ଡିଜିପି ଆୱାର୍ଡ ପାଇଲେ ଥାନା ଅଧିକାରୀ ଓ ଏସଆଇ…!
!!! ଗଜପତି ରୁ ଜିଲ୍ଲା ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲାରେ କାର୍ଯ୍ୟରତ ଥିବା ପୋଲିସ କର୍ମଚାରୀ ମାନେ ନିଜର କାର୍ଯ୍ୟ ଓ ଜନସାଧାରଣଙ୍କୁ ଠିକ୍ ସମୟରେ ନ୍ୟାୟ ପ୍ରଦାନ କରିବା ଏବଂ ଲୋକଙ୍କ ସହ ସୁସମ୍ପର୍କ ରଖିବା ସହ ଗଞ୍ଜେଇ ମାଫିଆଙ୍କୁ ଧରିବାରେ ସକ୍ଷମ ହୋଇ ପାରିଛନ୍ତି। ଅନେକ ସମୟରେ ନିଜ ପରିବାରକୁ ପଛରେ ପକାଇ କରୋନା ସମୟରେ ଲୋକଙ୍କୁ ସଚେତନ କରିବାରେ ଆଗଧାଡ଼ିରେ ଥିବ ମୋହନା ଥାନା ଅଧିକାରୀ , ସୁଜିତ କୁମାର ନାୟକଙ୍କୁ ସରକାରଙ୍କ ନିର୍ଦ୍ଦେଶ କ୍ରମେ ଡିଜିପିଙ୍କ ଦ୍ୱାରା ଆୱାଡ଼ ପ୍ରଦାନ କରାଯାଇଛି ।
ରବିବାର ଦିନ ଜିଲ୍ଲା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟରେ ଏସପି ଜୟରାମ ଶତପଥୀଙ୍କ ସମ୍ମିଳନୀ କକ୍ଷରେ ଏହି ଆୱାର୍ଡ଼ ପ୍ରଦାନ କରାଯାଇଛି। ଡ଼ିଜିପି ଆୱାର୍ଡ ପାଇ ଅଧିକାରୀ ନିଜକୁ ଧନ୍ୟ ମନେ କରିଛନ୍ତି। ସେହିଭଳି ରା.. ଉଦୟଗିରିରେ କର୍ଯ୍ୟରତ ଥିବା ଏସଆଇ ହେମନ୍ତ ସେଠୀ ମଧ୍ୟ ବିଭିନ୍ନ ସମୟରେ ସଠିକ୍ ଭାବରେ ଚାର୍ଜସିଟ ଦାଖଲ କରିବା ସହ ଲୋକଙ୍କୁ ସଚେତନ କରାଇ ବିଭିନ୍ନ ସମୟରେ ଗଣ୍ଡଗୋଳକୁ ସମାଧାନ କରିବା ଓ ଲୋକଙ୍କୁ ସଦବ୍ୟବହାର ଦେଖାଉଥିବାରୁ ତାଙ୍କ କାର୍ଯ୍ୟକୁ ପ୍ରଶସାଂ କରି ଡିଜିପି ଆୱାର୍ଡ ପ୍ରଦାନ କରିଛନ୍ତି। ଏସପି ଶ୍ରୀ ଶତପଥିଙ୍କ ଠାରୁ ଏହି ପୁରସ୍କାର ପାଇ ମୋହନା ଥାନା ଅଧିକାରୀ ଓ ଏସଆଇ , ଡ଼ିଜିପି , ଏସପିଙ୍କୁ ଧନ୍ୟବାଦ ଜଣାଇଛନ୍ତି। ସେହିଭଳି ଜିଲ୍ଲାରେ ଅନ୍ୟ ତିନି ଜଣ ପୁଲିସ କର୍ମଚାରୀ ମଧ୍ୟ ପାଇଛନ୍ତି ଡ଼ିଜିପି ଆୱାର୍ଡ ।