ଉଠା ଦୋକାନ ଟ୍ରାଫିକ ସମସ୍ୟାକୁ ଦ୍ୱିଗୁଣିତ କରୁଛି ;ପ୍ରଶାସନ ଦୃଷ୍ଟି ଦେବାକୁ ଦାବୀ ।
!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ଗୁଣପୁର ସହରରେ ଦେଖା ଦେଉଥିବା ସମସ୍ୟା ମଧ୍ୟରେ ମୁଖ୍ୟ ସମସ୍ୟା ଭାବେ ରହିଛି ଟ୍ରାଫିକ ସମସ୍ୟା । ସ୍ଥାନୀୟ ପ୍ରଶାସକ ଙ୍କ ଇଚ୍ଛାଶକ୍ତି ର ଅଭାଵ ଏହାକୁ ଗୁରୁତର କରୁଛି । ଯାହାଫଳରେ ସାଧାରଣ ଜନତା ନାହିଁ ନଥିବା ହଇରାଣର ସମ୍ମୁଖୀନ ହେଉଛନ୍ତି । କିଛି ଦିନ ପୂର୍ବରୁ ମୂଖ୍ୟ ରାସ୍ତା ଉପରେ ଗାଈ ଗୋରୁ ଙ୍କ ରହଣି ଟ୍ରାଫିକ ସମସ୍ୟା ବଢ଼ାଇ ଥିବା କୁହାଯାଉଥିଲା। ବର୍ତ୍ତମାନ ମୂଖ୍ୟ ରାସ୍ତାର କଡରେ ଗଢ଼ି ଉଠିଥିବା ଉଠା ଦୋକାନ ଗୁଡିକ ଟ୍ରାଫିକ ସମସ୍ୟା କୁ ଦ୍ବିଗୁଣିତ କରିଛି । ଏହି ଦୋକାନୀ ମାନଙ୍କ ଠାରୁ ସ୍ଥାନୀୟ ପୋୖର ପରିଷଦ ଏବଂ ରାସ୍ତା ଓ କୋଠା ବାଡି ବିଭାଗର କିଛି କର୍ମଚାରୀ ପ୍ରତିଦିନ ଏବଂ ମାସିକ ଖଜଣା ଆଦାୟ କରୁଥିବାରୁ ଉଠାଦୋକାନୀ ଖଣ୍ଡିଏ ଖଣ୍ଡିଏ ଜାଗା ଅକ୍ତିଆର କରି ଟ୍ରାଫିକ ସମସ୍ୟା ବଢ଼ାଉଛନ୍ତି ବୋଲି ଅଭିଯୋଗ ଉଠୁଛି । ସେଯାହା ହେଉ ,ମୁଖ୍ୟ ରାସ୍ତାର କଡରେ ଏଭଳି ଦୋକାନ ବସୁଥିଲେ ମଧ୍ୟ ସ୍ଥାନୀୟ ପ୍ରଶାସନ ପକ୍ଷରୁ କୌଣସି ବିରୋଧ କରାଯାଉ ନଥିବା ଘଟଣା ସାଧାରଣରେ ଅନେକ ପ୍ରଶ୍ନବାଚୀ ସୃଷ୍ଟି କରିଛି।
ବହୁ ଅର୍ଥ ବ୍ୟୟରେ ସ୍ଥାନୀୟ ନିୟନ୍ତ୍ରିତ ବଜାର କମିଟି ପକ୍ଷରୁ ଆମ ବଜାର ନିର୍ମାଣ କରାଯାଇଛି । ଏହା ସ୍ଥାନୀୟ ପ୍ରଶାସକ ଙ୍କ ଆଖି ଆଢୁଆଳରେ ରହି ନଷ୍ଟ ହେବାକୁ ବସିଲାଣି । ତଥାପି ଏଥି ପ୍ରତି ଦୃଷ୍ଟି ନଦେଇ ,ରାସ୍ତା କଡ଼ରେ ଦୋକାନ ବଢ଼ାଇବା ରେ ପ୍ରଶାସନ ସହଯୋଗ କରୁଥିବା ଅଭିଯୋଗ ହେଉଛି । ରାସ୍ତା କଡର ଦୋକାନ ଉଠାଇବା ଦିଗରେ ପ୍ରଶାସକ ଦୃଢ଼ ପଦକ୍ଷେପ ନ ନେଲେ ଏଥି ପାଇଁ ହେବାକୁ ଥିବା ଦୁର୍ଘଟଣା ସମ୍ଭାବନାକୁ ଦୁରେଇ ଦିଆଯାଇନପାରେ । ନୂତନ ବସ ଷ୍ଟାଣ୍ଡ ମଧ୍ୟରେ ବସାଯାଇଥିବା ଦୋକାନ ଗୁଡିକରୁ ପରିବା କିଣିବା ନିମନ୍ତେ ଆସୁଥିବା ଗ୍ରାହକ ଦୋକାନ ଗୁଡିକ ସାମ୍ନାରେ ସେମାନଙ୍କ ଯାନବାହନ ଥୋଇ ଦେବାରୁ ବସ ଯାତାୟତ ରେ ସମସ୍ୟା ଦେଖାଦେଉଛି । ଏଣୁ ଗ୍ରାହକଙ୍କ ଗାଡିକୁ ଏକ ସ୍ଥାନରେ ରଖି ବଜାର ମଧ୍ୟକୁ ନଛାଡିବା ପାଇଁ ଦାବୀ ହେଉଛି । ଏହା ସହିତ ବାଇପାସ ଛକ ଠାରେ ବସିଥିବା ଉଠା ଦୋକାନ ଗୁଡିକ ଆଗକୁ ନିଶ୍ଚିତଭାବେ ଦୁର୍ଘଟଣାର ବାଟ ସୁଗମ କରିବ ବୋଲି କଥା ଉଠିଛି । ଭାରି ଯାନ ଗୁଡିକ ଏହି ଛକରେ ୟୁଟର୍ଣ୍ଣ କରିବା ବେଳେ ଦୁର୍ଘଟଣା ସମ୍ଭାବନାକୁ ଏଡାଇ ଦିଆଯାଇନପାରେ । ରାସ୍ତା କଡରେ ରଖା ଯାଇଥିବା ଗ୍ୟାରେଜ ର ଗାଡି ଗୁଡିକ ବର୍ତ୍ତମାନ୍ ରାସ୍ତା ଉପରକୁ ଆସିବା ସହ ଲୋକଙ୍କ କବ୍ଜା ରେ ଥିବା ଘର ଗୁଡିକ ରାସ୍ତା ଉପରକୁ ଆସିବାରେ ଲାଗିଲାନି ଯାହାକି ସମସ୍ୟା ର ମୁଖ୍ୟ କାରଣ ହୋଇପାରେ। ଉପୁଜୁ ଥିବା ଟ୍ରାଫିକ୍ ସମସ୍ୟା କୁ ନେଇ ସାମ୍ବାଦିକ ସଂଘ ପକ୍ଷରୁ ପୂର୍ବରୁ ଥାନା ଭାରପ୍ରାପ୍ତ ଅଧିକାରୀ ଓ ଉପଖଣ୍ଡ ଆରକ୍ଷୀ ଅଧିକ୍ଷକ ଙ୍କୁ ଅବଗତ କରାଇଥିଲେ। ପ୍ରଶାସନ ବେଳ ଥାଉ ଥାଉ ବନ୍ଦ ନବାନ୍ଧିଲେ ଏହାର ଆଉ ସୁଧାର ଆସିପାରିବ ନାହିଁ ବୋଲି ବୁଦ୍ଧିଜିବୀ ମହଲରେ ମତ ପ୍ରକାଶ ପାଇଛି। ତେଣୁ ସ୍ଥାନୀୟ ପୋଲିସ ପ୍ରଶାସନ ଏଥିପ୍ରତି ଦୃଷ୍ଟି ଦେଇ ଏଠାରୁ ଉଠାଦୋକାନ ଗୁଡିକୁ ହଟାଇବା ଦିଗରେ ପଦକ୍ଷେପ ନନେଲେ ଆଗକୁ ଆମକୁ କହିବାକୁ ପଡିବ ଏଥର ସମ୍ଭାଳ…..!