ସୁମନ୍ତ ଧରୁଆ ଙ୍କ ମୁହଁ ରେ ଚେନାଏ ହସ ଫୁଟାଇଲେ ଶ୍ରୀ ମହେନ୍ଦ୍ର ବଢ଼େଇ….!
!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପଦ୍ମପୁର) – ପାଠ ପଢ଼ା କୁ ଜଳାଞ୍ଜଳି ଦେଇ ନିଜ ପରିବାର ର ମୁହଁ କୁ ଗଣ୍ଡାଏ ଖାଦ୍ୟ ଦେବାପାଇଁ ଶ୍ରୀ ସୁମନ୍ତ ଧରୁଆ ପାଉଁରୁଟି ବିକ୍ରି କରୁଥିବା ଖବର ଆମେ ପ୍ରାରମ୍ଭେ ପ୍ରକାଶନ କଲାପରେ ନିଜ ଅଞ୍ଚଳରେ ଏଭଳି କରୁଣ କାହାଣୀ ର ଚିତ୍ର ସହ ସମ୍ବାଦ ପଢିବା ପରେ ପଦ୍ମପୁର ନିକଟସ୍ଥ ଟାଲ ଗ୍ରାମ ରେ ଜନ୍ମିତ ଶ୍ରୀ ମହେନ୍ଦ୍ର ବଢ଼େଇ, ବର୍ତ୍ତମାନ ଓଡ଼ିଶା ସରକାର ଙ୍କ ପ୍ରଶାସନିକ ଅଧିକାରୀ ଭାବେ ପୁରୀ ଜିଲ୍ଲାର ଡେଲାଙ୍ଗ ରେ ତହସିଲଦାର ଭାବେ କାର୍ଯ୍ୟ ସମ୍ପାଦନ କରୁଛନ୍ତି । ସେ ବହୁ ଜଲଦି ପାଇକମାଳ ଅଞ୍ଚଳ ରେ କେତେକ ସମାଜସେବୀ ଙ୍କ ସହ ଯୋଗାଯୋଗ କରି ଶ୍ରୀ ସୁମନ୍ତ ଙ୍କ ଘରକୁ ଯାଇ ତାଙ୍କ ଚଳିବା ପାଇଁ ନିତ୍ୟବ୍ୟବହାର୍ଯ୍ୟ ରାସନ୍ ସାମଗ୍ରୀ ପହଞ୍ଚାଇଥିଲେ।
ଆଗରୁ ମଧ୍ୟ ଅନେକ ଅସହାୟ ପରିବାର ଙ୍କୁ ରାସନ୍ ସାମଗ୍ରୀ ସାହାଯ୍ୟ କରିବାର ଦୃଷ୍ଟାନ୍ତ ମଧ୍ୟ ଶ୍ରୀମାନ ବଢେଇ ଙ୍କ ରହିଛି। ସେ ଜଣେ ନିଷ୍ଠାପର ସମାଜସେବୀ କହିଲେ ଅତ୍ୟୁକ୍ତି ହେବ ନାହିଁ। ଏ ପରିପ୍ରେକ୍ଷୀରେ ପାଇକମାଳ ଅଞ୍ଚଳ ର ସମାଜସେବୀ ସର୍ବଶ୍ରୀ-ଟାଇଲ ଚନ୍ଦ୍ର ଭୋଇ, ଗଣେଶ ପ୍ରଧାନ, ଯୁଧିଷ୍ଠିର ସାହୁ ଏବଂ ମିଠାପାଲି ଗ୍ରାମପଞ୍ଚାୟତ ସରପଞ୍ଚ ଶ୍ରୀମାନ ସହଦେବ ଧରୁଆ ସୁମନ୍ତ ର ଅଜାଆଇ ଙ୍କୁ ଭେଟି ଶ୍ରୀମାନ ମହେନ୍ଦ୍ର ବଢ଼େଇ ଙ୍କ ପ୍ରେରିତ ରାସନ୍ ସାମଗ୍ରୀ ପ୍ରଦାନ କରିଥିଲେ।