!!! ରାୟଗଡା ଜିଲ୍ଲା ପ୍ରତିନିଧି ପି.ଦିଲ୍ଲୀପ କୁମାରଙ୍କ ରିପୋର୍ଟ !!!
ଏଥର ସମ୍ଭାଳ(ରାୟଗଡା)- ମୋବାଇଲ ହେଉ କି ଲ୍ୟାଣ୍ଡ ଫୋନେ ହେଉ ଭାରତ ସଞ୍ଚାର ନିଗମ ଲିମିଟେଡ଼ ବିନା କଳ୍ପନା କରାଯାଏନା। ଘର ଘରକୁ ଦୂରଭାଷା ସେବା ଯୋଗାଇବାରେ ବେଶ ଖ୍ୟାତି ଅର୍ଜନ କରିଥିବା ସଂସ୍ଥା ଆଜି ଲୋକଙ୍କୁ ସେବା ଯୋଗାଇବାରେ ସ୍ଵଛତା ରକ୍ଷା କରିପାରୁନାଥବା ଅଭିଯୋଗ ହେଉଛି। କଲ କରିବା ସମୟରେ ଫୋନ କ୍ରସ କଲ ହେଉଚି ତ କେତେବେଳେ ନିଜେ ନିଜେ କଟି ଯାଉଛି।କେବେ ଦୁଇ ଚାରି ଦିନ ଗାଏବ ହେଇ ଯାଉଛି,ପ୍ରଥମତଃ ଦୂରଭାଷା ସେବା ଆରମ୍ଭ ହେଇଥିବା ଯୋଗୁଁ ସବୁ ପ୍ରକାର ସରକାରୀ ଅଫିସ ଓ ବେସରକାରୀ ଅଫିସ ମାନଙ୍କରେ ଏହି ସେବା ମାଧ୍ୟମରେ ଲୋକଙ୍କ କାମ କରିବାକୁ ଆଶା ରଖିଥିଲେ।କିନ୍ତୁ ଏହି ଲୁଚକାଳି ଯୋଗୁଁ ଏହା ଉପରେ ଆଉ ଭରସା କରି ହେଉନାହିଁ।ଏହି ସେବା ଗଡବଡ଼ ହେଲେ ସବୁ ସେବା ଠପ ହେଇ ଯାଉଛି।ଲୋକେ ବହୁତ ହଇରାଣ ହେଉଛନ୍ତି,ବ୍ୟାଙ୍କ ଠାରୁ ଆରମ୍ଭ କରି ଅନ୍ୟ ସବୁ ସେବା ପ୍ରଭାବିତ ହେଉଛି ଆଜିକାଲି ଡ଼ିଜିଟାଲ ସେବା ଥିବା ଯୋଗୁଁ ସମସ୍ତ ପ୍ରକାର କାମକୁ ଡାଟା ବ୍ୟବହାର ହୁଏ।
ଆଗରେ ବୈଧତା ପାଇଁ ୬ ମାସରେ ଥରେ ରୀଚାର୍ଜ କଲେ ଚାଲୁଥିଲା।କିନ୍ତୁ ଏବେ ମାସକୁ ମାସ ଗ୍ରାହକଙ୍କ ଠାରୁ ଅର୍ଥ ସୋସୁଛି।ଏହାର ଅଭ୍ୟାସ କଲାପରେ ଲୋକଙ୍କୁ ଠକୁଛି ବୋଲି ଅନେକ ଉପଭୋକ୍ତା କହିଛନ୍ତି।ମାସକୁ ତିରିଶି ଦିନ ବଦଳରେ ୨୮ ଦିନ ଦେଉଛି,ତେଣୁ ଏହାଠାରୁ ନିରବିଛିନ ଭାବେ ସେବା ଯୋଗାଉଥିବା ସଂସ୍ଥାର ସିମ ବ୍ୟବହାର କରିବାକୁ ଇଚ୍ଛା କରୁଛନ୍ତି।କାରଣ ଏହି ସଂସ୍ଥା ସେବା ଯୋଗାଇବାରେ ବିଫଳ ହେଉଛି।ଭାରତର ସବୁଠୁ ପୁରୁଣା ଓ କୋଣ ଅନୁକୋଣକୁ ପହଞ୍ଚିବାରେ ସକ୍ଷମ ହେଇଥିବା ସଂସ୍ଥା ସଠିକ ଭାବେ ଏବେ ଶ୍ରୀହୀନ ହୋଇପଡୁଛି।ଏହାର କାରଣ ସଠିକ ଭାବରେ ଜାଣୀହେଉନାହିଁ,ଏଥି ପାଇଁ ଜନ ଅସନ୍ତୋଷ ବଢୁଛି।ଯଦି ଆଉ କିଛିଦିନ ଏପରିଚାଲେ ତାହେଲେ ବି.ଏସ.ଏନ.ଏଲ.କୁ ସମ୍ପୁର୍ଣ୍ଣ ଭାବେ ଲୋକେ ଭୁଲିବାକୁ ବାଧ୍ୟ ହେବେ।
