ଗୁଣପୁର ଠାରେ ନୀରାଡ଼ମ୍ଵରଭାବେ ପାଳିତ ହୋଇଯାଇଛି ୭୪ ତମ ସ୍ଵାଧୀନତା ଦିବସ !

!!! ଗୁଣପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ଠାରେ ନୀରାଡମ୍ବର ଭାବେ ପାଳିତ ହୋଇଯାଇଛି ୭୪ତମ ସ୍ଵାଧୀନତା ଦିବସ । ଆଜିର ଏହି ଉତ୍ସବ ରେ ମାନନୀୟ ଉପ ଜିଲ୍ଲାପାଳ ଗୁଣପୁର ଶ୍ରୀ ସିଦ୍ଧେଶ୍ବର ବଳିରାମ ବନ୍ଧୋର ପ୍ରାତଃ ରେ ପୁରଣା ବସ୍ ଷ୍ଟାଣ୍ଡ ନିକଟ ଗାନ୍ଧୀ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରିବା ପରେ ନୂତନ ବସ୍ ଷ୍ଟାଣ୍ଡ ସ୍ଥିତ ସ୍ବର୍ଗତ ବିଜୁ ପଟ୍ଟନାୟକ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରିଥିଲେ । ସେହିପରି ସକାଳ ସାଢେ ସାତ ଟା ସମୟ ରେ ଉପ ଜିଲ୍ଲାପାଳ ଙ୍କ କାର୍ଯ୍ୟାଳୟ ରେ ପତାକା ଉତ୍ତୋଳନ କରିବା ପରେ ସକାଳ ୮ ଘଣ୍ଟା ସମୟ ରେ ଗୁଣପୁର ପୌର ପରିଷଦ କାର୍ଯ୍ୟାଳୟ ଠାରେ ପତାକା ଉତ୍ତୋଳନ କରିଥିଲେ ।

କରୋନା ମହାମାରୀ ଯୋଗୁଁ ଏହି ବର୍ଷ ମିନି ଷ୍ଟାଡ଼ିୟମ୍ ଠାରେ କେବଳ ପତାକା ଉତ୍ତୋଳନ କରାଯାଇଥିଲା । ଏହି ଅବସର ରେ ଗୁଣପୁର ଉପ ଜିଲ୍ଲାପାଳ ଶ୍ରୀ ବନ୍ଧୋର ଉପସ୍ଥିତ ବ୍ୟକ୍ତି ବିଶେଷ ଙ୍କୁ ସମ୍ବୋଧିତ କରିଥିଲେ । ଗୁଣପୁର ପୋଲିସ ବାହିନୀ ର କର୍ମଚାରୀ ମାନଙ୍କ ଦ୍ୱାରା ଜାତୀୟ ପତାକା କୁ ରାଷ୍ଟ୍ରୀୟ ସମ୍ମାନ ଦିଆଯାଇଥିବା ବେଳେ ଏହି ନୀରାଡମ୍ବର ଉତ୍ସବ ରେ ଗୁଣପୁର ତହସିଲଦାର , ଅତିରିକ୍ତ ତହସିଲଦାର , ଗୁଣପୁର ଆରକ୍ଷୀ ଅଧିକ୍ଷକ , ଗୁଣପୁର ଥାନା ଭାରପ୍ରାପ୍ତ ଅଧିକାରୀ , ମୁନିସିପାଲିଟି ଇ.ଓ , ଉପଖଣ୍ଡ ସୁଚନା ଓ ଲୋକ ସମ୍ପର୍କ ଅଧିକାରୀ , ବିଡ଼ିଓ ଗୁଣପୁର , ଅଗ୍ନିଶମ ବିଭାଗ କର୍ମଚାରୀ ବୃନ୍ଦ , ବନ ବିଭାଗ କର୍ମଚାରୀ ବୃନ୍ଦ , ମେଡ଼ିକାଲ କର୍ମଚାରୀ , ଆଶା କର୍ମଚାରୀ , ସଫେଇ କର୍ମଚାରୀ ସମୂହ ଉପସ୍ଥିତ ରହିଥିଲେ ।

ସେହିଭଳି ମାନନୀୟ ଜିଲ୍ଲାପାଳ ଙ୍କ ନିର୍ଦ୍ଧେଶ କ୍ରମେ ଗୁଣପୁର ବ୍ଲକ ର ସମସ୍ତ ସରକାରୀ , ବେସରକାରୀ ଶିକ୍ଷାନୁଷ୍ଠାନ , ଗୁଣପୁର ଆଦର୍ଶ ଥାନା , ଆରକ୍ଷୀ ଅଧିକ୍ଷକ ଙ୍କ କାର୍ଯ୍ୟାଳୟ , ତହସିଲ କାର୍ଯ୍ୟାଳୟ , ଗୋଷ୍ଠି ଉନ୍ନୟନ ଅଧିକାରୀ ଙ୍କ କାର୍ଯ୍ୟାଳୟ , ଉପଖଣ୍ଡ ମେଡ଼ିକାଲ , ବନ ବିଭାଗ କାର୍ଯ୍ୟାଳୟ ଓ ଅଗ୍ନିଶମ କାର୍ଯ୍ୟାଳୟ ଠାରେ କୋଭିଡ୍ ନିୟମ କୁ ଅନୁସରଣ କରି ବିନା ଛାତ୍ର ଛାତ୍ରୀ ଙ୍କ ଉପସ୍ଥିତି ରେ ନୀରାଡମ୍ବର ଭାବେ ସ୍ଵାଧୀନତା ଦିବସ ପାଳିତ ହୋଇଯାଇଛି ।