!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ(ଗୁଣପୁର) – ଘଟଣା ଦୁର୍ଘଟଣା ଓ ରୋଗରୁ ମୁକ୍ତ ପାଇବା ନିମନ୍ତେ ଗ୍ରହପୂଜା ,ହୋମ ଆଉ ପୂଜାର୍ଚ୍ଚନା କରାଯିବା ହିନ୍ଦୁ ଧର୍ମର ପରମ୍ପରା ରହିଛି । ବର୍ତ୍ତମାନ ସାରା ବିଶ୍ୱରେ ଦେଖା ଦେଇଥିବା କରୋନା ସଂକ୍ରମଣର ଭୟ ଜନଜୀବନ କୁ ଅତବ୍ୟସ୍ତ କରୁଥବା ରୁ ଏବେ ସମସ୍ତେ ଭଗବାନଙ୍କ ଆଶ୍ରିତ । ଏହି ପରିପ୍ରେକ୍ଷୀରେ ରାୟଗଡା ଜିଲ୍ଲା ଗୁଣପୁର ଠାରେ ବ୍ରାହ୍ମଣ ସମାଜ ସ୍ଥାନୀୟ ବିଭିନ୍ନ ମନ୍ଦିରରେ ପୂଜାର୍ଚ୍ଚନା କରାଯିବା କାର୍ଯ୍ୟକ୍ରମ ହାତକୁ ନେଇଛି ।ଏହିକ୍ରମରେ ବ୍ରହ୍ମଣ ସମାଜର କିଛି ସ୍ବେଚ୍ଛାସେବୀ ଙ୍କ ତ୍ୱବାଧାନରେ ମନ୍ଦିର ମାନଙ୍କରେ ପୂଜାର୍ଚ୍ଚନା ଓ ହୋମ କରାଯାଇଛି । ପବିତ୍ର ଅକ୍ଷୟ ତୃତୀୟା ଠାରୁ ଏହି କାର୍ଯ୍ୟ କ୍ରମ ଆରମ୍ଭ ହୋଇଛି । ଏହା ଆଗକୁ ମଧ୍ୟ ଚାଲୁ ରହିବ ବୋଲି ସଦସ୍ୟ ଡ଼ଃ .ପ୍ରଶାନ୍ତ କୁମାର ହୋତା ସୂଚନା ଦେଛନ୍ତି ।
ଅକ୍ଷୟ ତୃତୀୟା ଦିନ ବିକ୍ରମପୁର ସ୍ଥିତ ଅଦ୍ୱୈତ ବେଦାନ୍ତ ଆଶ୍ରମ ଠାରେ ବ୍ରହ୍ମଚାରୀ ନଳନୀ ମହାନ୍ତି ଓ ଗଣେଶ ମହାନ୍ତିଙ୍କ ତତ୍ୱାବଧାନ ରେ ପୂଜାର୍ଚ୍ଚନା ଓ ହୋମ ଅନୁଷ୍ଠିତ ହୋଇଥିବାବେଳେ ଶ୍ରୀ ଜଗନ୍ନାଥ ମନ୍ଦିରରେ ତ୍ରିପତି ମହାନ୍ତି ଓ ଅଧ୍ୟାପକ ସୂର୍ଯ୍ୟ ନାରାୟଣ ପଣ୍ଡାଙ୍କ ତତ୍ୱାବଧାନରେ, ଏମ୍. ଆଇ ଅଫିସ ନିକଟସ୍ଥ ହନୁମାନ ମନ୍ଦିର ଠାରେ ମୀନ ମହାପାତ୍ର ଓ ବଳରାମ ପଣ୍ଡାଙ୍କ ତତ୍ୱାବଧାନରେ ଏବଂ ମଦନ ମୋହନ ମନ୍ଦିର ଠରେ ଜ୍ଞାନ ନିଷଙ୍କ ଙ୍କ ତତ୍ୱାବଧାନ ରେ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆଗାମୀ ଦିନରେ ଦୁର୍ଗା ପାଣିଗ୍ରାହୀ ଓ କମଳା କାନ୍ତ ଙ୍କ ତତ୍ୱାବଧାନରେ ସେଫଳି ପାହାଡ଼ ଶିବ ମନ୍ଦିରର ଏବଂ ଶ୍ରୀ ରାମେଶ୍ୱର ବାଘୁଆ ଦେଉଳ ଶିବ ମନ୍ଦିରରେ ଇନ୍ଦ୍ରାକ୍ଷୀ ଦାସଙ୍କ ତତ୍ୱାବଧାନରେ ହୋମାଦି ପୂଜାକର୍ମ ଅନୁଷ୍ଠିତ ହେବାର ଯୋଜନା ରହିଛି । ବ୍ରାହ୍ମଣ ସମାଜର ଏଭଳି ପ୍ରୟାସକୁ ସାଧାରଣରେ ଭୂୟସୀ ପ୍ରଶଂସା କରାଯାଇଛି ।
