ଟୀକାକରଣ କେନ୍ଦ୍ର ରେ ଓଡିଶା ସରକାରଙ୍କ ପୋଷ୍ଟର ଲଗା କୁ ଵିରୋଧ କରିଛି ଗୁଣପୁର ବିଜେପି ଶାଖା ।
!!! ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ସାରା ଦେଶ ରେ ୧୮ ରୁ ୪୪ ବର୍ଷ ବୟସ୍କ ବ୍ୟକ୍ତି ଙ୍କୁ ମାଗଣା ରେ ଟୀକା କରଣ କରାଯିବା ନେଇ କେନ୍ଦ୍ର ସରକାର ଙ୍କ ଘୋଷଣା ପରେ ଓଡିଶା କୁ ପର୍ଯ୍ୟାପ୍ତ ପରିମାଣ ରେ କେନ୍ଦ୍ର ମନ୍ତ୍ରାଳୟ ପକ୍ଷରୁ ଟୀକା ଯୋଗାଇ ଦିଆଯାଇଛି । ଏହି କ୍ରମ ରେ ରାଜ୍ୟ ର ବିଭିନ୍ନ ସ୍ଥାନ ରେ ଟୀକା କରଣ କେନ୍ଦ୍ର ସ୍ଥାପନ କରାଯାଇ ଟୀକା ଦେବା ବ୍ୟବସ୍ଥା ରାଜ୍ୟ ସରକାର ଙ୍କ ପକ୍ଷରୁ କରାଯାଇଛି ।
କିନ୍ତୁ କିଛି ଅଞ୍ଚଳ ରେ ଓଡିଶା ସରକାର ଙ୍କ ପୋଷ୍ଟର ଲଗାଇ ଥିବା ଯୋଗୁଁ ଏହା ଜନସାଧାରଣ ଙ୍କ ମଧ୍ୟରେ ବିଭ୍ରାନ୍ତି ସୃଷ୍ଟି କରୁଛି । ଏଭଳି ହୀନ ଚକ୍ରାନ୍ତ କୁ ବିଜେପି ପକ୍ଷରୁ ଘୋର ନିନ୍ଦା କରାଯାଇଛି । ରାୟଗଡ଼ା ଜିଲ୍ଲା ଗୁଣପୁର ଗୋଷ୍ଠି ଶିକ୍ଷା ଓ ପ୍ରଶିକ୍ଷଣ କେନ୍ଦ୍ର ରେ ଟୀକା କରଣ ଚାଲୁଥିବା ବେଳେ ଏଭଳି ପୋଷ୍ଟର ଲଗାଯାଇଥିବା ଦେଖିବାକୁ ମିଳିଥିଲା । ଟୀକା କରଣ ଓଡିଶା ସରକାର ଙ୍କ ସେଭଳି କୌଣସି ଗୁରୁତ୍ୱ ପୂର୍ଣ୍ଣ ଭୂମିକା ନଥିବା ବେଳେ କିପରି ଓ କାହିଁକି ଟୀକା କରଣ କେନ୍ଦ୍ର ରେ କେବଳ ରାଜ୍ୟ ସରକାର ଙ୍କ ପୋଷ୍ଟର ଲାଗିଛି ବୋଲି ବିଜେପି ର ଜିଲ୍ଲା ଉପ ସଭାପତି ଶ୍ରୀ ୱାଇ ଗଣପତି ପ୍ରଶ୍ନ ଉଠାଇବା ସହ କିଛି କର୍ମକର୍ତ୍ତା ଙ୍କ ସହ ଏହି ଟୀକା କରଣ କେନ୍ଦ୍ର ରେ ପହଁଚି ଲଗାଯାଇଥିବା ପୋଷ୍ଟର ବାହାର କରିଦେଇଥିବା ଜଣାପଡିଛି । କେନ୍ଦ୍ର ସରକାର ଙ୍କ ପକ୍ଷରୁ ବହୁ ମୂଲ୍ୟରେ ଟୀକା କ୍ରୟ କରାଯାଇ କରୋନା ଆକ୍ରାନ୍ତ ରୁ ଜନସାଧାରଣ ଙ୍କୁ ବଞ୍ଚାଇବା ନିମନ୍ତେ ପ୍ରୟାସ କରାଯାଉଥିବା ବେଳେ କେନ୍ଦ୍ର ସରକାର ଙ୍କ ଠାରୁ ପାଇଥିବା ଟୀକା ଲୋକ ଙ୍କୁ ଦେଇ ରାଜ୍ୟ ସରକାର ବାହା ବାହା ନେବା ସହ ହୀନ ଚକ୍ରାନ୍ତ କରୁଛି ଏବଂ ଟୀକା ନିମନ୍ତେ ଆସୁଥିବା ବ୍ୟକ୍ତି ଙ୍କୁ ପୁସିଂ କାର୍ଡ ଦେଇ ନିଜ ଟି.ଆର.ପି ବଢ଼ାଉଛି ବୋଲି ଗୁଣପୁର ନଗର ସଭାପତି ଶ୍ରୀ ଶ୍ରୀନିବାସ ସ୍ୱାଇଁ ମତ ପ୍ରକାଶ କରିଛନ୍ତି ।