!!! ରାୟଗଡ଼ା ଜିଲ୍ଲା ରୁ ଟାଉନ ପ୍ରତିନିଧି ପି.ଦିଲ୍ଲିପ କୁମାର ଙ୍କ ରିପୋର୍ଟ !!!
ଏଥର ସମ୍ଭାଳ (ରାୟଗଡା) – କାଶିପୁରରେ ବୃଦ୍ଧି ପାଉଥିବା କୋଭିଡ ସଂକ୍ରମଣକୁ ରୋକିବା ପାଇଁ ରାଜ୍ୟ ସରକାର ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ଗ୍ରହଣ କରିଛନ୍ତି। ଆଜିଠାରୁ ୧୯ତାରିଖ ପର୍ଯ୍ୟନ୍ତ ସାରା ରାଜ୍ୟ ଲକଡାଉନରେ ରହିବ। ସେହି କ୍ରମରେ ରାୟଗଡ଼ା ଜିଲ୍ଲାର କାଶିପୁର ବ୍ଲକରେ ପ୍ରଥମ ଦିନ ଲକଡାଉନର ଚିତ୍ର ସାମ୍ନାକୁ ଆସିଛି। ବ୍ଲକବାସୀ କୋଭିଡ୍ ଗାଇଡ ଲାଇନକୁ ପରିପାଳନ କରିଛନ୍ତି। ସକାଳ ୧୨ଘଣ୍ଟା ପରେ ଦୋକାନ ବଜାର ସମ୍ପୂର୍ଣ୍ଣ ବନ୍ଦ ଥିବା ଦେଖିବାକୁ ମିଳିଛି। ମୁଖ୍ୟତଃ ଉତ୍କଳ ଆଲୁମିନାରେ କର୍ଯ୍ୟରତ ଥିବା ଶ୍ରମିକ ଓ କର୍ମଚାରୀ ମାନଙ୍କୁ ଛାଡ଼ି ଦେଲେ ସବୁ ବନ୍ଦ ଥିବା ଦେଖିବାକୁ ମିଳିଛି। ଦୋରାଗୁଡ଼ା ପୋଲିସ ପ୍ରଶାସନ ପକ୍ଷରୁ ଶାନ୍ତି ଶୃଙ୍ଖଳା ରକ୍ଷା କରାଯାଇଛି।
ଅନୁମତି ପ୍ରାପ୍ତ ଯାନବାହାନ ଛଡ଼ା ଅନ୍ୟ ଗାଡ଼ି ମାନଙ୍କ ଠାରୁ ଫାଇନ କଟା ଯାଇ ଆଗକୁ ଏହାର ବ୍ୟତିକ୍ରମ ନ କରିବାକୁ ଚେତାବନୀ ଦିଆଯାଇଛି। ସବୁ ଦିନ ସକାଳ ୬ ରୁ ୧୨ ଟା ପର୍ଯ୍ୟନ୍ତ ସମସ୍ତ ଆବଶ୍ୟକୀୟ ଦୋକାନ ବଜାର ଖୋଲିବ, ଏଣୁ ଭିଡ଼ ନଜମାଇ ସମସ୍ତେ ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ଦୋରଗୁଡ଼ା ଥାନା ଭାରପ୍ରାପ୍ତ ଅଧିକାରୀ କୃଷ୍ଣ ଚନ୍ଦ୍ର ଭତ୍ରା ଲୋକଙ୍କୁ ପରାମର୍ଶ ଦେଇଥିଲେ। ଜନସାଧାରଣ ଭୟଭୀତ ନ ହେବାକୁ ସେ ପରାମର୍ଶ ଦେଇଛନ୍ତି। ଆଜି ଦିନ ୧୨ଟା ପରେ କିଛି ଅମାନିଆଙ୍କୁ ତାଗିଦ କରିଥିଲେ ପୋଲିସ ପ୍ରଶାସନ। ଏଥିରେ ଦୋରାଗୁଡା ଥାନାଧିକାରୀଙ୍କ ସମେତ ଥାନାର ବାବୁଲା ସାମଲ, ବି ଆର ଦାସ, ଡି ଖିଲ ଙ୍କ ସମେତ ଅନ୍ୟମାନେ ନିୟୋଜିତ ରହିଥିଲେ।