ବେଗୁନିଆପଡା ବ୍ଲକର 6ଟି ଉଚ୍ଚ ବିଦ୍ୟାଳୟରେ ପଞ୍ଚମ ମେଧାବୃତ୍ତି ପରୀକ୍ଷା, 231 ଜଣ ଛାତ୍ରଛାତ୍ରୀ ପରୀକ୍ଷା ଦେଲେ।

!!! ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର ରାଉତ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ବେଗୁନିଆପଡା) – ବେଗୁନିଆପଡା ବ୍ଲକ ଅନ୍ତର୍ଗତ ଜନତା ନୋଡାଲ ଉଚ୍ଚ ବିଦ୍ୟାଳୟ,ସାଙ୍କୁଡ଼ା ସ୍ଥିତ ଧବଳେଶ୍ୱର ବିଦ୍ୟାପୀଠ, ଅଙ୍ଗାରଗାଁ ସ୍ଥିତ ଦଣ୍ଡପାଣି ସୁମନ୍ତରା ଉଚ୍ଚ ବିଦ୍ୟାଳୟ,କୋଦଳା ସ୍ଥିତ ନୋଡାଲ ଉଚ୍ଚ ବିଦ୍ୟାଳୟ, ସ୍ବର୍ଣ୍ଣମୟୀ ନୋଡାଲ ଉଚ୍ଚ ବିଦ୍ୟାଳୟ, ମଠସରସିଂ ନୋଡାଲ ଉଚ୍ଚ ବିଦ୍ୟାଳୟରେ ରେ ପଞ୍ଚମ ମେଧା ବୃତ୍ତି ପରୀକ୍ଷା ଶେଷ ହୋଇଛି | ଏହି ବୃତ୍ତି ପାଇଁ ବ୍ଲକର ଆଞ୍ଚଳିକ ସ୍ତରରୁ 250 ଜଣ ପ୍ରାର୍ଥୀ ପରୀକ୍ଷା ଦେବା ପାଇଁ ମନୋନୀତ ହୋଇଥିବା ବେଳେ 231 ପରୀକ୍ଷାର୍ଥୀ ପରୀକ୍ଷା କେନ୍ଦ୍ରରେ ଉପସ୍ଥିତ ରହି ପରୀକ୍ଷା ଦେଇଥିଲେ | ଦୁଇ ଘଣ୍ଟା ସମୟ ସୀମା ବିଶିଷ୍ଟ ଏହି ପରୀକ୍ଷା ରେ କୋଭିଡ ନିୟମ ମାନି ପ୍ରତ୍ୟେକ ପରୀକ୍ଷା ହଲ ରେ ସାମାଜିକ ଦୂରତା ରକ୍ଷା କରି ପରୀକ୍ଷାର୍ଥୀ ପରୀକ୍ଷା ଦେଇଥିଲେ | ପ୍ରତ୍ୟେକ ପରୀକ୍ଷା କେନ୍ଦ୍ରରେ ମାସ୍କ ପିନ୍ଧିବା ଓ ସାମାଜିକ ଦୂରତା ରକ୍ଷା ବାଧ୍ୟତା ମୂଳକ କରାଯାଇଥିବା କଥା କହିଥିଲେ ବ୍ଲକ ବି ଇ ଓ ଶ୍ରୀଯୁକ୍ତ କମଳାକାନ୍ତ ସାହୁ | ସୁପେରିଟେଣ୍ଡେଣ୍ଟ ଭାବେ ଜନତା ନୋଡାଲ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ କେ. ଭୀମରାଜୁ ପାତ୍ର, ଧବଳେଶ୍ୱର ବିଦ୍ୟାପୀଠ ର ପ୍ରଧାନ ଶିକ୍ଷକ ଦେବରାଜ ମହାପାତ୍ର, ଦଣ୍ଡପାଣି ସୁମନ୍ତରା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ବିପ୍ର ଚରଣ ସାହୁ, ସ୍ବର୍ଣ୍ଣମୟୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଉମାକାନ୍ତ ବେହେରା,ମଠ ସରସିଂ ନୋଡାଲ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ରବୀନ୍ଦ୍ର ରଥ ପ୍ରମୁଖ ପରୀକ୍ଷା କେନ୍ଦ୍ର ଗୁଡ଼ିକୁ ପରିଚାଳନା କରିଥିଲେ | ସମସ୍ତ ସହକାରୀ ଶିକ୍ଷକ ପରୀକ୍ଷା କେନ୍ଦ୍ର ପରିଚାଳନା ରେ ସହଯୋଗ କରିଥିଲେ | ସାଙ୍କୁଡ଼ା ସ୍ଥିତ ଧବଳେଶ୍ୱର ବିଦ୍ୟାପୀଠ ରେ ପରୀକ୍ଷାର୍ଥୀ ମାନଙ୍କୁ ସିସିଟିଭି ମାଧ୍ୟମରେ ସତର୍କ ନଜର ରଖାଯାଇ ପରୀକ୍ଷା କରାଯାଇଥିବାରୁ ବ୍ଲକ ବିଇଓ କମଳା କାନ୍ତ ସାହୁ ଖୁସି ବ୍ୟକ୍ତ କରିଥିଲେ |