୍ବତଟ ରେଳବାଇ ଓଲଟିୟର ଡିଭିଜନ ର ଡିଆରଏମ୍ ଅନୁପ କୁମାର ଶତପଥୀ ଆଜି ଅପରାହ୍ନରେ ଗୁଣୁପୁର ରେଳ ଷ୍ଟେସନ ପରିଦର୍ଶନ କରିଥିଲେ । ଏହି ଅବସରରେ ଆନ୍ଧ୍ର ଓଡିଶା ରେଳ ବ୍ୟବହାରକାରୀ ସଙ୍ଗଠନ ପକ୍ଷରୁ ଡ଼ ସତ୍ୟପ୍ରକାଶ ପଣ୍ଡା ଶ୍ରୀ ଶତପଥୀଙ୍କୁ ସ୍ୱାଗତ କରିବା ସହ ଓଡ଼ିଶାର ସର୍ବ ପୁରାତନ ତଥା ଶତାୟୁ ନୌପଡା-ଗୁଣୁପୁର ରେଳପଥର ବିଭିନ୍ନ ସମସ୍ୟା ଓ ସମାଧାନ ସମ୍ପର୍କରେ ଆଲୋଚନା କରିବା ସହ ୧୬ ଦଫା ଦାବି ସମ୍ବଳିତ ଏକ ସ୍ମାରକପତ୍ର ପ୍ରଦାନ କରିଥିଲେ । ବିଶେଷ କରି ଗୁଣୁପୁର ଷ୍ଟେସନ ର ପ୍ଲାଟଫର୍ମ ଉଚ୍ଚତା ବୃଦ୍ଧି, ଟିକେଟ ବୁକିଂ ବ୍ୟବସ୍ଥା, ଶୌଚାଳୟ, ପାନୀୟଜଳ ବ୍ୟବସ୍ଥା, ଫୁଟ ଓଭର ବ୍ରିଜ ନିର୍ମାଣ, ସୁରକ୍ଷା ବ୍ୟବସ୍ଥା, ଗୁଣୁପୁର ଠାରୁ ପଲାସା ରେଳ ପୁନଃ ଚଳାଚଳ, ଗୁଣୁପୁର ଠାରୁ ବିଜୟଓଡା, କଟକ-ପଲାସା ପାସେଞ୍ଜେର ଟ୍ରେନ କୁ ଗୁଣୁପୁର ପର୍ଯ୍ୟନ୍ତ ସମ୍ପ୍ରସାରଣ କରିବା, ଯଥା ସମ୍ଭବ ଅଧିକରୁ ଅଧିକ ଟ୍ରେନ ଏହି ରେଳପଥ ରେ ଚଳାଚଳ କରାଇବା ପ୍ରଭୃତି ରହିଛି । ଶ୍ରୀ ଶତପଥୀଙ୍କ ଏହି ପରିଦର୍ଶନ ଅବସରରେ ଗୁଣୁପୁର ର ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଉପସ୍ଥିତ ଥିଲେ ।
