!!! ଗଞ୍ଜାମ୍ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ବେଗୁନିଆପଡା) – ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ରାହାଡ଼ା ସେକ୍ଟର ତାଳସର କେନ୍ଦ୍ର ର କାର୍ଯ୍ୟରତ ଏ ଏନ୍ ଏମ୍ ରାଜ୍ କୁମାରୀ ପାତ୍ର ଙ୍କ ଅଜବ ନୀତି, ଗର୍ଭବତୀ ମହିଳା ଙ୍କ ମମତା କାର୍ଡ ପ୍ରଦାନ କରିବା ପାଇଁ ୨୦୦ – ୩୦୦ ଟଙ୍କା ହାତ ଗୁଞ୍ଜା ମାଗୁଛନ୍ତି ଏଥି ସହିତ ମଧ୍ଯ ପ୍ରଥମ ଥର ଟୀକାକରଣ ନିମନ୍ତେ ୧୦୦ ଟଙ୍କା ମାଗୁଛନ୍ତି । ଏକଥା ଆମେ କହୁନୁ କହୁଛନ୍ତି ତାଳସର ପଞ୍ଚାୟତ ହଂସତୁଳି ଗ୍ରାମର କିଛି ସ୍ଥାନୀୟ ବାସିନ୍ଦା । ସରକାର ଗର୍ଭବତୀ ମହିଳା ଙ୍କ ସୁବିଧା ନିମନ୍ତେ ବିଭିନ୍ନ ଯୋଜନା ହାତକୁ ନେଉଥିବା ବେଳେ କିଛି ଅସାଧୁ ସରକାରୀ କର୍ମଚାରୀ ଏହାର ଅପ ବ୍ୟବହାର କରୁଥିବା ଦେଖିବାକୁ ମିଳିଛି ।ଏଥିସହିତ ସରକାର ବିଭିନ୍ନ କାର୍ଯ୍ୟାଳୟ ରେ ଲାଞ୍ଚ କାରବାର ବନ୍ଦ ର ଡିଣ୍ଡିମ ପିଟୁଥିବା ବେଳେ ଖୋଲା ଖୋଲି କିଛି ସରକାରୀ କର୍ମଚାରୀ ଓ ଅଧିକାରୀ ଏହି ନିୟମକୁ ଫୁ କରି ଉଡ଼ାଇ ଖୁଲମ୍ ଖୁଲା ଲାଞ୍ଚ କାରବାର କରୁଛନ୍ତି । ଏହାର ଜ୍ୱଳନ୍ତ ଉଦାହରଣ ହେଲା ଏହି ଏ ଏନ୍ ଏମ୍ କର୍ମୀ ଙ୍କ କାର୍ଯ୍ୟକଳାପ ।
ସ୍ଥାନୀୟ ବାସିନ୍ଦା ଙ୍କ କହିବା ମୁତାବକ ଏହି ଏ ଏନ୍ ଏମ୍ ଜଣ ଙ୍କ ବିନା ଲାଞ୍ଚ ରେ କୌଣସି କାମ କରନ୍ତି ନାହିଁ, ମମତା କାର୍ଡ ନିମନ୍ତେ ୨୦୦-୩୦୦ ଟଙ୍କା ଏବଂ ପ୍ରଥମ ଥର ଟୀକାକରଣ ନିମନ୍ତେ ୧୦୦ ଟଙ୍କା ଲାଞ୍ଚ ମାଗନ୍ତି ଯିଏ ଲାଞ୍ଚ ଦେଲା ତା କାମ ଶୀଘ୍ର କରନ୍ତି ଏବଂ ଯିଏ ଲାଞ୍ଚ ନ ଦେଲା ତା କାମରେ ବିଳମ୍ବ କରିବା ସହିତ ବାରମ୍ବାର ଦୌଡଉଥାନ୍ତି। ଆଗାମୀ ଦିନରେ ଏଥିପ୍ରତି କେଉଁଭଳି ପଦକ୍ଷେପ ଗ୍ରହଣ କରାଯାଉଛି ଓ ଏଥିସହ ଜିଲ୍ଲା ପ୍ରଶାସନ ସମେତ ମେଡିକାଲ ଅଫିସର କଣ କାର୍ଯାନୁଷ୍ଠାନ ଗ୍ରହଣ କରୁଛନ୍ତି ତାହା ଦେଖିବାକୁ ବାକି ରହିଲା। ଏ ନେଇ ଏ ଏନ୍ ଏମ୍ ଜଣ ଙ୍କ ଆମ କ୍ୟାମେରା ସାମ୍ନାରେ କିଛି କହିବେ ନାହିଁ ବୋଲି ରୋକ୍ ଠୋକ୍ ମନା କଲେ । ଏ ନେଇ ମେଡିକାଲ୍ ଅଫିସର ଙ୍କ ସହ ଫୋନ୍ ଯୋଗେ ଯୋଗାଯୋଗ କରିବା ପାଇଁ ଚେଷ୍ଟା କରିଥିଲେ ମଧ୍ଯ ତାହା ସମ୍ଭବପର ହୋଇନଥିଲା ।
