!!! ରାୟଗଡା ଜିଲ୍ଲାରୁ ଟାଉନ ପ୍ରତିନିଧି ପି॰ଦିଲ୍ଲୀପ କୁମାର ଙ୍କ ରିପୋର୍ଟ !!!
ଏଥର ସମ୍ଭାଳ (ରାୟଗଡା)- ରାୟଗଡା ଜିଲ୍ଲାକୁ ରାଜ୍ୟ ଯୋଜନାବୋର୍ଡର ଉପାଧ୍ୟକ୍ଷ ସଂଜୟ ଦାସବର୍ମା ଗସ୍ତ କରି ଵିଷମକଟକ ବ୍ଲକର ଡଙ୍ଗରିଆ ଜନଜାତିଙ୍କୁ ଟୀକାକରଣ ବିଶେଷ କରି 18 ରୁ 44 ବର୍ଷ ବୟସ୍କ ଡ଼ଙ୍ଗରିଆ ଯୁବକ ଯୁବତୀଙ୍କୁ କିପରି ଟୀକା ଦିଆଯାଇପାରିବ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ ବିଷମକଟକର ଚାଟିକଣାଠାରେ ପହଞ୍ଚି ଡଙ୍ଗରିଆଙ୍କ ମାଇକ୍ରୋ ପ୍ରୋଜେକ୍ଟ ଅଞ୍ଚଳ ଗସ୍ତ କରି ଡଙ୍ଗରିଆଙ୍କ ପାଇଁ ଥିବା ବିଭିନ୍ନ ଯୋଜନାର କାର୍ଯ୍ୟକାରିତାର ସ୍ଥିତି ସମୀକ୍ଷା କରିଥିଲେ।ଡଙ୍ଗରିଆଙ୍କ ପାହାଡ଼ ଉପରେ ବିଭିନ୍ନ ପନିପରିବା ଚାଷ ଯଥା ସପୁରି,କାଜୁ,ଆମ୍ବ,ଲିଚୁ ଏବଂ ଅନ୍ୟାନ୍ୟ ପନିପରିବା ଉପରେ ସେମାନଙ୍କୁ ସରକାରୀ ସହାୟତା କିଭଳି ମିଳିପାରିବ ଏବଂ ଡଙ୍ଗରିଆମାନେ କିଭଳି ସ୍ୱାବଲମ୍ବୀ ହୋଇପାରିବେ, ତା ଉପରେ ଜିଲ୍ଲାପଦାଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ।
ଏହି ଗସ୍ତ ସମୟରେ ଆଦିବାସୀ କଲ୍ୟାଣ ମନ୍ତ୍ରୀ ଜଗନ୍ନାଥ ସାରକା,ରାଜ୍ୟ ବିଜୁ ସ୍ୱାସ୍ଥ୍ୟ ଯୋଜନା ଅଧ୍ୟକ୍ଷ ସୁଧୀର ଦାସ,ଗୁଣୁପୁର ବିଧାୟକ ରଘୁନାଥ ଗମାଙ୍ଗ, ରାୟଗଡା ବିଧାୟକ ମକରନ୍ଦ ମୁଦୁଲି, ଜିଲ୍ଲାପାଳ ସରୋଜ କୁମାର ମିଶ୍ର,ଜିଲ୍ଲା ଆରକ୍ଷୀ ଅଧିକ୍ଷକ ବିବେକାନନ୍ଦ ଶର୍ମା,ଜିଲ୍ଲା ପ୍ରକଳ୍ପ ନିର୍ଦେଶକ ମହେଶ୍ୱର ନାୟକ,ଗୁଣୁପୁର ପ୍ରକଳ୍ପ ପ୍ରଶାସକ ଗୋରାଚାନ୍ଦ ଗମାଙ୍ଗ,ଚାଟିକଣା ଡିକେଡିଏର ପ୍ରୋଗ୍ରାମ ମେନେଜର ସୁଦର୍ଶନ ପାଢ଼ୀ, ଗୁଣୁପୁର ଉପଜିଲ୍ଲାପାଳ ଜେ ସୋନାଲ ପ୍ରମୁଖ ଜିଲ୍ଲାପଦାଧିକାର ଉପସ୍ଥିତ ଥିଲେ ।
