!!! ଗଜପତି ଜିଲ୍ଲା ମୋହନା ରୁ ପ୍ରତିନିଧି ମଜେଶ ରଇତ ଙ୍କ ରିପୋର୍ଟ !!!
ଏଥର ସମ୍ଭାଳ(ମୋହନା)- ଗଞ୍ଜାମ ଜିଲା ବେଗୁନିଆପଡା ବ୍ଲକ ସୁମଣ୍ଡଳ ସ୍ଥିତ ରବିଘୋଷ ନୋଡାଲ ବିଦ୍ୟାପୀଠରେ ଗୁରୁଦାର ଦିନ ଏକ ଅପ୍ରିତିକର ପରିସ୍ଥିତି ଦେଖା ଦେଇଛି । ଘଟଣା ରୁ ପ୍ରକାଶ ଏହି ବିଦ୍ୟାଳୟର ପ୍ରଧାନ ଶିକ୍ଷକ ପ୍ରକାଶ ଚନ୍ଦ୍ର ପାତ୍ର ଅନେକ ସମୟରେ ବିଦ୍ୟାଳୟ କୁ ଆସୁ ନାହାନ୍ତି । ଏପରି କି ଯୁକ୍ତ ଦୁଇ ରେ ନାମ ଲେଖାଇବା ୧୪ ତାରିଖ ଶେଷ ହୋଇଥିବା ବେଳେ ଏ ପର୍ଯ୍ୟନ୍ତ ପିଲାଙ୍କୁ ମାଟ୍ରିକ ଟିସି ଦିଆ ଯାଇନାହିଁ । ଫଳରେ ଗୁରୁଦାର ଦିନ ଛାତ୍ରୀଛାତ୍ର ଓ ଅଭିଭାବକମାନେ ବିଦ୍ୟାପୀଠରେ ପହଞ୍ଚି ପ୍ରଧାନ ଶିକ୍ଷକ ଙ୍କୁ ଘେରାଉ କରିବା ସହ ଅସନ୍ତୋସ ବ୍ୟକ୍ତ କରିଛନ୍ତି। ସେମାନେ କହିଛନ୍ତି କି ତିନି ବର୍ଷ ହେଲା ପିଲାଙ୍କୁ ପୋଷାକ ବିତରଣ କରାଯାଇ ନାହିଁ, ମଧ୍ୟାନ୍ନ ଭୋଜନ ଚାଉଳ ବଣ୍ଟନ କରାଯାଇ ନାହିଁ , ପ୍ରଧାନ ଶିକ୍ଷକ ଓ କେତେକ ଶିକ୍ଷକ ନିୟମିତ ବିଦ୍ୟାଳୟ କୁ ଆସୁ ନାହାନ୍ତି । ଫଳରେ କେତେକ ବିଷୟରେ ପାଠ ପଡା ଏ ପର୍ଯ୍ୟନ୍ତ ଆରମ୍ଭ ହୋଇନାହିଁ ।
ଷ୍ଟାଇପେଣ୍ଡ ଟଙ୍କା ମଧ୍ୟ ମିଳି ନାହିଁ । ଖବର ପାଇ ସରପଞ୍ଚ ପ୍ରତିନିଧି ସନ୍ତୋଷ କୁମାର ସାହୁ ପହଂଚି ସମସ୍ତ ବିଷୟ ବୁଝିବା ପରେ ସେ ମଧ୍ୟ କ୍ଷୋଭ ପ୍ରକାଶ କରିଥିଲେ ।ଏହି ସବୁ ସମସ୍ୟା ଶୀଘ୍ର ସମାଧାନ କରା ନ ଗଲେ । ଆଗାମୀ ଦିନରେ ବିଦ୍ୟାପୀଠରେ ଧାରଣା ଦେବା ସହ ଆନ୍ଦୋଳନ କରାଯିବ ବୋଲି ଅଭିଭାବକ ,ସରପଞ୍ଚ ପ୍ରତିନିଧି ଓ ଛାତ୍ରୀଛାତ୍ର କହିଛନ୍ତି । ପ୍ରଧାନ ଶିକ୍ଷକ ଙ୍କ ସହ ଯୋଗାଯୋଗ ରେ ସେ କହି ଛନ୍ତି କମିଟି ହୋଇ ପାରି ନ ଥିବା ଯୋଗୁଁ କିଛି ହୋଇ ପାରୁ ନାହିଁ ଏ ସମ୍ପର୍କରେ ଜିଲ୍ଲାପାଳ ଓ ଜିଲ୍ଲା ଶିକ୍ଷା ଅଧିକାରୀ ଙ୍କୁ ଜଣାଇ ଦେଇଛି । ପ୍ରକାଶ ଥାଉ କି ଆଗରୁ ଏହି ପ୍ରଧାନ ଶିକ୍ଷକ ଙ୍କ ବିରୁଦ୍ଧରେ ଅନେକ ଅଭିଯାଗ ,ଅଭିଭାବକ ଓ ଛାତ୍ରୀଛାତ୍ର ଆନ୍ଦୋଳନ ମଧ୍ୟ ହୋଇଛି ।
