!!! ରାୟଗଡା ଜିଲ୍ଲାରୁ ଟାଉନ ପ୍ରତିନିଧି ପି॰ଦିଲ୍ଲୀପ କୁମାର ଙ୍କ ରିପୋର୍ଟ !!!
ଏଥର ସମ୍ଭାଳ (ରାୟଗଡା)- ରାୟଗଡା ଜିଲ୍ଲା ସଦରମହକୁମାର ବିଭିନ୍ନ ଟୀକାକରଣ କେନ୍ଦ୍ରରେ ଶାସକଦଳର ପ୍ରଚାରକୁ ନେଇ ଉତ୍ତେଜନା ପ୍ରକାଶ ପାଇଛି।ପ୍ରଧାନମନ୍ତ୍ରୀଙ୍କୁ ଅପମାନ କରିବା ଉଦ୍ଦେଶ୍ୟରେ ଟୀକାକରଣ କେନ୍ଦ୍ରରେ କେବଳ ମୁଖ୍ୟମନ୍ତ୍ରୀଙ୍କ ପୋଷ୍ଟର ମରାଯାଇଥିବା ଅଭିଯୋଗ କରିଛି ରାୟଗଡା ଜିଲ୍ଲା ବିଜେପି ଯୁବମୋର୍ଚ୍ଚା।ବିଜେପି ଯୁବମୋର୍ଚ୍ଚା ସଭାପତି ଦେବାଶିଷ ପଣ୍ଡାଙ୍କ ନେତୃତ୍ୱରେ ଆଜି କେନ୍ଦ୍ର ଅନୁଦାନରେ ମାଗଣା ଟୀକାରେ ରାଜ୍ୟ ସରକାରଙ୍କ ପ୍ରଚାର ଓ ପ୍ରସାର ଲିଫଲେଟ ଏବଂ ପୋଷ୍ଟରକୁ ଯୁବମୋର୍ଚ୍ଚା ଘୋର ବିରୋଧ କରିଛି।ତା ସହିତ ସହରର ମହିଳା କଲେଜ,ଶ୍ରୀରାମ ନଗର, ଜିସିଡି ଗ୍ରାଉଣ୍ଡ, ବ୍ରାହ୍ମଣ ସାହି,ଦୀପ୍ତି କନଭେଣ୍ଟ ସ୍କୁଲ ମାନଙ୍କରେ ଟୀକାକରଣ କେନ୍ଦ୍ରର ସତ୍ୟତା ଜାଣିବାକୁ ବିଜେପି ଯୁବ ମୋର୍ଚ୍ଚା ପକ୍ଷରୁଗସ୍ତ କରାଯାଇଥିଲା।
ଏହି ସମୟରେ ଟୀକାକରଣକୁ ନେଇ ରାଜନୀତି କରାନଯାଇ ସମସ୍ତେ ଯେପରି ଟୀକା ପାଇବେ ସେଥି ପାଇଁ ସମସ୍ତେ କାମ କରନ୍ତୁ।୧୪ ରୁ ୪୪ ବର୍ଷ ବୟସ୍କ ବ୍ୟକ୍ତି କିପରି ଟୀକା ଦିଆଯିବ ସେ ସମ୍ପର୍କରେ କେନ୍ଦ୍ର ସରକାରଙ୍କୁ ଅନୁରୋଧ କରାଯାଇଥିଲା ।ଏଭଳି ସମୟରେ ରାଜ୍ୟ ସରକାର ଦଳୀୟ ପ୍ରଚାର କରିବା ଠିକ ନୁହେଁ ବୋଲି ବିଜେପି ଯୁବ ମୋର୍ଚ୍ଚା ସଭାପତି ଦେବାଶିଷ ପଣ୍ଡା କହିଛନ୍ତି।ଏହି ଗସ୍ତ ସମୟରେ ଯୁବ ମୋର୍ଚ୍ଚା ସଭାପତି ଦେବାଶିଷ ପଣ୍ଡା,ମୋଇନା ଆଚାର୍ଯ୍ୟ,ଅଭିଷେକ ପାଣିଗ୍ରାହୀ,ପ୍ରତାପ ପୁଆଲା,ରାଜୁ ଗୁପ୍ତା, ଉମେଶ ଖୋସଲା ଓ କମଳ ପ୍ରମୁଖ ଉପସ୍ଥିତ ଥିଲେ।
