ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ଗୁଣପୁର ତହସିଲ ଅନ୍ତର୍ଗତ ଓକିଲଗୁଡା ପଥର ଖାଦାନ ରେ ଗତ ଶୁକ୍ରବାର ଦିନ ପଥର ବ୍ଲାଷ୍ଟିଂ ରେ ଅଘଟଣ ଘଟି ଘଟଣା ସ୍ଥଳରେ ତିନି ଜଣଙ୍କର ମୃତ୍ୟୁ ଘଟିଥିଲା । ଏହି ଖବର ବିଦ୍ୟୁତ ବେଗରେ ଖେଳେଇ ହୋଇଯିବା ପରେ ଘଟଣା ସ୍ଥଳରେ ସ୍ଥାନୀୟ ପ୍ରଶାସନିକ ଅଧିକାରୀମାନେ ପହଞ୍ଚି ଘଟଣାର ଅନୁଧ୍ୟାନ କରି କାର୍ଯ୍ୟାନୁଷ୍ଠାନ ଗ୍ରହଣ କରିବା ଖବର ସ୍ଥାନୀୟ ଜନସାଧାରଣ ଙ୍କ ମଧ୍ୟରେ ବଡ ଚର୍ଚ୍ଚା ର ବିଷୟ ହୋଇପଡ଼ିଛି । ସ୍ଥାନୀୟ ତହସିଲଦାର ଶ୍ରୀ ଲକ୍ଷ୍ମୀନାରାୟଣ ସାବତ ଙ୍କ ବିରୁଦ୍ଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିମନ୍ତେ ସୁପାରିଶ କରାଯାଇଥିବା ଖବର କୁ ନେଇ ସାଧାରଣରେ ଦ୍ବିମତ ପ୍ରକାଶ ପାଇଛି । କିଭଳି ଭାବେ କେଉଁ କାରଣକୁ ନେଇ ତହସିଲଦାର ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିମନ୍ତେ ସୁପାରିଶ କରାଯାଇଛି ବୋଲି ସାଧାରଣରେ ପ୍ରଶ୍ନ ବାଚୀ ସୃଷ୍ଟି ହୋଇଛି ।
ଏନେଇ ତହସିଲଦାର ଙ୍କ ପ୍ରତିକ୍ରିୟା ଜାଣିବା ନିମନ୍ତେ ଆମ୍ଭ ପ୍ରତିନିଧି ଙ୍କ ସାକ୍ଷାତ୍ କାର।
ପ୍ରଶ୍ନ – ଓକିଲଗୁଡା ପଥର ଖାଦାନ କୁ କାହାକୁ କେତେ ବର୍ଷ ନିମନ୍ତେ ଲିଜ ଦିଆଯାଇଛି ।
ଉତ୍ତର – ପ୍ରଦୀପ ଚନ୍ଦ୍ର ଯୋଗୀଙ୍କୁ ୫ ବର୍ଷ ନିମନ୍ତେ ଲିଜକୁ ଦିଆଯାଇଛି ।
ପ୍ରଶ୍ନ -ଏହି ଖାଦାନ ରୁ ପଥର ଉତ୍ତୋଳନ କରିବା ନିମନ୍ତେ ଆପଣଙ୍କ କାର୍ଯ୍ୟାଳୟ ପକ୍ଷରୁ ଅନୁମତି ଦିଆଯାଇଥିଲାକି ।
ଉତ୍ତର – ନାହିଁ ।
ପ୍ରଶ୍ନ -ଗତ ଦିନ ରେ ହୋଇଥିବା ପଥର ବ୍ଲାଷ୍ଟିଂ ର ଖବର ଆପଣ କେତେବେଳେ କାହାଠାରୁ ପାଇଲେ ।
ଉତ୍ତର – ମୁଁ ରାୟଗଡ଼ାରୁ ଫେରୁଥିବା ସମୟରେ ଫୋନ କଲ ମାଧ୍ୟମରେ ଘଟଣାଟି ଜାଣିବାକୁ ପାଇ ସିଧା ଓକିଲଗୁଡା ପହଞ୍ଚି ଦେଖିଲି ପ୍ରଶାସନ ପକ୍ଷରୁ ସେଠାରେ ସମସ୍ତେ ଉପସ୍ଥିତି ଥିଲେ।
ପ୍ରଶ୍ନ -ଦୀର୍ଘ 20 ବର୍ଷ ହେବ ଏଠାରେ ବେଆଇନ ପଥର ବ୍ଲାଷ୍ଟିଂ ଚାଲୁଥିବା ଚର୍ଚ୍ଚିତ ହେଉଥିବା ବେଳେ ଏନେଇ ଆପଣ ବିଭାଗୀୟ କର୍ମଚାରୀ କିମ୍ବା ଜନସାଧାରଣଙ୍କ ପକ୍ଷରୁ କୌଣସି ଅଭିଯୋଗ ପାଇଛନ୍ତିକି ।
ଉତ୍ତର – ଏଭଳି କିଛି ଅଭିଯୋଗ କାହାଠାରୁ କେବେ ପାଇନି ।
ପ୍ରଶ୍ନ -ଆପଣ କାର୍ଯ୍ୟଭାର ଗ୍ରହଣ କରିବାପରେ ଓକିଲଗୁଡା ପଥର ଖାଦାନ କୁ କେତେଥର ପରିଦର୍ଶନ ରେ ଯାଇଛନ୍ତି ଓ କଣ ଅନୁଧ୍ୟାନ କରିଛନ୍ତି ।
ଉତ୍ତର – ଚାରି ପାଞ୍ଚ ଥର ଯାଇଛି । କିଛି ଦିନ ତଳେ ଇରିଗେସନ ଜେଇ ଙ୍କ ସାଥିରେ ମିଶି ପରିଦର୍ଶନ ରେ ଯାଇଥିଲି। ଆମ୍ଭର ପରିଦର୍ଶନ ବେଳେ ସେଠାରେ କୌଣସି ଇଲିଗାଲ କ୍ୱାରି ନଥିଲା ।
ପ୍ରଶ୍ନ -ଏହି ଖାଦାନ ର ଲିଜଧାରୀଙ୍କୁ ପ୍ରତି ଟେଣ୍ଡର ରେ ଅନୁକମ୍ପା ଦେଖାଇ ସବୁ ଦୋଷକୁ ତହସିଲ କର୍ତ୍ତୃପକ୍ଷ ଘଣ୍ଟଘୋଡାଇ ରଖିଛନ୍ତି ବୋଲି ଯେଉଁ ଅଭିଯୋଗ ଉଠିଛି ଏନେଇ ଆପଣଙ୍କ ପ୍ରତିକ୍ରିୟା କଣ ।
ଉତ୍ତର – ସରକାର କିଭଳି ଅଧିକ ମାତ୍ରାରେ ରାଜସ୍ୱ ପାଇବେ ଏହା ମୋର ଲକ୍ଷ । କାହାକୁ ଅନୁକମ୍ପା ଦେଖାଇବା କିମ୍ବା ଘଣ୍ଟ ଘୋଡାଇବା ପ୍ରଶ୍ନ ଉଠୁନି । ଏଠାରେ ମୋର ବାପା ଭାଇ କିମ୍ବା ବନ୍ଧୁ ବାନ୍ଧବ କେହି ନାହାନ୍ତି ଯାହାକୁକି ଘଣ୍ଟାଘୋଡାଇବି । ଏହି କଥା ସମ୍ପୂର୍ଣ୍ଣ ମିଥ୍ୟା ।
ପ୍ରଶ୍ନ -ପଥର ବ୍ଲାଷ୍ଟିଂ କରିବା ନିମନ୍ତେ ଲିଜଧାରୀଙ୍କୁ ଆପଣ ଅନୁମତି ଦେଇଛନ୍ତି କି ।
ଉତ୍ତର – ବ୍ଲାଷ୍ଟିଂ ନିମନ୍ତେ ଅନୁମତି ଦେବା ଅଧିକାର ତହସିଲଦାର ଙ୍କ ନାହିଁ । ଏହା କେବଳ ଜିଲ୍ଲାପାଳ ହିଁ ଦେବେ । କିନ୍ତୁ ମୁଁ ଲିଜଧାରୀଙ୍କୁ ଅନୁମତି ମେଳିଛିକି ନାହିଁ କହିପାରିବି ନାହିଁ ।
ପ୍ରଶ୍ନ – ଓକିଲଗୁଡ଼ା ପଥର ଖାଦାନ ର ପରିବେଶ ମଞ୍ଜୁରୀ ପତ୍ର ମିଳିସାରିଛି କି ।
ଉତ୍ତର – ପରିବେଶ ମଞ୍ଜୁରୀ ଦେବା ଅଧିକାର ମୋର ନାହିଁ । ଏହା ଜାତୀୟ ଗ୍ରୀନ ଟ୍ରିବୁନାଳ ର ପରିସରଭୁକ୍ତ ମୋ ଜାଣତ ରେ ଆବେଦନ ହୋଇଥିଲେ ମଧ୍ୟ କୋଉଠି ଫାଇଲ ଅଟକିଛି କଣ ହୋଇଚି ସେ ବିଷୟରେ ମୁଁ ଅଜ୍ଞ ଅଟେ ।
ପ୍ରଶ୍ନ -ନିଲମ୍ବନ ଆଦେଶ ପାଇବା ପରେ ଏନେଇ ଆପଣଙ୍କ ପ୍ରତିକ୍ରିୟା କଣ ।
ଉତ୍ତର -ସରକାର ବୋଧହୁଏ ଏହି ପରିସ୍ଥତି ରେ ଏହା ଠିକ୍ ଭାବି ନିଲମ୍ବିତ କରିଦେଲେ । ସରକାର ଆଦେଶ କରିଛନ୍ତି । ମୁଁ ଏହି ଆଦେଶ କୁ ମାନିଛି ।
