ଏଥର ସମ୍ଭାଳ ବ୍ୟୁରୋ (ଦିଲ୍ଲୀ) : ବିଦେଶରେ ନୁହେଁ ଭାରତରେ ହିଁ ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ) ଖେଳାଯିବା ନେଇ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ମଙ୍ଗଳବାର ଘୋଷଣା କରିଛନ୍ତି। ମାର୍ଚ୍ଚ ୨୩ରୁ ଆଇପିଏଲ ସଂସ୍କରଣ-୧୨ର ଆରମ୍ଭ କରାଯିବ। ସୁପ୍ରିମକୋର୍ଟ ଦ୍ୱାରା ନିଯୁକ୍ତ କରାଯାଇଥିବା ସିଓଏ ସମିତି ଏହି ନିଷ୍ପତ୍ତି ନେଇଛନ୍ତି।
ଆଇପିଏଲ ଖେଳାଯିବାକୁ ଥିବା ସମସ୍ତ ରାଜ୍ୟରେ କଥାବାର୍ତ୍ତା କରାଯିବା ପରେ ଭାରତରେ ଖେଳା ଯିବାକୁ ନିଷ୍ପତ୍ତି ନିଆଯାଇଛି।
ପୂର୍ବରୁ ଆଇପିଏଲ-୧୨କୁ ଭାରତରେ ଖେଳା ନ ଯିବା ପାଇଁ ଆଲୋଚନା କରାଯାଉଥିଲା। ସାଧାରଣ ନର୍ବାଚନକୁ ଦୃଷ୍ଟିରେ ରଖି ଅନ୍ୟ ଦେଶରେ ଖେଳାଯିବା ନେଇ ଆଂଶକା କରାଯାଉଥିଲା। କିନ୍ତୁ ବିସିସିଆଇ ଏଥିରେ ପୁର୍ଣ୍ଣଛେଦ ପକାଇଛନ୍ତି।
୨୦୧୯ ଆସିସିଆଇ ବିଶ୍ୱକପ ଖେଳାଯିବ। ଯାହାକୁ ନେଇ ଆଇପିଏଲ ବିଦେଶରେ ଖେଳାଯିବ କି ନାହିଁ ଆଲୋଚନା କରାଯାଇଥିଲା। ମେ ୩୦ରୁ ଜୁଲାଇ ୧୪ ତାରିଖ ପର୍ଯ୍ୟନ୍ତ ଇଂଲଣ୍ଡରେ ଆୟୋଜନ କରାଯିବ। ଲୋଧା ସମିତି ଅନୁସାରେ ଆଇପିଏଲ ଏବଂ କୌଣସି ଆନ୍ତର୍ଜାତିକ ଖେଳ ମଧ୍ୟରେ ୧୫ ଦିନ ବିଶ୍ରାମ ନେବା ଦରକାର। ତେଣୁ ଆଇପିଏଲ ଅପ୍ରିଲ ପ୍ରଥମ ସପ୍ତାହରୁ ଆରମ୍ଭ ହୋଇ ମେ ମାସ ଶେଷ ସୁଦ୍ଧା ସମାପ୍ତ ହେବ। ସୂଚନାଯୋଗ୍ୟ ପୂର୍ବରୁ ଲୋକସଭା ନିର୍ବାଚନ ପାଇଁ ଆଇପିଏଲ ମ୍ୟାଚ ବିଦେଶରେ ହୋଇଥିଲା। ୨୦୦୯ରେ ଦକ୍ଷିଣଆଫ୍ରିକା ଓ ୨୦୧୪ରେ ୟୁଏଇରେ ଖେଳାଯାଇଥିଲା।
