!!! କଳାହାଣ୍ଡି ରୁ ଜିଲ୍ଲା ପ୍ରତିନିଧି ରଜନୀକାନ୍ତ ସମର୍ଲିଆ ଙ୍କ ରିପୋର୍ଟ !!!
ଏଥର ସମ୍ଭାଳ(କଳାହାଣ୍ଡି)- ଦେଶରେ ଜାତିର ଜନକ ତଥା ଅହିଂସାର ପୂଜାରୀ ଗାନ୍ଧିଜୀଙ୍କ ଶାନ୍ତି ଓ ନ୍ୟାୟର ବାର୍ତ୍ତା ନେଇ ପି.ଭି.ରାଜଗୋପାଳ (ରାଜାଜୀ) କଳାହାଣ୍ଡି ଜିଲ୍ଲାରେ ଗତ ତା୨୮/୦୯/ ୨୦୨୧ରିଖ ଦିନ ଭବାନୀପାଟଣା ସ୍ଥିତ ରାଜଗୋପାଲ ନଗର ଠାରେ ପହଞ୍ଚିଛନ୍ତି। ଏକତା ପରିଷଦର ଜିଲ୍ଲା ସଂଯୋଜକ ସରୋଜ ବାଗ ଙ୍କ ଅଧ୍ୟକ୍ଷତାରେ ଏକ ସାଧାରଣ ସଭାର ଆୟୋଜନ କରାଯାଇଥିଲା।ଅନ୍ତଃରାଷ୍ଟ୍ରୀୟ ଶାନ୍ତି ଦିବସ ଭାବେ ପାଳିତ ହୋଇ ଆସୁଥିବା ସେପ୍ଟେମ୍ବର ୨୧ ତାରିଖ ରୁ ଗାନ୍ଧୀଜୀ ଙ୍କ ଜନ୍ମଦିବସ ଅକ୍ଟୋବର ୨ ତାରିଖ ଯାଏଁ ପ୍ରତିବର୍ଷ ଦେଶର ୧୦୦ଟି ଜିଲ୍ଲାରେ ଏକାଥରେ ପାଳନ କରାଯାଇଥାଏ।ଶୋଷଣ ଓ ଭ୍ରଷ୍ଟାଚାର ମୁକ୍ତ ତଥା ସମାଜରେ ଗରୀବି, ଅସମାନତା, ହିଂସା କୁ ଦୂର କରି ଭୟମୁକ୍ତ ସମାଜ ଗଠନ କରିବା ଏହି ଯାତ୍ରାର ମୂଳ ଉଦ୍ଦେଶ୍ୟ। ଏଥିରେ ଏକତା ପରିଷଦର ଜାତୀୟ ସଂଯୋଜକ ରମେଶ ଶର୍ମା, ଜାତୀୟ କମିଟି ସଦସ୍ୟ ଭାରତ ଭୂଷଣ ଠାକୁର, ପରିଷଦର ସଦସ୍ୟ ବରୁଣ ଅଭିଷେକ, ରାଜ୍ୟ ସଂଯୋଜକ ବିଜୟ ପ୍ରଧାନ, ବରିଷ୍ଠ ସଦସ୍ୟ କାହ୍ନୁ ମହାନ୍ତି, ରାଜ୍ୟ ଯୁବ କଂଗ୍ରେସ ସମ୍ପାଦକ ମହମ୍ମଦ ସାହେବ,ଜନମ୍ ମାଟି ସୁରକ୍ଷା ସମିତି ଗିରିଧାରୀ ପାତ୍ର, ଆଦିବାସୀ ନେତା ପରମାନନ୍ଦ ମାଝୀ, ବରିଷ୍ଠ ଆଇନଜୀବି ତଥା ସମାଜସେବୀ ସିଦ୍ଧାର୍ଥ ନାୟକ, ସାମ୍ବାଦିକ ମଧୁସୂଦନ ମହାପାତ୍ର, ଜଗନ୍ନାଥ ନାଏକ,ଦୁଃଖିଶ୍ୟାମ ପ୍ରଧାନ, କଂଗ୍ରେସର ଟାଉନ୍ ସାଧାରଣ ସମ୍ପାଦକ ରେହମାନ ଅଲ୍ଲୀ ଖାଁ, ନବୀନ ସାହୁ, ଏକତା ପରିଷଦ ସଂଗଠନ ର ମନ୍ଦାକିନୀ ବାଣୁଆ, ଚିନ୍ମୟୀ ବେହେରା, ମନୀଷା ସାଧକ ଏବଂ ସ୍ଥାନୀୟ ରାଜଗୋପାଳ ନଗରବାସୀ ଉପସ୍ଥିତ ଥିଲେ।
