!!! ରାୟଗଡ଼ା ଜିଲ୍ଲା ମୁନିଗୁଡା ରୁ ସୁକାନ୍ତ ବେହେରା ଙ୍କ ରିପୋର୍ଟ !!!
ଏଥର ସମ୍ଭାଳ (ମୁନିଗୁଡା) – କରୋନା ମହାମାରୀରୁ ଜନସାଧାରଣଙ୍କୁ ସୁରକ୍ଷା ଯୋଗାଇବା ପାଇଁ ସରକାରଙ୍କର ବହୁବିଧ ପଦକ୍ଷେପ ନେଇ କରୋନା ଟୀକା ଯୋଗାଇ ଦିଆଯାଇଛି। ହେଲେ ପର୍ଯାପ୍ତ ପରିମାଣର ଟିକା ଆସୁ ନଥିବାରୁ ଅଧିକାଙ୍ସ ଲୋକେ ଟିକା ନେବାରୁ ବଞ୍ଚିତ ହୋଇଥିବା ଵେଳେ ପ୍ରଥମ ଡୋଜ ନେଇଥିବା ଵ୍ୟକ୍ତିଙ୍କ ପାଇଁ ଦ୍ଵିତୀୟ ଡୋଜ ଟିକା ଯଥେଷ୍ଟ ନ ଥିବାରୁ ଶହ ଶହ ସଂଖ୍ୟାରେ ଲୋକ ଟିକା ନ ନେଇ ଫେରିଯାଇଥିବା ରାୟଗଡା ଜିଲ୍ଲା ମୁନିଗୁଡା ସଦରମହକୁମା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଆଜି ଦେଖିବାକୁ ମିଳିଥିଲା।
ବିବରଣୀରୁ ଜଣାଯାଏ ମୁନିଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଵହୁଲୋକ ପ୍ରଥମ ଡୋଜ କରୋନା ଟିକା ନେଇଥିଲେ। ଦ୍ଵିତୀୟ ଡୋଜ ଟିକା ନେବାପାଇଁ ଉପଯୁକ୍ତ ସମୟ ସୀମା ହୋଇଥିଲେ ମଧ୍ୟ ଭ୍ୟାକ୍ସିନ ନଥିବାରୁ ଠିକ୍ ସମୟରେ ଟିକା ଦିଆଯାଇପାରିନଥିଲା। ହେଲେ ଗତକାଲି ଭ୍ୟାକ୍ସିନ ଆସିବା ଖବର ମିଳିଯିବା ପରେ ଆଜି ସକାଳୁ ଟିକା ନେବାପାଇଁ ଲୋକଙ୍କ ଭିଡ ହେବାସହ ଟିକାକରଣ ରୁମ୍ ଠାରୁ ମୁନିଗୁଡା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଗେଟ୍ ପର୍ଯ୍ୟନ୍ତ ଖରାକୁ ଖାତିରି ନକରି ଲମ୍ଵା ଲାଇନ ଲାଗିଥିବା ଦେଖିବାକୁ ମିଳିଥିଲା।
କିନ୍ତୁ ସରକାର ଯୋଗାଇଥିବା ଟିକା ସମସ୍ତଙ୍କ ପାଇଁ ସମ୍ଭବ ନଥିଲା। କେଵଳ ଏକଶହ ପଚାଶ ଜଣଙ୍କ ପାଇଁ ଟିକା ଗଛିତ ଥିଲା, ସେତିକି ଲୋକଙ୍କୁ ହିଁ ଟିକା ଦିଆଯାଇଥିଲା। ଅଧାରୁ ଅଧିକ ଲୋକ ଟିକା ଅଭାବରୁ ନେଇ ପାରିନାହାନ୍ତି। ସେମାନଙ୍କୁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ତରଫରୁ ଚିଠା ଦିଆଯାଇଛି ଅପେକ୍ଷା କରିବାକୁ, ପରବର୍ତ୍ତୀ ସମୟରେ ଭ୍ୟାକ୍ସିନ ଆସିଲେ ନୋଟିସ୍ କରି ଡକାଇ ଟିକାଦେବାର ବ୍ୟବସ୍ଥା କରାଯିବ ଵୋଲି ମେଡିକାଲ ଅଧିକାରୀଙ୍କ ଠାରୁ ପ୍ରକାଶ। ସବୁ ବର୍ଗର ଲୋକେ ଚାତକ ପରି ଚାହିଁ ବସିଛନ୍ତି ଟିକା ନେବାପାଇଁ ଏ ଘଡିସନ୍ଧୀ ସମୟରେ ସରକାର ଯଥେଷ୍ଟ ପରିମାଣର ଭ୍ୟାକ୍ସିନ ଯୋଗାଇ ଦେଲେ ଲୋକମାନେ ଉପକୃତ ହୋଇପାରିବେ ବୋଲି ବରିଷ୍ଠ ନାଗରିକ ମଞ୍ଚ ଓ ଅଵସର ପ୍ରାପ୍ତ କର୍ମଚାରୀ ସଂଘ, ଵୁଦ୍ଧିଜୀଵି ମହଲରେ ଦାବି କରିଛନ୍ତି।