!!! ଗଜପତି ଜିଲ୍ଲାରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଜିଲ୍ଲାପାଳଙ୍କ ଆବାସିକ କାର୍ଯ୍ୟାଳୟ ପରିସରରୁ ଜିଲ୍ଲା ସ୍ୱତନ୍ତ୍ର ପୋଷ୍ୟ ଗ୍ରହଣ କେନ୍ଦ୍ର-“ନିସାନ ଶାଲୋମ ଚିଲଡ୍ରେନ ହୋମ” ଏବଂ ଜିଲ୍ଲା ଶିଶୁ ସୁରକ୍ଷା ୟୁନିଟର ମିଳିତ ଆନୁକୂଲ୍ୟରେ “ପୋଷ୍ୟ ସନ୍ତାନ ଗ୍ରହଣ ସଚେତନତା ବାର୍ତ୍ତା-୨୦୨୦ ଅଭିଯାନ ରଥର ଶୁଭାରମ୍ଭ ହୋଇଯାଇଛି । ଏହି ସଚେତନତା ବାର୍ତ୍ତା ଅଭିଯାନ ରଥକୁ ଜିଲ୍ଲାପାଳ ଅନୁପମ ସାହା ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ଏହି ସଚେତନତା ଅଭିଯାନ ରଥ, ମୁଖ୍ୟତଃ ଜିଲ୍ଲାବ୍ୟାପୀ ଆସନ୍ତା ତିନି ଦିନ ମଧ୍ୟରେ ଜିଲ୍ଲାର ସମସ୍ତ ପଞ୍ଚାୟତ ସମିତିକୁ ବୁଲିବା ସହ ସଚେତନତା ସୃଷ୍ଟି କରିବ। ଏଥି ସହିତ ପରିତ୍ୟକ୍ତ ଶିଶୁର ଯତ୍ନ ଓ ସୁରକ୍ଷା ପାଇଁ ଜିଲ୍ଲା ଶିଶୁ ସୁରକ୍ଷା ୟୁନିଟ କିମ୍ବା ଜିଲ୍ଲା ଶିଶୁ ମଙ୍ଗଳ ସମିତି କିମ୍ବା ଚାଇଲ୍ଡଲାଇନ୍ ନମ୍ବର-୧୦୯୮କୁ ଫୋନରେ ଜଣାଇବା ନିମନ୍ତେ ସଚେତନ କରାଇବ । ନିଜ ଜନ୍ମିତ ଶିଶୁକୁ ଲାଳନ ପାଳନ କରିବାକୁ ଚାହୁଁ ନ ଥିବା ବା ସମର୍ଥ ନ ଥିବା ଲୋକେ ଶିଶୁକୁ ରାସ୍ତା କଡାରେ ନ ଫୋପାଡ଼ି ଉପରୋକ୍ତ ୟୁନିଟ କିମ୍ବା ସମିତି କିମ୍ବା ଚାଇଲଡ଼ ଲାଇନ ନମ୍ବର ୧୦୯୮ରେ ଜଣାଇ ସମ୍ପୃକ୍ତ ଶିଶୁକୁ ସମର୍ପିତ କରାଇବା ଏବଂ ଯାହାକିଛି ଜନ୍ମିତ ଶିଶୁ ଚାହୁଁ ନ ଥିବା ସମ୍ଭନ୍ଧୀୟ ଉପରେ ସନ୍ଧେହ ରହିଛି , ତାହା ଜିଲ୍ଲା ଶିଶୁ ସୁରକ୍ଷା ୟୁନିଟ କାର୍ଯ୍ୟାଳୟ ସହିତ ଯୋଗାଯୋଗ କରିବା ଓ ପୋଷ୍ୟ ସନ୍ତାନ ଗ୍ରହଣ ପ୍ରଭୃତି ଉପରେ ଏହି ଅଭିଯାନ ରଥ ସଚେତନତା ବାର୍ତ୍ତା ଉପରେ ପ୍ରଚାର କରିବ । ଯେଉଁ ଦମ୍ପତ୍ତି କିମ୍ବା ବ୍ୟକ୍ତି ପୋଷ୍ୟ ସନ୍ତାନ ଗ୍ରହଣ କରିବାକୁ ଚାହୁଁଛନ୍ତି ସେମାନେ central adoption Resource agency (CARA) ର website କୁ ଦେଖି ଆବଶ୍ୟକ ଆବେଦନ କରିପାରିବେ କିମ୍ବା ଜିଲ୍ଲା ଶିଶୁ ସୁରକ୍ଷା ୟୁନିଟ , ଜିଲ୍ଲାପାଳଙ୍କ କାର୍ଯ୍ୟାଳୟ , ପାରଳାଖେମୁଣ୍ଡି , ଟେଲିଫୋନ ନଂ- ୦୬୮୧୫ ୨୨୨୫୮୬ ସହ ଯୋଗାଯୋଗ କରିପାରିବେ।
ଏ ସମ୍ପର୍କରେ ଜିଲ୍ଲାପାଳ ଶ୍ରୀ ଅନୁପମ ସାହା , ଅଧିକ ସୂଚନା ଦେଇ କହିଥିଲେ ଯେ , ଏହି ଅଭିଯାନ ରଥ ପୋଷ୍ୟ ସନ୍ତାନ ଗ୍ରହଣ ଉପରେ ଜିଲ୍ଲାବ୍ୟାପୀ ସଚେତନ କରାଇବ , ମୁଖ୍ୟତଃ ପରିତ୍ୟକ୍ତ ଶିଶୁ ମାନେ ଯେଭଳି ସମ୍ପୃକ୍ତ ଲୋକଙ୍କ ଅଲୋଡା ନ ହୋଇ ସେମାନଙ୍କ ଉପଯୁକ୍ତ ଲାଳନ ପାଳନ ହୋଇପାରିବ , ସେଥିପାଇଁ ଜିଲ୍ଲା ଶିଶୁ ମଙ୍ଗଳ ସମିତି ଠାରେ ଆଣି ଅବଗତ କରାଇବେ ବୋଲି ସଚେତନ କରାଇବା ଏହାର ମୁଖ୍ୟ ଉଦ୍ଦେଶ୍ୟ । ଏହା ଯୋଗୁଁ ଶିଶୁର ଯତ୍ନ ଓ ସୁରକ୍ଷା ହୋଇ ଠିକ ଭାବେ ବଞ୍ଚିପାରିବା ସହ ସନ୍ତାନ ହୀନ ମାନେ ପୋଷ୍ୟ ସନ୍ତାନ ଗ୍ରହଣ କରି ଉପକୃତ ହେବାରେ ବିଶେଷ ସହାୟକ ହୋଇପାରିବେ ବୋଲି କହିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ଶିଶୁ ସୁରକ୍ଷା ୟୁନିଟ ଅଧିକାରୀ ଅରୁଣ କୁମାର ତ୍ରିପାଠି , ଶିଶୁ ସୁରକ୍ଷା ଅଧିକାରୀ ଶ୍ରୀ ଡମ୍ବରୁ ଧର ବଲବନ୍ତରାୟ , ଜିଲ୍ଲା ଶିଶୁ ମଙ୍ଗଳ ସମିତିର ଅଧ୍ୟକ୍ଷ ଶ୍ରୀ ପ୍ରମୋଦ କୁମାର ରାଉଳ , ନିସାନର ପରିଚାଳକ ରଞ୍ଜିତ ପାଇକ , ପୋଷ୍ୟ ସନ୍ତାନ ଗ୍ରହଣ କେନ୍ଦ୍ରର ପରିଚାଳକ ପ୍ରତ୍ୟୁଷ କୁମାର ସୂର୍ଯ୍ୟ , ସିଡବ୍ଲ୍ୟୁସି:ର ସଭ୍ୟ ଶ୍ରୀ ହୀରଣ୍ୟ କୁମାର ରାୟ , ସଭ୍ୟା ଶ୍ରୀମତୀ ଅଳକା ସାହୁ , ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ପ୍ରଭାକର ତ୍ରିପାଠି ପ୍ରମୁଖ ଉପସ୍ଥିତ ଥିବା ବେଳେ ଜିଲ୍ଲା ଶିଶୁ ସୁରକ୍ଷା ୟୁନିଟର କର୍ମକର୍ତ୍ତା , ଶିଶୁ ମଙ୍ଗଳ ସମିତିର ସଭ୍ୟ ଏବଂ ଚାଇଲ୍ଡଲାଇନ୍ ସଭ୍ୟ ସହଯୋଗ କରିଥିଲେ।
