!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ (ବେଗୁନିଆପଡା)- ବେଗୁନିଆପଡା ବ୍ଲକ ଅନ୍ତର୍ଗତ କୁମ୍ଭାର ଗାଁ ପଂଚାୟତର କୁମ୍ଭାର ଗାଁ ର ପ୍ରଫୁଲ୍ଲ କୁମାର ସ୍ୱାଇଁ।ବୟସ ୪୦। ଦିନ ମଜୁରିଆ ଭାବେ ସେ କଷ୍ଟ କରି ପରିବାର ପ୍ରତିପୋଷଣ କରିବା ସହ ନିକଟରେ ଚେନାଇ ଯାଇଥିଲେ ଶ୍ରମିକ ଭାବେ କାମ କରିବାକୁ। କିନ୍ତୁ ଦୀର୍ଘଦିନ ହେବ ଅସୁସ୍ଥ ହେବା ପରେ ଓ ପେଟରେ ଯନ୍ତ୍ରଣା ଯୋଗୁଁ ସେ ଚିକିତ୍ସା ପାଇଁ ଭୁବନେଶ୍ୱର ଯାଇଥିଲେ।ଓ ସେଠାରେ ସେ ଅନ୍ତନଳୀ ଜନିତ କର୍କଟ ରୋଗର ଶିକାର ହେବା କଥା ଜାଣିବାକୁ ପାଇଥିଲେ। ଚିକିତ୍ସା ପାଇଁ ଅର୍ଥ ଅଭାବରୁ ସେ ଆୟୁର୍ବେଦ ଔଷଧ ର ସହାୟତା ନେବା ପରେ ରୋଗ ନ କମିବାରୁ ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତିହୋଇଥିଲେ।ଅର୍ଥ ଯାହାଥିଲା ତାହା ସରିଯିବା ପରେ ଘରେ ପତ୍ନୀ ମିନତୀ ତାଙ୍କର ଯାହା ସୁନା ଅଳଙ୍କାର ଥିଲା ତାହା ବିକ୍ରି କରି ସେହି ଅର୍ଥରେ ସ୍ୱାମୀଙ୍କ ଚିକିତ୍ସା କରି ସର୍ବସ୍ୱ।ନ୍ତ ହୋଇଯାଇଛନ୍ତି।ଘରେ ୭ ବର୍ଷର ପୁଅ ପ୍ରେମ ଓ ୫ ବର୍ଷର ପୁଅ ବିଷ୍ଣୁ। ଘରେ ଅର୍ଥର ଅଭାବ ସାଙ୍ଗକୁ ପ୍ରଫୁଲ୍ଲ ଉପରେ ନିର୍ଭର କରୁଥିବା ତାଙ୍କ ବାପା, ମା, ଜଣେ ଭାଇ ମଧ୍ୟ ଆଜି ବେସାହାରା। ଭାଇଙ୍କୁ ସାହାଯ୍ୟ କରିବାକୁ ଯାଇ ସାନ ଭାଇ ବାହାରକୁ ଯାଇ କାମ କରି ଦୁଇ ପଇସା ଆଣିବା ପାଇଁ ଚାହିଁଥିଲେ ବି କରୋନା କଟକଣା ଆଉ ଲକ ଡାଉନ ତାଙ୍କୁ ଘରେ ବସେଇ ଦେଇଛି। ମୃତ୍ୟୁ ସହ ସଂଗ୍ରାମ କରି ଶଯ୍ୟାଶାୟୀ ପ୍ରଫୁଲ୍ଲ ଙ୍କୁ ବଞ୍ଚେଇବା ପାଇଁ ପତ୍ନୀ ଓ ଦୁଇ ପୁଅ ତଥା ପରିବାର ପ୍ରଶାସନର ସହାୟତା ସହ ସ୍ବେଛାସେବୀ ଅନୁଷ୍ଠାନର ସହାୟତା ପାଇଁ ଆକୁଳ ନିବେଦନ କରିଛନ୍ତି। ଏହା ସହିତ ତାଙ୍କ ପରିବାରକୁ ସହାୟତା ପାଇଁ ମୋବାଇଲ ନମ୍ବର-୮୭୬୬୭୯୦୦୪୧ (ଫୋନ ପେ) ରେ ଯୋଗାଯୋଗ କରିବା ପାଇଁ ଅନୁରୋଧ କରିଛନ୍ତି।
