!!! ଗଜପତି ଜିଲ୍ଲା ପାରଳାଖେମୁଣ୍ଡି ରୁ ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ !!!
ଏଥର ସମ୍ଭାଳ(ପାରଳାଖେମୁଣ୍ଡି )-ଜାତୀୟ କନ୍ୟା ସନ୍ତାନ ସପ୍ତାହ ପାଳନ ଅବସରରେ ପାରଳାଖେମୁଣ୍ଡି ସ୍ଥିତ ବଡ଼ ବ୍ରାହ୍ମଣ ସାହିରେ “ଆକାଂକ୍ଷା” ମହିଳା ସଂଗଠନ ତରଫରୁ ଜାତୀୟ କନ୍ୟା ସନ୍ତାନ ସପ୍ତାହ–୨୦୨୧ ପାଳିତ ହୋଇଯାଇଛି।
“ଆକାଂକ୍ଷା” ମହିଳା ସଂଗଠନ ସମ୍ପାଦୀକା ଶ୍ରୀମତି ମୀନାକୁମାରୀ ଟହଲ ସଭାପତିତ୍ୱ କରି କନ୍ୟା ସନ୍ତାନର ସୁରକ୍ଷା ଦିଗରେ ଆଲୋକପାତ କରିଥିଲେ।
ଜିଲ୍ଲା ଶିଶୁ କଲ୍ୟାଣ ସମିତିର ସଦସ୍ୟା ଶ୍ରୀମତି ଅଳକା ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ କନ୍ୟା ସନ୍ତାନ ସପ୍ତାହ ପାଳନ ସମ୍ପର୍କରେ ବୁଝାଇଥିଲେ।
ଉପସଭା ନେତ୍ରୀ ଶ୍ରୀମତି ଅନିତା ମିଶ୍ର ଯୋଗ ଦେଇ ଗର୍ଭସ୍ଥ ସନ୍ତାନର ଲିଙ୍ଗନିରୂପଣ ଏକ ଦଣ୍ଡନୀୟ ଅପରାଧ ସମ୍ପର୍କରେ ବୁଝାଇଥିଲେ।
କୋଷାଧ୍ୟକ୍ଷ ଶ୍ରୀମତି ତନୁଜା ଶତପଥି ଯୋଗ ଦେଇ ବାଲ୍ୟବିବାହ ନିଷେଧ ଉପରେ ବୁଝାଇଥିଲେ।
ଅନ୍ୟ ମାନଙ୍କ ମଧ୍ୟରେ “ଆକାଂକ୍ଷା” ମହିଳା ସଂଗଠନର ସଦସ୍ୟା ମାନେ ଉପସ୍ଥିତ ଥିଲେ। ଛୋଟ ଛୋଟ ଶିଶୁ ମାନଙ୍କୁ ବିସ୍କୁଟ , ମିଠା ଓ ଚକୋଲେଟ୍ ପ୍ରଦାନ କରାଯାଇଥିଲା। ସର୍ବଶେଷରେ ସୁଜାତା ପାଢ଼ୀ ଧନ୍ୟବାଦ ଅର୍ପଣ କରିଥିଲେ।
