ରାୟଗଡ ଆରକ୍ଷୀ ଅଧିକ୍ଷକ ଙ୍କ ସାମ୍ବାଦିକ ସମ୍ମିଳନୀ , ଜବତ ହେଲା ୧୧୭୦ କେଜି ଗଞ୍ଜେଇ !

!!! ଗୁଣପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ଗତ ମେ ୩୧ ତାରିଖ ଦିନ ଗୁଡାରି ଥାନାର ଏସ.ଆଇ ପୁରୁଷୋତ୍ତମ ଯାନୀ ଥାନାର ଅନ୍ୟ କର୍ମଚାରୀ ମାନଙ୍କ ସହ ପେଟ୍ରୋଲିଂ କରୁଥିବା ସମୟରେ ଗୁଡାରି ଥାନା ଅଧିନସ୍ତ ଖାରିଗୁଡା ର ଏକ ଭାଲିଆ ତୋଟାରେ କିଛି ବ୍ୟକ୍ତି ଗଞ୍ଜେଇ ପ୍ୟାକିଙ୍ଗ କରୁଥିବା ଖବର ପାଇ ତତକ୍ଷଣାତ ଭାଲିଆ ତୋଟାରେ ଚଢ଼ାଉ କରିବା ସମୟରେ ତେର ଜଣବ୍ୟକ୍ତି ପଲିଥିନ ବ୍ୟାଗରେ ଗଞ୍ଜେଇ ଭରି କରୁଥିବା ଦେଖିବାକୁ ପାଇଥିଲେ । ପୋଲିସକୁ ଦେଖିବା ମାତ୍ରେ ଏହି ବ୍ୟକ୍ତି ମାନେ ଦୌଡ଼ି ପଳାଇ ଯାଉଥିବା ସମୟରେ ଏମାନଙ୍କ ମଧ୍ୟରୁ ସମୀର ମାଝି ନାମକ ଜଣେ ବ୍ୟକ୍ତି କୁ ପୋଲିସ କାବୁ କରିଥିଲା । ଅନ୍ୟମାନେ ଦୌଡ଼ି ପଳାଇ ଯାଇଥିଲେ ହେଁ ଅନ୍ୟ ରାଜ୍ୟରୁ ଆସୁଥିବା ଗଞ୍ଜେଇ ବ୍ୟବସାୟୀ ଙ୍କୁ ବିକ୍ରି କରିବା ନିମନ୍ତେ ସେମାନେ ସମସ୍ତେ ମିଶି ଗଞ୍ଜେଇ ପ୍ୟାକିଙ୍ଗ କରୁଥିବା ଏବଂ ଏହା ଲକଡାଉନ ଉଠିବା ପରେ ବିକ୍ରି କରିବା ସ୍ଥିର କରିଥିବା ମାନି ନେଇଛନ୍ତି ।ପୋଲିସ ଘଟଣା ସ୍ଥଳରୁ ୧୩ ଟି ବ୍ୟାଗରେ ଭାରି ରହିଥିବା ୧୧୭୦ କିଲୋ ଗଞ୍ଜାଇ ସହ ୯ ଗୋଟି ମୋଟର ସାଇକେଲ, ଓଜନ ନିମନ୍ତେ ବ୍ୟବହାର କରୁଥିବା ଡିଜିଟାଲ ଓଜନ ମାପ ଯନ୍ତ୍ର ଏବଂ ବିଭିନ୍ନ ବ୍ୟାଙ୍କର ୭ ଗୋଟି ଏ ଟି ଏମ କାର୍ଡ ଜବତ କରିଛି। ଏନେଇ ଗୁଣପୁର ଆଦର୍ଶ ଥାନାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀ ରେ ରାୟଗଡା ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ଶ୍ରବଣ ବିବେକ କୁମାର ସୂଚନା ଦେଇଛନ୍ତି । ଗୁଡାରି ଥାନା ଅଧିନସ୍ଥ ସର୍ଗିଗୁଡା ଗ୍ରାମର ହେନାରୁ ମାଝୀଙ୍କ ପୁତ୍ର ସମୀର ମଝି ଏବଂ ଅନ୍ୟ ବାରଜଣ ଙ୍କ ନାମରେ ଗୁଡରି ଥାନା କେସ ନଂ ୩୮ ରେ କେସ ରୁଜୁ କରାଯାଇ ଗଞ୍ଜେଇ ନିରୋଧକ ଆଇନ ଧାରା ୨୦ (ଖ) ର ୨ ଏବଂ ଗ କ୍ରମେ କେସ ଦାୟର କରି ଅଭିଯୁକ୍ତ ଙ୍କୁ କୋର୍ଟ ଚାଲାଣ କରାଯାଇଛି ।କେସର ତଦନ୍ତ ଚାଲିଥିବା ପୋଲିସ ବିଭାଗ ପକ୍ଷରୁ ସୂଚନା ଦିଆଯାଇଛି । ବିଭାଗ ପକ୍ଷରୁ ଆୟୋଜିତ ଏହି ସାମ୍ବାଦିକ ସମ୍ମିଳନୀରେ ଗୁଣପୁର ଉପଖଣ୍ଡ ଆରକ୍ଷୀ ଅଧିକ୍ଷକ ଶ୍ରୀ ରାଜ କିଶୋର ଦାସ , ଆଦର୍ଶ ଥାନା ଭାରପ୍ରାପ୍ତ ଅଧିକାରୀ ଶ୍ରୀ ରଶ୍ମି ରଞ୍ଜନ ପ୍ରଧାନ ଯୋଗ ଦେଇଥିଲେ । ଜବତ ଗଞ୍ଜେଇ ର ଆନୁମାନିକ ମୂଲ୍ୟ ୧ କୋଟି ହେବ ବୋଲି ଆକଳନ କରାଯାଇଛି ।