!!! ଗଞ୍ଜାମ୍ ଜିଲ୍ଲା ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗଞ୍ଜାମ୍) – ଗଞ୍ଜାମ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଖଲ୍ଲିକୋଟ ବ୍ଳକର ଲଙ୍ଗଳେଶ୍ବର ପଞ୍ଚାୟତରେ ପୂର୍ବରୁ ଜଣେ,ପରେ ଦୁଇଜଣ କରୋନା ପଜେଟିଭ୍ ଚିହ୍ନଟ ହେବା ପରେ ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେଙ୍କ ନିର୍ଦ୍ଦେଶ କ୍ରମେ ଲଙ୍ଗଳେଶ୍ବର, ଭେଜିପୁଟ ଓ ତେଲିଢ଼ିହ ଗ୍ରାମର ସମସ୍ଥ ପ୍ରବେଶ ପଥକୁ ସିଲ୍ କରାଯିବା ସହ କଣ୍ଟେନମେଣ୍ଟ ଜୋନ୍ ଭାବରେ ଘୋଷଣା କରାଯାଇଛି । ତାସହ ଲଙ୍ଗଳେଶ୍ବର ପଞ୍ଚାୟତର ନଗରଡିହ ପାଟଣା, କରାପଦର, ପଥରକଟା, କମଳାଦେଇପୁର, ବାକୁଟୁଗାଁ ପଞ୍ଚାୟତର ବାକୁଟୁଗାଁ, ପଥରା ପଞ୍ଚାୟତର ପଥରା ଓ ଓଡ଼ିଆ ଆଲପୁର ପଞ୍ଚାୟତର ଶ୍ରୀନଳିନାକ୍ଷପୁର ଓ ଗୁରାପଲ୍ଲୀ ଗ୍ରାମକୁ ବଫର ଜୋନ୍ ଭାବେ ଘୋଷଣା କରାଯାଇଛି । ଉକ୍ତ ଅଞ୍ଚଳକୁ ଯାତାୟତ ସମ୍ପୂର୍ଣ୍ଣ ନିଷେଧ କରାଯାଇଥିବା ବେଳେ ଏକ୍ସଜିକ୍ୟୁଟିଭ୍ ମାଜିଷ୍ଟ୍ରେଟ୍ ଭାବେ ଖଲ୍ଲିକୋଟ ଅତିରିକ୍ତ ତହସିଲଦାର ଜ୍ୟୋତିର୍ମୟ ଦାଶଙ୍କୁ ଦାୟିତ୍ବ ଦିଆଯାଇଛି । ଘରକୁ ଘର ବୁଲି ଲୋକ ଙ୍କ ସ୍କ୍ରିନିଂ କରିବା ସହ ଆବଶ୍ୟକ ସ୍ଥଳେସ୍ୱାବ ସଂଗ୍ରହ କରିବା ପାଇଁ ନିର୍ଦ୍ଦେଶ ଦିଆଯାଇଛି ଏବଂ ଅତ୍ୟାବଶ୍ୟକୀୟ ସାମଗ୍ରୀକୁ ଯୋଗାଇ ଦେବାକୁ ଗୋଷ୍ଠୀ ଉନ୍ନୟନ ଅଧିକାରୀ ନବକୃଷ୍ଣ ଜେନାଙ୍କୁ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ନିର୍ଦ୍ଦେଶ ଦେଇଛନ୍ତି ।
