ଏଥର ସମ୍ଭାଳ ବ୍ୟୁରୋ (ବଲାଙ୍ଗିର) – ମାଟ୍ରିକ ପ୍ରଶ୍ନପତ୍ର ଭାଇରାଲ ପରେ ବଲାଙ୍ଗିରରୁ ଆସିଛି ସାଙ୍ଘାତିକ ଦୃଶ୍ୟ । ଇଂରାଜୀ ପ୍ରଶ୍ନପତ୍ର ଭାଇରାଲ ପରେ ଅଭିଭାବକ ମାନେ କପି ଯୋଗାଉଥିବାର ଦୃଶ୍ୟ ସାମ୍ନାକୁ ଆସିଛି । ଭାଇରାଲ ପ୍ରଶ୍ନପତ୍ରର ଉତ୍ତର କରି ଅଭିଭାବକ ସ୍କୁଲରେ ଧସେଇ ପଶି, ପାଚେରୀ ଡେଇଁ ଖୁଲମଖୁଲା ଭାବେ କପି ଯୋଗାଉଥିବାର ଦେଖିବାକୁ ମିଳିଛି । ସଇଁତଳା ବ୍ଲକ ଘୁନସର ହାଇସ୍କୁଲରୁ ଆସିଛି ଏଭଳି ଅଭାବନୀୟ ଦୃଶ୍ୟ । ମାଟ୍ରିକ ପରୀକ୍ଷାର ୨ୟ ଦିନରେ ଇଂରାଜୀ ପ୍ରଶ୍ନର ଉତ୍ତର ଲେଖି ଅଭିଭାବକ ପରୀକ୍ଷା କେନ୍ଦ୍ରରେ ଦେଉଛନ୍ତି । ପାଚେରୀ ଡେଇଁ ଝରକା ବାଟେ କପି ହଲ ଭିତରକୁ ଦେଉଛନ୍ତି ।ଆଉ ସତରେ, ପ୍ରଶ୍ନପତ୍ର ଲିକ କଣ ଦରକାର, ଏ ସୁବିଧା ଯଦି ଅଛି !
