ନିଜ ପକ୍ଷଭୁକ୍ତ କରିବା ପାଇଁ ଗୁଣପୁର ବିଡ଼ିଓ ଆପଣେଇଛନ୍ତି ଦୁର୍ନୀତିର ରାସ୍ତା….!

!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ସିରିଝିଲି ଗ୍ରାମ ପଞ୍ଚାୟତ ରେ ରହିଥିବା କଇଠ ପଦର ପି.ଡ଼ବ୍ଲ୍ୟୁ.ଡି ରାସ୍ତା ଠାରୁ ସମିତି ସଭ୍ୟ ଙ୍କ ବାସସ୍ଥଳୀ ପର୍ଯ୍ୟନ୍ତ ନିର୍ମିତ ରାସ୍ତା କୁ ନେଇ କଥା ଉଠିଛି । ରାଜ୍ୟ ସରକାରଙ୍କ ପକ୍ଷରୁ ଜନସଧାରଣ ଙ୍କ ସୁବିଧା ନିମନ୍ତେ ବିଭିନ୍ନ ଯୋଜନା ପ୍ରସ୍ତୁତ କରି ଏହାକୁ କାର୍ଯ୍ୟକାରୀ କରିବା ଦିଗରେ ପ୍ରୟାସ କରୁଛନ୍ତି ।ପରନ୍ତୁ ଅନେକ ସ୍ଥାନରେ ତୃଣମୂଳ ସ୍ଥଳରେ ଏହାକୁ କାର୍ଯ୍ୟକାରୀ କରିବାରେ ସ୍ଥାନୀୟ ଅଧିକାରୀ ଙ୍କ ପାତର ଅନ୍ତର ନୀତି ସଧାରଣ ରେ ଅସନ୍ତୋଷ ବ୍ୟକ୍ତ କରୁଛି । ପଞ୍ଚାୟତ ସମିତି ଅଧିନସ୍ତ ଅନେକ ଗ୍ରାମକୁ ରାସ୍ତାଟିଏର ସୁବିଧା ନଥିବା ବେଳେ ସମିତି ସଭ୍ୟଙ୍କ ଗୋଟିଏ ଘରକୁ ଯିବା ନିମନ୍ତେ ଗୁଣପୁର ପଞ୍ଚାୟତ ସମିତି ଖର୍ଚ୍ଚ କରିଛି ଦୁଇ ଲକ୍ଷ ରୁ ଅଧିକ ଟଙ୍କା । କେବଳ ସରକାରୀ ଜମିରେ କିମ୍ବା ସରକାରଙ୍କ ପକ୍ଷରୁ ଅଧିଗ୍ରହଣ କରାଯାଇଥିବା ଜମି ଉପରେ ନିର୍ମାଣ କାର୍ଯ୍ୟ ସମ୍ପାଦନ କରିବା ବିଧେୟ ରହିଥିବା କୁହା ଯାଉଥିବା ବେଳେ ବିଡ଼ିଓ ମହୋଦୟା ସମିତି ସଦସ୍ୟ ଙ୍କୁ ସୁହାଇବା ନିମନ୍ତେ ଗ୍ରାମର ବେସରକାରୀ ଜମି ଉପରେ ରାସ୍ତା ନିର୍ମାଣ କରିଥିବା ଅଭିଯୋଗ ହୋଇଛି । ରାସ୍ତା କାର୍ଯ୍ୟ ନିକଟରେ ଲଗାଯାଇଥିବା କାର୍ଯ୍ୟସୂଚୀ ଫଳକରେ ଏହାର ଦୈର୍ଘ୍ୟ ସୁଚା ଯାଇନଥିବା ଓ ଏହି ରାସ୍ତାଟି ଖାତା ନମ୍ବର 68/76 ଓ ପ୍ଲଟ ନମ୍ବର 337
ଗେଦେଲି ପାତିକା ଙ୍କ ନାମରେ ଏବଂ ଖାତା ନମ୍ବର 9 ଓ ପ୍ଲଟ ନମ୍ବର 336 ଗେଦେଲି ଗଙ୍ଗା ଙ୍କ ନାମରେ ରହିଥିବା ଜାଗାରେ ନିର୍ମାଣ କରାଯାଇଥିବା ଅଭିଯୋଗ ହୋଇଛି ।

ଉକ୍ତ ଜମିର ମାଲିକ ମଧ୍ୟ ଏହାକୁ ନେଇ ବିରୋଧ କରିଥିବା ସୂଚନା ମିଳିଛି । ଗୁଣପୁର ବିଡ଼ିଓ ଶାନ୍ତି ପ୍ରଭା ପ୍ରଧାନ ଙ୍କ ମନମୁଖୀ କାର୍ଯ୍ୟ କଳାପ ଵିରୁଦ୍ଧ ରେ ସରପଞ୍ଚ ଓ ସମିତି ସଭ୍ୟମାନେ ସମୂହ ଦସ୍ତଖତ କରି ଉପରିସ୍ଥ ଅଧିକାରୀଙ୍କୁ ଜଣା କରିଥିଲେ । ଏହି ଅଭିଯୋଗ ପତ୍ରରେ ସିରିଝୋଲି ଗ୍ରାମ ପଞ୍ଚାୟତ ର ସମିତି ସଦସ୍ୟ ମୀନା ରାଓ ମଧ୍ୟ ଦସ୍ତଖତ କରିଥିବାରୁ ତାଙ୍କୁ ନିଜ ପକ୍ଷ ଭୁକ୍ତ କରିବା ନିମନ୍ତେ ୨୦୧୭-୨୦୧୮ ମସିହାରୁ ପଡିରହିଥିବା କାର୍ଯ୍ୟ କୁ ଦେଇ ଥିବା ଅଭିଯୋଗ ହୋଇଛି । ବିଡ଼ିଓ ମହୋଦୟା ଙ୍କ ବିରୁଦ୍ଧରେ ତଦନ୍ତ ଆରମ୍ଭ ହେବା ପୂର୍ବରୁ କିଛି ସରପଞ୍ଚ ଓ ସମିତି ସଦସ୍ୟ ଙ୍କୁ ତାଙ୍କ ସପକ୍ଷ ଭୁକ୍ତ କରିବା ନିମନ୍ତେ ସେ ଗ୍ରହଣ କରିଥିବା ପଦକ୍ଷେପର ଏହା ନମୁନା ବୋଲି ମତ ପ୍ରକାଶ ପାଇଛି । ଅନୁସନ୍ଧାନ କରାଗଲେ ଏମିତି ଅନେକ ଉଦାହରଣ ସାମ୍ନାକୁ ଆସିବ ବୋଲି ଜଣାପଡିଛି । ଗୁଣପୁର ସମିତି କାର୍ଯ୍ୟାଳୟ ପକ୍ଷରୁ କରାଯାଇଥିବା ଏଭଳି ଦୁର୍ନୀତି ର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ଦାବୀ ହେଉଛି ।