ଫେବୃଆରୀ ୬ ରେ ଦେଶବ୍ୟାପୀ ଚକା ଜାମ କରିବେ ଚାଷୀ..!
ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) –କୃଷି ଆଇନକୁ ବିରୋଧ କରି ଦୀର୍ଘ ୨ ମାସରୁ ଅଧିକ ଦିନ ହେଲା ଆନ୍ଦୋଳନ କରୁଥିବା ସଂଯୁକ୍ତ କିଷାନ ମୋର୍ଚ୍ଚା ଏହାକୁ ଆହୁରି ତୀବ୍ର କରିବାକୁ ନିଷ୍ପତ୍ତି ନେଇଛି। ଏଥିପାଇଁ କିଷାନ ମୋର୍ଚ୍ଚା ତରଫରୁ ଆସନ୍ତା ୬ ତାରିଖରେ ସମଗ୍ର ଭାରତରେ ଚକା ଜାମ ଆନ୍ଦୋଳନ ଡାକରା ଦିଆଯାଇଛି। ଚକା ଜମା ଅର୍ଥ ରାସ୍ତାରେ କୌଣସି ଗାଡ଼ି ଗଡ଼ିବ ନାହିଁ। ଦିନ ୧୨ଟାରୁ ଅପରାହ୍ନ ୩ଟା ଯାଏ ଦେଶର ସବୁଆଡ଼େ ଚାଷୀମାନେ ଆନ୍ଦୋଳନ କରି ଚକା ଜାମ କରିବେ ମୋର୍ଚ୍ଚ ପକ୍ଷରୁ ଘୋଷଣା କରାଯାଇଛି। ଏହି ସମୟରେ ଜାତୀୟ ରାଜପଥ ଓ ରାଜ୍ୟ ରାଜପଥକୁ ଚରଷୀମାନେ ଅବରୋଧ କରିବେ ବୋଲି ସ୍ୱରାଜ ଇଣ୍ଡିଆ ମୁଖ୍ୟ ଯୋଗେନ୍ଦ୍ର ଯାଦବ କହିଛନ୍ତି। ଜାନୁଆରୀ ୨୬ରେ ଚାଷୀଙ୍କ ପକ୍ଷରୁ କୃଷି ଆଇନକୁ ବିରୋଧ କରି ଟ୍ରାକ୍ଟର ରାଲି କରିଥିଲେ। ଏହି ସମୟରେ ବ୍ୟାପକ ହିଂସାକାଣ୍ଡ ଘଟିଥିଲା। ଏହାକୁ ଦୃଷ୍ଟିରେ ରଖି ଆଜି ଚାଷୀମାନେ ନିଜର ସଂସଦ ଘେରାଉ ଅଭିଯାନକୁ ବନ୍ଦ ରଖିଥିଲେ। କିନ୍ତୁ ଆଜି ସେମାନେ ୬ ତାରିଖରେ ଚକା ଜାମ ଆନ୍ଦୋଳନ କରିବେ ବୋଲି ଘୋଷଣା କରାଯାଇଛି।