ମା ମାଝିଗୌରୀ କିନ୍ନର ସଂଘ ପକ୍ଷରୁ ବଂଶଧାରା ଉପର ମୁଣ୍ଡ ରେ ପ୍ରକଳ୍ପ ଦାବୀ ନେଇ ନିରବ ଶୋଭାଯାତ୍ରା କରି ସ୍ମାରକ ପତ୍ର ପ୍ରଦାନ ।
!!! ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ମା ମାଝିଗୌରୀ କିନ୍ନର ସଂଘ ପକ୍ଷରୁ ଆଜି ବଂଶଧାରା ଉପର ମୁଣ୍ଡରେ ପ୍ରକଳ୍ପ ନେଇ ଏକ ଶୋଭାଯାତ୍ରା ରେ ବାହାରି ସ୍ମାରକ ପତ୍ର ପ୍ରଦାନ କରାଯାଇଛି। ପୁର୍ବ ଖସଡ଼ା ଅନୁଯାୟୀ ପ୍ରଥମ ପର୍ଯ୍ୟାୟରେ ସ୍ଥାନୀୟ ବିଧାୟକ ଓ ବିଜୁ ସ୍ବାସ୍ଥ୍ୟ କଲ୍ଯାଣ ଯୋଜନା ର ଉପଦେଷ୍ଟା ଙ୍କ ସହ ଏହି ପ୍ରସଙ୍ଗରେ ସ୍ବତନ୍ତ୍ର ଭାବେ ଆଲୋଚନା କରିବା ପରେ ଆଜି ଠାରୁ ଏକ ମାସ ବ୍ୟାପି ନିରବ ଶୋଭାଯାତ୍ରା ସହ ସ୍ମାରକପତ୍ର ପ୍ରଦାନ କରାଯିବା ର ଶୁଭାରମ୍ଭ ହୋଇଛି ।
ଆଜି ସକାଳ ୧୦ଟା ରେ କିନ୍ନର ସଂଘ ସମ୍ପାଦିକା ପିଙ୍କି ମହାପାତ୍ର ଙ୍କ ନେତୃତ୍ୱ ରେ କିନ୍ନର ସଂଘ କର୍ମକର୍ତ୍ତା ମାନେ ନୂଆ ବସଷ୍ଟାଣ୍ଡ ବିଜୁବାବୁ ଙ୍କ ପ୍ରତିମୂର୍ତ୍ତି ନିକଟରୁ ବାହାରି ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ରେ ପହଞ୍ଚିଥିଲେ ଏବଂ ଅତିରିକ୍ତ ଜିଲ୍ଲାପାଳ ଙ୍କୁ ସ୍ମାରକ ପତ୍ର ପ୍ରଦାନ କରିଥିଲେ । ଏହି କାର୍ଯ୍ୟକ୍ରମ ରେ ବଂଶଧାରା ଅବବାହିକା ସୁରକ୍ଷା ସମିତି ପକ୍ଷରୁ ପ୍ରଦୀପ ଦାଶ , ରଞ୍ଜିତ ପାଢ଼ୀ , ଉମା ଦାଶ ,ଇନ୍ଦ୍ରାକ୍ଷି ଦାଶ ,ଅକ୍ଷୟ ଦାସ ଓ ୱାଇ. ଗଣପତି ରାଓ ପ୍ରମୁଖ ଉପସ୍ଥିତ ରହିଥିଲେ ।