ରାୟଗଡା ରେ ସୁପର ସ୍ପେସାଲିଷ୍ଟ ହସ୍ପିଟାଲ ଓ ମେଡିକାଲ କକେଜ ପାଇଁ ଦାବି…!

!!! ରାୟଗଡା ରୁ ଜିଲ୍ଲା ପ୍ରତିନିଧି ପି॰ଦିଲ୍ଲୀପ କୁମାର ଙ୍କ ରିପୋର୍ଟ !!!

ଏଥର ସମ୍ଭାଳ(ରାୟଗଡା)- ରାୟଗଡ଼ା ଠାରେ ଏକ ମେଡିକାଲ କଲେଜ କିମ୍ବା ସୁପର ସ୍ପେସାଲିଷ୍ଟ ହସ୍ପିଟାଲ ଦାବିକରି ଯୁବ ବିକାଶ ପରିଷଦ ପକ୍ଷରୁ ଧାରଣା ଦିଆଯାଇଛି।ୱାର୍ଡ଼ ସ୍ତରରୁ ଏହି ଧାରଣା କାର୍ଯ୍ୟକ୍ରମ ଆରମ୍ଭ ହୋଇଛି।ଆଜି ପୌରାଞ୍ଚଳର ୧ ନମ୍ବର ୱାର୍ଡ଼ର ମଝିଘରିଆଣୀ ମନ୍ଦିର ସମ୍ମୁଖ ଏବଂ ୨ ନମ୍ବର ୱାର୍ଡ଼ର ଜଗନ୍ନାଥ ମନ୍ଦିର ସମ୍ମୁଖରେ ବିକାଶ ପରିଷଦର କର୍ମୀମାନେ ଧାରଣା ଦେଇଥିଲେ।ସହରର ସମସ୍ତ ୨୪ ଟି ୱାର୍ଡରେ ପ୍ରତିଦିନ ଏଭଳି ଧାରଣା ଦିଆଯିବ ବୋଲି ସୂଚନା ଦିଆଯାଇଛି । ପରିଷଦ ପକ୍ଷରୁ କୁହାଯାଇଛି ଯେ, ରାୟଗଡ଼ା ଠାରେ ଏକ ମେଡ଼ିକାଲ କଲେଜ ସରକାର ପୂର୍ବରୁ ଘୋଷଣା କରିଛନ୍ତି।ହେଲେ ବର୍ତ୍ତମାନ ସୁଦ୍ଧା ଏହା ନିର୍ମାଣ ହୋଇନି।

ରାୟଗଡ଼ା ଏକ ଆଦିବାସୀବହୁଳ ଜିଲ୍ଲା ହୋଇଥିବା ବେଳେ ମେଡ଼ିକାଲ କଲେଜର ଆବଶ୍ୟକତା ରହିଛି।ଯଦି ମେଡ଼ିକାଲ କଲେଜ ବିଳମ୍ବ ହେଉଛି ତେବେ ସୁପର ସ୍ପେସାଲିଷ୍ଟ ହସ୍ପିଟାଲ ଜିଲ୍ଲା ସଦରମହକୁମା ଠାରେ ତୁରନ୍ତ ନିର୍ମାଣ କରାଯାଉ ବୋଲି ପରିଷଦ ଦାବି କରିଛି। ଆଗାମୀଦିନରେ ବଡ଼ ଧରଣର ଆନ୍ଦୋଳନ ସହ ପଞ୍ଚାୟତ ସ୍ତରରେ ମଧ୍ୟ ଧାରଣା ଦିଆଯିବ।ପରିଷଦ ସଭାପତି ଶିବାଜୀ ଦାଶଙ୍କ ନେତୃତ୍ବରେ ଏହି ଧାରଣା ଆଜିଠାରୁ ଆରମ୍ଭ ହୋଇଛି।