କୋଭିଡ ମୁକାବୁଲା ପାଇଁ ପ୍ରଶାସନ ର ତତ୍ପରତା …!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- କୋଭିଡ଼ ର ନୂଆ ଭାରିଏଣ୍ଟ ର ଭୟାଭୟତା ସମ୍ପର୍କ ରେ ବିଶ୍ଵ ସ୍ୱାସ୍ଥ୍ୟ ସଂଗଠନ ସବୁ ଦେଶକୁ ସତର୍କ କରାଇଛି. ଏହି ନୂଆ ଭାରିଏଣ୍ଟ ଅଧିକ ସଂକ୍ରମଣଶୀଳ ଥିବାରୁ ଜନ ସାଧରଣ ଏହାକୁ ଗୁରୁତର ସହ ନେବା ପାଇଁ ମୁଖ୍ୟମନ୍ତ୍ରୀ ସତର୍କ କରାଇଛନ୍ତି । କୋଭିଡ଼ ନିୟମ ଯେପରି କଡ଼ାକଡି ପାଳନ କରାଯିବ ଏଥିପ୍ରତି ସତର୍କ ପଦକ୍ଷେପମାନ ନେବା ପାଇଁ ମୁଖ୍ୟମନ୍ତ୍ରୀ ରାଜ୍ଯ ସ୍ତରୀୟ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଛନ୍ତି । ଏହି ପରିପ୍ରେକ୍ଷୀରେ ରାୟଗଡ଼ା ଜିଲ୍ଲା ଗୁଣପୁର ଠାରେ ଉପଜିଲ୍ଲାପାଳ ଶ୍ରୀ ସୋନାଲ ଜେନା ପୌର ପରିଷଦ ର ସମସ୍ତ ବାଣିଜ୍ୟ ପ୍ରତିଷ୍ଠାନ ଓ ଶିକ୍ଷାନୁଷ୍ଠାନ ଗୁଡିକ ପରିଦର୍ଶନ କରି କୋଭିଡ଼ ନିୟମ କୁ କଡ଼ାକଡି ଭାବେ ପାଳନ ନକଲେ ଅମାନିଆ ପ୍ରତିଷ୍ଠାନ ଓ ଅନୁଷ୍ଠାନ କୁ ବନ୍ଦ କରିଦିଆଯିବା ଭଳି ଦୃଢ଼ ପଦକ୍ଷେପ ଗ୍ରହଣ କରାଯିବ ବୋଲି ସତର୍କ କରାଇଛନ୍ତି । ଏହି ପରିଦର୍ଶନ ବେଳେ ଶ୍ରୀ ଜେନା ଙ୍କ ସହ ସ୍ତାନୀୟ ତହସିଲଦାର ଶ୍ରୀ ଶରତ ଚନ୍ଦ୍ର ନାୟକ, ଆଦର୍ଶ ଥାନା ଭାରପ୍ରାପ୍ତ ଅଧିକାରୀ ଶ୍ରୀ ଜସବନ୍ତ ହିଆଲ୍ ଉପସ୍ଥିତ ଥିଲେ ।

ଉପଜିଲ୍ଲାପାଳ ଙ୍କ ଏଭଳି ପଦକ୍ଷେପ କୁ ସାଧାରଣ ରେ ଭୂୟସୀ ପ୍ରଶଂସା କରାଯାଇଛି । ପୂର୍ବରୁ ଦେଖା ଦେଇଥିବା କୋଭିଡ଼ ସଂକ୍ରମଣ ସମୟରେ ଉପଜିଲ୍ଲାପାଳ ଙ୍କ ଏଭଳି କଡ଼ା ପଦକ୍ଷେପ ଯୋଗୁଁ ସାଧାରଣ ରେ ସଂକ୍ରମଣ ବ୍ୟାପିବା ପରିସ୍ଥିତି ଉପରେ ରୋକ୍ ଲାଗିଥିଲା । ଉପଜିଲାପାଳ ମହୋଦୟ ପୌର ପରିଷଦ ର ଅଧ୍ୟକ୍ଷ ଥାଇ ମଧ୍ଯ ପୌରାଞ୍ଚଳ କୁ ବୁଲି ପୌର ପରିମଳ ବ୍ୟବସ୍ଥା ର ସମୀକ୍ଷା କରିବା ଦେଖାଯାଇ ନଥିବା ବେଳେ ଦୀର୍ଘ ଦିନ ପରେ ହଠାତ୍ ପୌରାଞ୍ଚଳ ମଧ୍ୟରେ ଘୁରି ସ୍ଥିତି ଅନୁଧ୍ୟାନ କରିବା ସାଧାରଣ ରେ କୌତୁହଳ ସୃଷ୍ଟି କରିଛି । ପୂର୍ବ ଲହରୀ ଅପେକ୍ଷା ବର୍ତ୍ତମାନ୍ ର ଆଗାମୀ ଲହରୀ ପରିସ୍ଥିତି ଭୟାବହ ଥିବାରୁ ସହରାଞ୍ଚଳ ମଧ୍ୟରେ ହେବାକୁ ଥିବା ଉତ୍ସବ ମହୋତ୍ସବ ପାଳନ ବେଳେ ନିୟମ କୁ କଡ଼ାକଡ଼ି କରନଗଲେ ଆଗାମୀ ଦିନରେ ସଂକ୍ରମିତ ଅଧିକରୁ ଅଧିକ ବୃଦ୍ଧି ହୋଇ ମୁକାବିଲା ପରିସ୍ଥିତି ହାତଛଡା ହୋଇ ପଡିବ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଉଛି । ଏଭଳି ପରିସ୍ଥିତି ଉପୁଜିଲେ ଏହାକୁ ଦେଖି ଆମ୍ଭ ମତ ରହିବ ବାବୁ ଏଥର ସମ୍ଭାଳ…