!!! ବରଗଡ଼ ଜିଲ୍ଲା ପଦ୍ମପୁର ରୁ ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!!
ଏଥର ସମ୍ଭାଳ (ପଦ୍ମପୁର) -ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଳ ବ୍ଲକ୍ ର ବରତୁଣ୍ଡା ଗ୍ରାମ ପଞ୍ଚାୟତର ଚାଷୀ ମାନେ ଠିକ ରୂପେ କୃଷିବିମା ଅର୍ଥ ପାଇ ନ ଥିବା ନେଇ ଏକ ଦାବିପତ୍ର ଜିଲ୍ଲା କୃଷି ଅଧିକାରୀଙ୍କୁ ପ୍ରଦାନ କରିଛନ୍ତି।ଗ୍ରାମ ପଞ୍ଚାୟତର ଏକ ଛଅଜଣିଆ ପ୍ରତିନିଧି ଦଳ ବରଗଡ଼ ଜିଲ୍ଲା କୃଷି ଅଧିକାରୀଙ୍କୁ ଫୋନ୍ ଯୋଗେ ଯୋଗାଯୋଗ କରି ଆଲୋଚନା ପାଇଁ ଯାଇଥିଲେ ହେଁ କୃଷି ଅଧିକାରୀ ଅଫିସରେ ରହି ଅନୁପସ୍ଥିତ ଯୋଗୁଁ ଚାଷୀ ମହଲରେ କ୍ଷୋଭ ପ୍ରକାଶ ପାଇଛି।ଚାଷୀ ମାନଙ୍କ ଅଭିଯୋଗ କ୍ରମେ ଜଣାଯାଏ ଯେ ୨୦୨୦ମସିହାରେ କୃଷି ବୀମା ପ୍ରଦାନ କ୍ଷେତ୍ରରେ ପାତର ଅନ୍ତର କରାଯାଇ ସଠିକ୍ ମୂଲ୍ୟାୟନ କରା ଯାଇ ନ ଥିବାରୁ ଆଜି ଚାଷୀମାନେ ତାଙ୍କ ନ୍ୟାର୍ଯ୍ୟ ପ୍ରାପ୍ୟ ପାଇବାରେ ବିଫଳ ହୋଇଛନ୍ତି।
ପଞ୍ଚାୟତର ଚାଷୀମାନେ କେତେ ଭାଗ ବୀମା ପାଇଛନ୍ତି ଓ ଆହୁରି କେତେ ଭାଗ ବୀମା ଅର୍ଥ ରାଶି ପାଇବାପାଇଁ ହକଦାର ଏବଂ କେବେ ପାଇବେ ତାର ସଠିକ୍ ତଥ୍ୟ ପ୍ରଦାନ କରାଯିବାକୁ ଦାବି କରିଛନ୍ତି।ଏ ସଂକ୍ରାନ୍ତ ରେ ତୁରନ୍ତ ସୂଚନା ପ୍ରଦାନ ସହ ସଠିକ ମୂଲ୍ୟାୟନ କରି ବୀମା ଅର୍ଥ ପ୍ରଦାନ କରା ନ ଗଲେ ଆନ୍ଦୋଳନ କରିବା ପାଇଁ ଚେତାବନୀ ଦେଇଛନ୍ତି।ଏହାର ଏକକିତା ନକଲ ଜିଲ୍ଲାପାଳଙ୍କ କାର୍ଯ୍ୟାଳୟରେ ମଧ୍ୟ ଦେଇ ଥିବା ଜଣାପଡିଛି।ଏହି ପ୍ରତିନିଧି ଦଳରେ ଜିଲ୍ଲା ପରିଷଦ ସଭ୍ୟ ବିଶ୍ଵନାଥ ବାଗ,ବରତୁଣ୍ଡା ଗ୍ରାମ ପଞ୍ଚାୟତ ନାଏବ ସରପଞ୍ଚ ବେଲାର ସିଂ ସାହୁ,ସମିତିସଭ୍ୟ ପ୍ରତିନିଧି- ରୁକ୍ମଣ ଧରୁଆ,ବଳଦେବ କରେଇ,ବିଜୟ ସିଂ ଭୁଏ, ଗନ୍ଧମାର୍ଦ୍ଧନ ସୁରକ୍ଷା ଯୁବ ପରିଷଦ କାର୍ଯ୍ୟାଳୟ ସମ୍ପାଦକ ଦୁର୍ଯୋଧନ ପୁଟା ପ୍ରମୁଖ ଙ୍କ ମଧ୍ୟରେ ଯାଇଥିବା ଜଣାଯାଏ।
