ହଂସତୁଳି ଖରଖରି ନାଳରେ ପ୍ରଯ୍ଯାପ୍ତ ପରିମାଣର ପାଇପ ପକାଇବା ପାଇଁ ଦାବୀ, ଜମିରୁ ହେଉନି ଜଳ ନିଷ୍କାସନ, ବ୍ୟାପକ ଫସଲ ନଷ୍ଟ ଆଶଙ୍କା…!
!!! ଗଞ୍ଜାମ୍ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ବେଗୁନିଆପଡା)- ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ତାଳସର ପଞ୍ଚାୟତ ର ହଂସତୁଳି ଗ୍ରାମ ଠାରେ ଥିବା ଖରଖରି ନାଳ ସରକାରଙ୍କ ଜଳ ସମ୍ପଦ ବିଭାଗ ପକ୍ଷରୁ ଲକ୍ଷାଧିକ ଟଙ୍କା ବିନିମୟରେ ଗତ କିଛି ମାସ ତଳେ ନାଳ ପୁନଃଉଦ୍ଧାର ହେବା ସହ ଜଳ ନିଷ୍କାସନ ପାଇଁ ପାଇପ୍ ପଡିଲା । କିନ୍ତୁ ଆଗରୁ ଯେମିତି ଚାଷ ଜମିରେ ପାଣି ଜମି ରହୁଥିଲା ଏବେ ମଧ୍ଯ ସେମିତି ପାଣି ଜମି ରହୁଛି । ଫଳ ରେ ଚାଷୀ ମାନଙ୍କର ବ୍ୟାପକ ଫସଲ ନଷ୍ଟ ହେଉଛି ବୋଲି ଚାଷି ମାନେ ପ୍ରକାଶ କରିଛନ୍ତି ।
ଏଥିସହିତ ପ୍ରଯ୍ଯାପ୍ତ ପରିମାଣ ର ପାଇପ ନ ପଡିଥିବା ହେତୁ ଜମି ରୁ ଜଳ ନିଷ୍କାସନ ହେଉନାହିଁ ବୋଲି ଚାଷୀମାନେ ଅଭିଯୋଗ କରିଛନ୍ତି । ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ବର୍ତ୍ତମାନ ସୁଦ୍ଧା ଜମିରେ ପାଣି ଜମିରହିଛି । ଫଳ ରେ ଧାନ, ଆଖୁ ଆଦି ଫସଲ ନଷ୍ଟ ଆଶଙ୍କା କୁ ଏଡେଇ ହେବ ନାହିଁ ବୋଲି ଚାଷୀମାନେ କହିଛନ୍ତି। ଏ ଦିଗରେ ବିଭାଗୀୟ ଅଧିକାରୀ ଓ ରାଜନୈତିକ ବ୍ୟକ୍ତିବିଶେଷ ମାନେ ଦୃଷ୍ଟି ଦେବା ସହ ପ୍ରଯ୍ଯାପ୍ତ ପରିମାଣ ର ପାଇପ ପକାଇବା ପାଇଁ ଚାଷୀମାନେ ନିବେଦନ କରିଛନ୍ତି। ଦେଖାଯାଉ ଆଗକୁ କଣ ପଦକ୍ଷେପ ଗ୍ରହଣ କରାଯାଉଛି ତାହା ଦେଖିବାକୁ ବାକି ରହିଲା । ଏନେଇ ବିଭାଗୀୟ ଅଧିକାରୀ ଙ୍କ ସହ ଯୋଗାଯୋଗ କରିବା ପାଇଁ ଚେଷ୍ଟା କରିଥିଲେ ମଧ୍ଯ ସମ୍ଭବ ପର ହୋଇପାରିନାହିଁ ।