ଶ୍ରୀଜୀଉ ଙ୍କ ରଥ ନିର୍ମାଣ ପାଇଁ ଅକ୍ଷୟ ତୃତୀୟା ରେ ପୂଜନ ହେଲା ରଥ କାଠ ..!
!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ହିନ୍ଦୁ ଧର୍ମ ନୀତି ଅନୁସାରେ ବୈଶାଖ ମାସ ଶୁକ୍ଳପକ୍ଷ ତୃତୀୟ ତିଥି କୁ ଅକ୍ଷୟ ତୃତୀୟା ବୋଲି କୁହାଯାଇଥାଏ। ଏହି ପବିତ୍ର ଦିନଟି ହିନ୍ଦୁ ଧର୍ମ ରେ ବହୁତ ମହତ୍ତ୍ଵ ରହିଛି। ଗ୍ରହ ଚକ୍ର ଅନୁସାରେ ଏହି ଦିନଟି ଅତ୍ୟନ୍ତ ଶୁଭ ଦାୟକ। ଏଣୁ କୌଣସି ଶୁଭ କାର୍ଯ୍ୟ କରିବା ନିମନ୍ତେ ଏହି ଦିନ ପାଇଁ ପାଞ୍ଜି ଦେଖିବାର ଆବଶ୍ୟକତା ପଡ଼ିନଥାଏ। ଏହାକୁ ଆଧାର କରି ଶ୍ରୀଜୀଉ ଙ୍କ ରଥ ଯାତ୍ରା ନିମନ୍ତେ ତିଆରି କରାଯାଇଥିବା ରଥ ଗୁଡିକର ନିର୍ମାଣ ପାଇଁ ଆବଶ୍ୟକ କାଠ କାମର ଶୁଭାରମ୍ଭ କରାଇଥାଏ।
ଏହି ପରିପ୍ରେକ୍ଷୀରେ ଗୁଣପୁର ଠାରେ ଦେବୋତ୍ତର ବିଭାଗ ଅଧିକାରୀ ଶ୍ରୀ ଶରତ ଚନ୍ଦ୍ର ନାୟକ ଶ୍ରୀଜୀଉ ଙ୍କ ଦୁଇଟି ମନ୍ଦିର ନିମନ୍ତେ ନିର୍ମିତ ହେବାକୁ ଥିବା ରଥ କାଠ କୁ ପୂଜାର୍ଚ୍ଚନା କରି ରଥ କାମର ଶୁଭାରମ୍ଭ କରିଛନ୍ତି। ଗତକାଲି ଦେବୋତ୍ତର ବିଭାଗ ର ଅଧିକାରୀ ଭାବେ ଦାୟିତ୍ଵ ଗ୍ରହଣ କରିଥିବା ନବ ନିଯୁକ୍ତ ତହସିଲଦାର ଆଜି ପ୍ରଭୁଙ୍କ ରଥ ନିର୍ମାଣ ପାଇଁ ଶୁଭ ଅନୁକୂଳ କରିଥିବାରୁ ଶ୍ରୀ ନାୟକ ଙ୍କ ଆଗାମୀ ଦିନର ସମସ୍ତ କାର୍ଯ୍ୟ ଶୁଭପ୍ରଦ ହେଉ ବୋଲି ଉପସ୍ଥିତ ମନ୍ଦିର ପରିଚାଳନା କମିଟିର ସଦସ୍ୟ ଶୁଭ ମନାସୀଛନ୍ତି। ଏହି ଶୁଭ ପୂଜାର୍ଚ୍ଚନା ରେ ସ୍ଥାନୀୟ ଅତିରିକ୍ତ ତହସିଲଦାର ଶ୍ରୀ କପିଳେଶ୍ଵର ତାଣ୍ଡି ଙ୍କ ସହଯୋଗ ସାଧାରଣ ରେ ପ୍ରଶଂସିତ ହୋଇଛି।