!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ(ବ୍ରହ୍ମପୁର) – ରିଖ ରବିବାର ବ୍ରହ୍ମପୁର ସବୁଜ ବାହିନୀ ତରଫରୁ ସୁକୁଣ୍ଡା ଘାଇ ହୁଡା ରେ ସମାଜର ବିଭିନ୍ନ ବର୍ଗ ର ଲୋକଙ୍କୁ ନେଇ ବୃକ୍ଷ କୁ ପୋଷ୍ୟ ଗ୍ରହଣ କାର୍ଯ୍ୟକ୍ରମ ଆୟୋଜନ କରାଯାଇଛି । ଏଭଳି କାର୍ଯ୍ୟକ୍ରମ ପରିକଳ୍ପନା ର ମୁଖ୍ୟ ଉଦ୍ଦେଶ୍ୟ ହେଉଛି ସମାଜରେ ଅନେକ ଲୋକ ନିଜର ଜନ୍ମ ଦିବସ, ବିବାହ,ମାଙ୍ଗଳିକ କାର୍ଯ୍ୟକ୍ରମ , ଆତ୍ମିୟ ଙ୍କ ସ୍ମୃତି ରକ୍ଷା ପାଈଁ ଗୋଟିଏ ବୃକ୍ଷ ରୋପଣ ଇଛା ରହୁଛି କିନ୍ତୁ ସେମାନଙ୍କ ପାଖରେ ସ୍ଥାନ ର ଅଭାବ ମୁଖ୍ୟ ସମସ୍ୟା ରହୁଛି । ଏଭଳି କାର୍ଯ୍ୟକ୍ରମ ମାଧ୍ୟମରେ ସେମାନଙ୍କ ଇଛା ପୂରଣ ସହ ପ୍ରକୃତି ସୁରକ୍ଷା ହୋଇପାରୁଛି । ଆଜିର କାର୍ଯ୍ୟକ୍ରମରେ ୧୧ ଗୋଟି ବର ଓ ଅଶ୍ୱତ୍ଥ ବୃକ୍ଷ ରୋପଣ ସହ ସେମାନଙ୍କ ରକ୍ଷା ପାଈଁ ୧୧ ଜଣ ବ୍ୟକ୍ତି ଏସ. ରବି କୁମାର, ଟି. ଦୁର୍ଗା ପ୍ରସାଦ, ରାକେଶ ମଲ୍ଲୁ, ପ୍ରଫେସର ସଚିଦାନନ୍ଦ ପାଢ଼ୀ, ବ୍ରହ୍ମା ବିହାରି ପଣ୍ଡା, ଡ଼ି ମଧୁସୂଦନ ରାଓ, ପ୍ରକାଶ ପ୍ରସାଦ ଗୁପ୍ତା, ପ୍ରଫୁଲ୍ଲ ଚନ୍ଦ୍ର ବେହେରା, ଧନଞ୍ଜୟ ପାଢ଼ୀ ପ୍ରମୁଖ ଉପସ୍ଥିତ ରହି ପୋଷ୍ୟ ଗ୍ରହଣ କରିଥିଲେ । କାର୍ଯ୍ୟକ୍ରମରେ ସଭାପତି ଶିବରାମ ପାଣିଗ୍ରାହୀ, ସାଗର ଶାହା,ଦିପକ ପାତ୍ର,ବାଲାଜି ବେହେରା, ପ୍ରବୀଣ ନାୟକ, ରାଧ୍ୟେ ଶ୍ୟାମ ପାଣିଗ୍ରାହୀ, ବିଦେଶି ଦାସ ପ୍ରମୁଖ୍ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ ।
