ଦଣ୍ଡାୟମାନ ବିଶାଳ ହନୁମାନ ପ୍ରତିମୂର୍ତ୍ତିର ଶୁଭ ଭିତ୍ତିପ୍ରସ୍ତର ସ୍ଥାପନ…!

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ (ବେଗୁନିଆପଡ଼ା)- ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଚିଙ୍ଗୁଡ଼ିଖୋଲ ପଞ୍ଚାୟତର ଉସ୍ତାଳି ଗ୍ରାମରେ ଦଣ୍ଡାୟମାନ ବିଶାଳ ହନୁମାନ ପ୍ରତିମୂର୍ତ୍ତିର ଶୁଭ ଭିତ୍ତିପ୍ରସ୍ତର ସ୍ଥାପନ ଅନୁଷ୍ଠିତ ହୋଇଯାଇଛି । କୋଦଳା ଅଞ୍ଚଳର ଉଦୟମାନ ଯୁବ ନେତା ହରପ୍ରସାଦ ସାହୁଙ୍କ ପୂର୍ଣ୍ଣ ତତ୍ୱାବଧାନ ଓ ଉସ୍ତାଳି ଗ୍ରାମବସୀଙ୍କ ସହଯୋଗ କ୍ରମେ ଏହି ଦଣ୍ଡାୟମାନ ବିଶାଳ ହନୁମାନ ପ୍ରତିମୂର୍ତ୍ତିର ଶୁଭ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା । ଏହି ପ୍ରତିମୂର୍ତ୍ତି ସ୍ଥାପନ କାର୍ଯ୍ୟକ୍ରମରେ ଶୁଭ ଦେଇଥିଲେ ଚିଙ୍ଗୁଡ଼ିଖୋଲ ସମିତିସଭ୍ୟା ପୁଷ୍ପାଞ୍ଜଳି ଦାସ । ପ୍ରଥମେ ମାସ୍କ ବାଣ୍ଟିବା ପରେ କୋଭିଡ଼ କଟକଣାକୁ ଦୃଷ୍ଟିରେ ରଖି ଏହି କାର୍ଯ୍ୟକ୍ରମ କରାଯାଇଥିଲା । ବେଦପାଠ ଓ ଭୂମି ପୂଜନ ସହ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଏଥିରେ ବ୍ଲକ ଉପାଧ୍ୟକ୍ଷ ଭ୍ରମରବର ଭୂୟାଁ, ମର୍ଦ୍ଧକୋଟ ସରପଞ୍ଚ ସାଗରିକା ନାୟକ, ସମିତିସଭ୍ୟା ମାନସୀ ପୋଲାଇ, ବାରିଡା ସମିତିସଭ୍ୟ ଗୌରୀ ଦାସ, ପୂର୍ବତନ ସରପଞ୍ଚ ପ୍ରଶାନ୍ତ ପାତ୍ର, ମର୍ଦ୍ଧମେଖ ସମିତିସଭ୍ୟା ବିଷ୍ଣୁପ୍ରିୟା ଗୌଡ଼, ବୁରୁଝୁରୀ ସମିତିସଭ୍ୟ ବିନାୟକ ନାୟକ, ସରପଞ୍ଚଙ୍କ ପ୍ରତିନିଧି ସୁରେନ୍ଦ୍ର ପରିଡା, ଏସ ଛଚିନା ସମିତିସଭ୍ୟାଙ୍କ ପ୍ରତିନିଧି ଚରଣ ନାୟକ, ଖଇରଖମା ସରପଞ୍ଚ ମିନତୀ ବାରିକ, ରାଧାନାଥ ପଣ୍ଡା, ବୁଲୁ ପୋଲାଇ, ଦୀପକ ନାୟକ, ତୋଫାନ ପାଣ୍ଡି, ଭୀମସେନ ପ୍ରଧାନ, ବିଦ୍ୟାଧର ପ୍ରଧାନ, ଜୟ ସ୍ୱାଇଁ, ଜିତେନ୍ଦ୍ର ପ୍ରଧାନ, ବିଷ୍ଣୁ କୁମାର ନାୟକ, ବୁଲୁ ସାମଲଙ୍କ ସମେତ ଉସ୍ତାଳିର ବହୁ ଯୁବଗୋଷ୍ଠୀ ସାମିଲ ହୋଇଥିଲେ । ଏହି ଅବକାଶରେ ହନୁମାନ ପ୍ରତିମୂର୍ତ୍ତି ଭୂମି ପୂଜନ ବ୍ୟତିରେକ ବିଜେଡିର କର୍ମୀସମାବେଶ ବାରି ହୋଇପଡୁଥିଲା । ଜିଲ୍ଲା ବିଜେଡି ସମ୍ପାଦକ ଶ୍ରୀ ହରପ୍ରସାଦ ସାହୁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜନପ୍ରିୟତା ଏବଂ ଲୋକକଲ୍ୟାଣ କାର୍ଯ୍ୟକ୍ରମରେ ଥିବା ଯୋଜନାମାନ ସମ୍ପର୍କରେ ଅବଗତ କରୁଥିବାର ପରିଲକ୍ଷିତ ହେଉଥିଲା ।